الأعضاء الإشتراك و التسجيل

الملتقيات
ADs

تقرير تجربتي الاولى في اختبار الايلتــــــــــــــــــس .......دعواتكم

تقرير تجربتي الاولى في اختبار الايلتــــــــــــــــــس .......دعواتكم


NOTICE

تنبيه: هذا الموضوع قديم. تم طرحه قبل 1826 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

مشاهدة نتائج الإستطلاع: رايك في التجربة المطروحة؟

المصوتون
41. أنت لم تصوت في هذا الإستطلاع
  • هادفة

    41 100.00%
  • غير هادفة

    0 0%
إستطلاع متعدد الإختيارات.
  1. الصورة الرمزية Bright Future 86
    Bright Future 86

    متعاون سابق

    Bright Future 86 كندا

    Bright Future 86 , أنثى. متعاون سابق. من السعودية , مبتعث فى كندا , تخصصى Information Systems , بجامعة ان شاء الله Ottawa U
    • ان شاء الله Ottawa U
    • Information Systems
    • أنثى
    • Ottawa, Ontario
    • السعودية
    • Oct 2011
    المزيدl

    May 27th, 2012, 01:05 PM

    السلام عليكم ورحمة الله وبركاته

    انا اليوم جيت ومعايا تجربتي كاملة عن اختباري الايلتس

    وايمانا مني باني استفدت كتيييييييييييير من تجارب اللي قبلي فجيت هنا لاضيف تجربتي لعلها تفيد احد بعدي

    بداية هذا ااول اختبار ليا
    مستوايا العام : انترميديت الى ابر انترميديت يعني متوسط او فوق المتوسط

    الايلتس الشبح : الفكرة في البداية كانت كابوس وشبح وخاصة اني قريت عن بعض التجارب الفاشلة ولكن بدات نفسيتي ترتفع لما قرررررريت كثييير تجارب ناجحة

    قلت لازم اخد خطوة واقدم فعليا على الاختبار عشان اعرف مستواي قبل اسافر برا ( كندا تحديدا )

    قدمت على الاختبار في شهر 3 ميلادي ارسلتلهم الابليكيشن اللي عبيته اون لاين مع صورة من بطاقتي الشخصية وصورتين ليا والشيك المصدق بمبلغ 850 ريال وارسلتهلم على عنوانهم بجدة
    اختباري كان في جدة 26/5/2012

    الاستعداد :
    استعديت قبلها بشهرين في اول شهر كنت متحمسة مرة
    ذاكرات من مراجع في النت واشهر موقع ذاكرت منه موقع مفيد جدااااا
    www.ielts-exam.net

    تاني موقع
    يعرض تجارب الناس حول العالم في الاختبار والجديد اللي جاهم
    www.ielts-blog.com

    كمان في موقع رائع فادني في الكتابة
    writefix.com | Argument essays, graphs, other writing, and speaking for IELTS, PET, and TOEFL

    يعلمك اساسيات الكتابة انا ما شوفت باقي الاقسام للصراحة بس انا فادني مرة في الرايتنج

    وكمان دلتني وحدة من البنات على كتاب ررااااااااااااااااااااااائع قليلة فيه اسمه Barron's_how_to_Prepare_for_the_IELTS
    البنت تقلي ذاكرات فيه شهر واحد كنت ما اتركه من يدي ومستواها كان متوسط واختبرت في بريطانيا تقلي حصلت على 7.5 ما شاء الله

    افضل من وجهة نظري من كتاب كمبيردج 7

    الشهر التاني بدات تقل الهمة صرت اذاكر في اووقات متباعدة بس اهم شي اني مستمرة بالمذاكرة

    قبل الاختبار باسبوع ارسلولي على الايميل مكان الاختبار السبيكنج في يوم 22/5 في الفارسي سنتر
    والرايتنج والليسنج والرايتنج في 26/5 في موفبينك

    بعدين رجعوا غيروا مكان الاختبار التاني وخلوا في الفارسي سنتر ياريت تنبهوا للايميل لانه في بنات جوا فاتهم اختبار الايلتس السبيكنج قالولهم ادفعوا 100 ريال ونحددلكم موعد جديد
    وناس قالولي كانت بلغتيهم انك من خارج جدة يخلوا اختبار السبكينج مع الاختبار التاني بنفس اليوم

    اهم شي لا تنسوا اثباتكم يوم الاختبار( البطاقة الشخصية او جواز السفر )

    يوم 22/5/2012

    اختبار الاسبيكنج في الفارسي سنتر الساعة 10صباحا
    رحت هناك من قبل بساعة كنت فطرت وكلمت ماما عشان تدعيلي وبابا بعدها هههههه

    جاتني موظفة واخدتني في غرفة صورتني وخلتني احط اصبعي على جهاز البصمة يمكن خمس مرااات ههههههه فاكرة

    وبعدين قالتلي دحين تدخلي استريحي على الكرسي اللي قدام غرفة الاختبار
    خرجت اللي قبلي مكتئبة وهي اساسا من يوم ما جات مكتئبة قلت ما هاتاثر بيها هي كدا من يوم ما جات
    دخلت خايفة بس ماسكة نفسي بالقوة
    وكنت متوقعة الاكزمينر رجال لاقيت حرمة قدامي
    فرحت واطمنت

    المهم صبحت عليها وشغلت الريكورد عشان تسجل المحادثة وبدانا
    عرفت بنفسها
    سالتني عن اسمي وايش تحبي اناديكي
    طالبه ولا بتشتغلي
    اتوقعت هنا تتطلب الاي دي تبعي هي قالت السؤال الثالث انا مباشرة اعطيتها الاي دي ههههههههههههههههه اتفجعت مني فعادت السؤال استوعبت انها ما طلبت الاي دي وانها بتسالني من اي بلد
    ههههههههههههه من الخوف سحبت الاي دي وجاوبتها وبعدها طلبت الاي دي
    اعطيتها الاي دي ورجعته ليا
    الاسئلة :

    انتي متابعة الموضة
    ايش استايلك في اللبس وليه
    تشتري ملابس غالية ولا رخيصة وليه
    ليش في بلدك يشتروا ملابس غالية
    تشتري من النت وليه
    ايش الاشياء اللي تشتريها من النت وليه

    بعدين قالتلي هاعطيك كارد فيها موضوع تكلمي فيه خلال دقيقتين
    قدامك دقيقة تفكري واعطتني قلم و وورقة وبعدين ابداي اتكلمي

    الموضوع كان :
    اتكلمي عن مكان طبيعي نفسك تزوريه
    ايش هو المكان وفين يقع
    مع مين تبغي تزوريه
    وكيف سمعتي عنه
    واوصفي المكان

    انا فكرت في مصر بداية وماليزيا
    المهم رتبت كم فكرة في راسي
    وبدانا
    اتكلمت عن مصر وتحديدا الاهرامات لاقيت الادامية انفجعت عرفت اني غلط ( لانه مكان اثري مو طبيعي اطلاقا )
    وقفت في ثواني واتدراكت الموقف
    واتكلمت عن ماليزيا لاقيتها ابتسمت فكملت ووفيت جميع عناصر الموضوع
    بعدين بدات تناقشني
    فيه اماكن طبيعية في بلدك
    فين المكان
    اوصفيه
    لو عندك اجازة بتقضيها في مكان طبيعي ولا في مدينة غير مدينتك وليه
    كيف نخلي السياح يحافظوا على الاماكن الطبيعية
    هل الاعلام له دور في توعية الناس في المحافظة على البيئة

    وبكدا سمعتها تقول ending of speaking test
    فررررررررررررررحت كنت مرررررة مستنية العبارة دي

    على فكرة الاكزمينر اللي اختبرتني سريعة جداااااااااااااااااا لدرجة انا طبيعتي لما اتكلم انجلش افكر ويكون ليا ايماءات كثيرة معاها من سرعتها صرت اللي افكر فيه اقوله بسرعة بدون ايماءات
    بس بالصراحة كانت انسانة مريحة مطمئنة
    وانتهت المحادثة بسرررعة

    طلعت حسيت نفسي الحمد لله تمام بس ما ااقدر اقيم نفسي

    نصيحة قد يغفل عنها البعض كل شيء في الحياة مقدر لك

    خد بالاسباب + توكل على الله + ادعي الله + كن مؤمن بقدرك خيره وشره حتى الشر في باطنه خير

    ادخل وانت / ي عارف / ة انه الدرجة اللي هتاخده مكتوبة مسبقا في اللوح المحفوظ وانت هنا للاخد بالاسباب وابتهل لله انه يعطيك درجة عالية
    ربنا يوووووفق الجميع

    هاكمل الباقي بس باخد بريك


    دعواتكم ربي يكرمني بدرجة كووويسة

    اللهم امييييييييييييين
  2. عدنااااااااااااااااااااااااااااااااااااااااااااااا ااااااااااااا

    يوم 26/5/2012

    طبعا اانا بحكم اني من خارج جدة رحلتي كانت الساعة 3.5 فجرا وصلت جدة 4.5 فجرا جلست في المطار للساعة 6.5 وبعدها طلعت على الفارسي سنتر
    وصلت 7 والساعة 7.5 بدا دوام الموظفين
    ولاقيت بنات كتير جايين يختبروا في ناس اول مرة ززززي
    وناس اصحاب خبرات ما شا ءالله

    المهم طلعنا كان موجود على الديسك اوراق كل وحدة تاخد ورقتها اللي فيها اسمها ورقمها وتاريخ اختبارها
    بعدها اتصورت تاني وكمان البصمة تاني واعطونا رقم قاعة الاختبار
    رحت على القاعة الاختبار المفروض يبدا الساعة 8 لكن على ارض الواقع بدا 9

    اعطونا تعليمات عامة من طريقة تعبئة البيانات في الانسر شيت والغش ممنوع والكلام العام وانه قسم اللسيننج والريدنج بس نستخدم مرسام في الرايتنج عادي نستخدم مرسام او قلم

    بعدين اعطتنا تعليمات قسم الليسننج وقالت هو يستغرق نص ساعة والسماعات اتاكدوا منها انه شغال والصوت كويس وخلتنا نجرب السمااعات وما هيتعاد تكرر الشريط
    المهم وزعت علينا ال answer sheet وبعدين بدانا

    ملاحظة : لايحق لك كتابة الاجابات مباشرة لورقة الاجابة اول شي تكتبها في ورقة الاسئلة بعد ما ينتهي اللسينج تنقل الاجابات لورقة الاجابة خلال 10 دقائق

    كان اختبار لذيذ وسهل بس اللي شووية تعبني خريطة ونحدد من اللي نسمعه الاماكن
    وكمان انطباع شخص ما حوار كان بين موظف ومديره وبيتكلم فيه عن مهام عمله وايش انطباعه عن كل مهمة وتعرفوا في انطباعات تاخد بس بحماس المتحدث تعرفي انه يستمتع بالمهمة وهكذا

    المهم كان لذيذ وسهل وتم بحمد الله

    نصيحتي ركزوا على الجزء الاول من اختبار اللسينج لانه اسهل الاجزاء وتقدر تحصل على درجة عالية فيه

    بعدين سحبت الاوراق ووزعت علينا الريدنيج
    طبعا انا قبل ادخل الاختبار اتوقعت مشكلتي تكون في الرايتنج لكن لم اتوقع ابدا انها في الريدنيج
    والمشكلة ليست في صعوبة القطع او الاسئلة انما في عامل الوقت
    بس الحلو هنا انه تقدر مباشرة تنقل اجاباتك على ورقة الاجابة عكس اللسيننج

    الصعوبة هنا في الوقت ساعة لكل 3 قطع طويلة جدااا
    وضعت لنفسي تقسيم للزمن
    15 دقيقة لاول قطعة
    20 دقيقة للثانية
    20دقيقة للثالثة
    5 دقائق مراجعة

    طبعا كنت بقرا بسرررعة
    كل شوية ما بين السؤال والقطعة وهكذا اللي مااعرفه انتقل للي بعده وبعدين في النهاية لو بقي شي ما اتحل اخمن الاجابة الاقرب وهكذا كل القطع

    انا بصراحة اعتبر نفسي لم اكن بالمستوى المطلوب في الريدنيج بالرغم اني توقعت اني اكون فيه تمام
    لكن الحمد لله على كل حال
    اخدت مننا اوراق الاجبابات

    وانتقلنا للقسم الاخير
    اعطتنا التعليمات ووزعت الاوراق
    الرايتنج اكثر قسم كنت خايفة منه وعلة قولة المثل المصري الشهير
    ( اللي تخاف منه ما يجيش احسن منه ) ههههههههههههههههههه

    لم اكتشف مواهبي في الكتابة الا في اختبار الايلتس
    اتوقع ذلك يعود بس كثرة قراءاتي في مواضيع مختلفة وغالبا كنت اقضي وقت كثير في القراءاة لمواضيع الايلتس مثل البيئة - الرياضة - السياحةوالاثار - ومثل هذه المواضيع وكنت اركز على اساليب الكتابة والافكار والكتابات اللي حصلوا اصحابها على 8 و 7 تحديدا

    التاسك الاول :
    غرررررررررريب مختلف عن الطريقة السابقة
    في الاختبارات السابقة كان التاسك الاول عبارة عن شارت او جراف لمعلومات احصائية وتقول فيها زاد ونقص وهكذا

    اللي جاني جراف عن شرح كيفية تدوير البلاستيك
    شرح الخطوات كاتبين على كل خطوة اسم العملية ودا مفيد جدا في تركيب الجمل

    وعلى فكرة دا ااسهل بكثير من الطرق السابقة
    والحمد لله خلال 20 دقيقة كتبتت 150 كلمة كما هو مطلوب منه
    وطبعا مهم هنا first , second ....,final
    مثل هذه الكلمات لتوضيح تتدرج الخطوات

    التاسك الثاني : الناس المحليين لهم حياتهم التقليدية و انه السياح ياثروا على الناس المحليين بمنعهم من تغير نمط حياتهم

    موافق او غير موافق ودعم اجاباتك باسباب المطلوب 250 كلمة

    انا كتبت كلام كتير في السياحة واثارها على الناس المحليين وكتبت راي مفصل ووصلت ما شاء الله ل 350 كلمة في 35 دقيقة ههههههههههههههههههه ودا اللي كنت خايفة منه ( ياريتني خفت من الريدنيج ههههههه)
    وال 5 دقايق الباقية جلست ارتب تركيب الجمل واعد عدد الكلمات
    بس ماادري احس نفسي من كتر اللي كتبته اني بعدت شوية عن المضمون هههههه لاني شملت اكتر من جانب في حياة الناس

    ملاحظة : انا كتبت بالمرسام ودا فادني كتير في اني اقدر اعدل واغير بسهولة
    وكمان كنت متابعة الوقت
    واهم شي ما نسيت الكلمات اللي يحبوها
    also , further more , however
    بالاضافة اني استخدمت كل الفوكاب اللي اعرفها واستخدمات الفوكاب المعقدة لانه كمان سمعت انه بيعطوا عليها درجات عالية

    ومع ذلك لا استطيع تقيم نفسي
    لكن اتوقع بفضل من الله اني اصبت في الرايتنج

    الايلتس تجربة راااااائعة ومميززززززززة وليست كابوووووووووووس
    اعرف التقنيات هتعرف تعديه بسهولة باذن الله واهم شي رتب وقتك
    ترتيب الوقت + معرفة التقنيات + التدريب المستمر ( لاحظوا المستمر مو الكثير) والاهم يقنك وتوكلك على الله = اجتياز الايلتس باذن الله

    خلصت الاختبار الساعة 12 طلعت على المطار وكانت رحلتي الساعة 4.5 عصرا
    وصلت على الساعة 5.5 اخيرا انتهت رحلتي التي استغرقت 24 ساعة صاحية
    ورحت البيت حطيت راسي ونمت واول ما قمت صليت و كتبتلكم الموضوع هههههههه
    هذه مجمل وخلاصة تجرررربتي واسال الله ان يرزقني درجة كويسة من عظيم جوده وفضله ومنه وحده قادر على ذلك

    ارجو ان اكون افدتكم ولو بشيء بسيط
    دعواتــــــــــــــــكم ليا بالدرجات العالية في الدنيا والاخرة باذن الله ( فدعوة المسلم لاخيه المسلم في ظهر الغيب مستجابة)
    نتيجتي ستظهر بعد 13 يوم يعني اتوقع يوم 18/7/1433

    اسال الله لي ولكل من عطر موضوعي بمروره وكل المسلمين والمسلمات التوفيق والدرجات العلى في الدنيا والاخرة
    اللهم امين
    اللهم امين
    اللهم امين
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.