الأعضاء الإشتراك و التسجيل

الملتقيات
ADs

هذا الموضوع اشرح فيه رحلتي ووصولي لامريكا وغيرها من الامور اللي عندنا تخوف منها

هذا الموضوع اشرح فيه رحلتي ووصولي لامريكا وغيرها من الامور اللي عندنا تخوف منها


NOTICE

تنبيه: هذا الموضوع قديم. تم طرحه قبل 4324 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية one way-1
    one way-1

    مبتعث جديد New Member

    one way-1 الولايات المتحدة الأمريكية

    one way-1 , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى Accounting , بجامعة university of missouri columbia
    • university of missouri columbia
    • Accounting
    • ذكر
    • columbia, missouri
    • السعودية
    • Nov 2011
    المزيدl

    May 27th, 2012, 11:32 PM

    بسم الله الرحمن الرحيم ..

    اليوم اكتب لكم هالموضوع بعد وصولي لامريكا وبعد مااستقريت في مدينتي وهذا بفضل الله سبحانه وتعالى فالله الحمد والشكر..
    كان بالامكان اني انشغل بأمور اخرى خاصة فيني لكن يعلم الله ان من خلال هذا المنتدى استفدت الكثير والكثير فمن واجبي تجاه هذا المنتدى واعضاؤه اني اكتب هذا الموضوع اشرح فيه رحلتي ووصولي لامريكا وغيرها من الامور اللي عندنا تخوف منها قبل السفر وطبعا هذا شعور طبيعي لانها تجربه جديده ومغامره ..
    طبعا انا راح ابدا من يوم السفر كان يووم صعب جدا علي فراق اهلك واحبتك فاجاني شعور ان ودي اكنسسسسسسسسل كل شي واترك الروحه طبعا هذا الشعور يزداد كل ماكان تضحياتك اكبر عشان البعثه انا بالنسبه لي استقلت من وظيفتي اللي كنت مرتاح فيها نوعا ما رغبه وحرص على اكتساب معرفه وثقافه جديدة وطبعا زي ماذكرت لكم فراق الاهل والاحباب هذا شي صعب طبعا هالشعور استمر معي حتى ركبت الطياره واثناء الطيران طبعا ودي اذكر نقطة انه رحلتي كانت على الخطوط السعوديه لواشنطن وكنت ابغي اقص البوردنق قبل 24 ساعه لكن لما رحت قالوا لي انه اجراءات امريكا خاصة وانه ماتقدر تقص البوردنق الا قبل 4 ساعات ...نرجع للطياره طبعا كانت زحمه والرحله طويله ومتعبه يتم فيها تقديم وجبتين وفيه افلام ومسلسلات لكن تقريبا اغلب اللي بالطياره نايمين وصلنا واشنطن بالسلامه الساعه 2 الظهر طبعا من الطياره تركب باص بعده تنزل للصاله وهنا تبدأ لحظة الالتزام والنظام طبعا لازم توقف بالطابور وتنتظر لين توصل للموظف المختص اللي يوجهك لاي كونتر تروح بعدها رحت اهم شي الهدووووووء والابتسامه لان الخوف والقلق يخليهم يشكون فيك وطبعا انا شفت ناس كانوا خايفيين مرره خصوصا البنات فطول معهم الموظف شوي
    طبعا لما توصل الموظف تسلمه جواز السفر والاي توني والنموذجين اللي عبيتهم بالطياره يختم اوراقك ويقولك ادخل ...تدخل تستلم عفشك طبعا ماكان فيه ااااااااااي تفتيش للشنطه ولما توصل لموظف الجمارك تسلمه نموذج الجمارالازرق ويقولك ولكم تو امريكا طبعا يوم قالها لي حسيييييييييت بششششعور رااااااائع الحمدلله حسيت شهور الخوف والقلق كلها راحت بعد هالكلمه ..طلعت مع البوابه واستقبلتنا الملحقيه ورحنا للفندق اللي هو الشيرتون حجزت 3 ايام على حسابي طبعا الملحقيه غير مسؤوله عن الحجز بس يوصلونك الليله ب86 دولار غرفه حلوه ومتكته ..اليوم الثاني طلعت للملحقيه انا و3 بتاكسي كل واحد دفع 10 دولار وصلنا الملحقيه يدخلونك غرفه فيها اجهزه وسكان تسوي سكان لاوراقك وتفتح الملف وانا ودي اقدم نصيحه مهمه لكم انه تقريبا 90%من الملف تقدر تفتحه وانت بالسعوديه بمعنا تسوي سكان للاوراق اللي معك مثل الجواز والفيزا وقرار الابتعاث ...الخ وترفعها بالموقع لكن لاتسوي تسليم خلها حفظ ونفس الشي للبيانات اللي تعبيها اللي هي المؤهلات الدراسية وبيانات الجواز وغيرها طبعا اهم شي اللي عليها نجمة حمراء اللي ماعليها عادي تقدر تفتح الملف بدون ماتعبيها اذا ماتعرفها ..طبعا رفعت الملف انا باليوم الثاني الصباح وردوا علي تقريبا بنهاية دوام نفس اليوم انه الملف مرفوض وعلموني الاوراق الناقصه رجعت من بكرا رفعته وكملت الاوراق الناقصه وردوا علي بنفس اليوم انه تم قبول الملف طبعا رفعت الملف بدون الشيك الملغي لان الحساب فتحته بمدينتي وهذا افضل انك تفتح حساب بنكي وتطلع شريحه من مدينتك ووصلني الضمان المالي ثاني يوم بعدها سافرت لمدينتي طبعا المطار اخذوا علي 100 دولار للعفش الخطوط السعوديه ماياخذون شي لما وصلت رحت المعهد ودقوا على رئيس النادي السعودي وجاء الله يجزاه خير على طوول رحنا فتحنا حساب وطلعت بطاقة الجامعه ودق على واحد من الشباب قعدنا ندور سكن من الصباح لين العصر فعلا شباب سعوديين يرفعون الراس بيض الله وجيههم ماقصروا معي ..والان انا اموري خلصت ولله الحمد وبس انتظر الدراسه الله يسهل علينا وعليكم ..
  2. رفعت الملف بدون الشيك الملغي لان الحساب فتحته بمدينتي وهذا افضل انك تفتح حساب بنكي وتطلع شريحه من مدينتك

    المصدر:
    <<<< مافهمت عليك هنا كيف فتحت حساب بالبنك من مدينتك وانت لسه واصل وطلعت شريحه ؟؟http://www.mbt3th.us/vb/forum149/thr...#ixzz1w88kHdDX حفاظاً على حقوق الكاتب نرجو عدم حذف المصدر مبتعث
    7 "
  3. [QUOTE=Rosetta;1061901774]
    رفعت الملف بدون الشيك الملغي لان الحساب فتحته بمدينتي وهذا افضل انك تفتح حساب بنكي وتطلع شريحه من مدينتك

    المصدر:
    <<<< مافهمت عليك هنا كيف فتحت حساب بالبنك من مدينتك وانت لسه واصل وطلعت شريحه ؟؟http://www.mbt3th.us/vb/forum149/thr...#ixzz1w88kHdDX حفاظاً على حقوق الكاتب نرجو عدم حذف المصدر مبتعث
    [/QUOنفس السؤال . اشكرك على طرحك للموضوع بس حابة اسألك هل اكيد الملحقية تستقبلنا في المطار؟ و بالنسبة للسكن انا قبل شوي قرأت لموضوع يخوف في حاكية احجز من النت لإني ناوية احجز السكن من النت بس خايفة انسرق و لا فلوسي تروح بلاش؟ والله محتاااااااااااااارة مرة
    7 "
  4. هلا بكم جميعا واشكر مروركم بالنسبه لي انا كتبت هذا الموضوع بعد وصولي لمدينة الدراسه اللي هي غير واشنطن ...وبالنسبه للشريحة والحساب البنكي سويتها بعد وصولي لمدينة الدراسة وهذا افضل انك تطلع شريحة جوال وتفتح حساب بنكي من مقر دراستك لانكم مثل ماانتم عارفين امريكا اقاليم وولايات مختلفة فالافضل انك تسوي هالشيئين بعد وصولك لمدينتك ...طبعا انا حاب اقول شي انه روحتي لواشنطن ماكان لها فايده الفايده الوحيده اني استخدمت السكان لرفع اوراقي فقققققط ...فأنصح اللي لسى ماسافر انه يسافر على مدينة الدراسه مباشره دون الحاجه للمرور على واشنطن لانه بكل صراحه مصاريف على الفاضي وملفك تقدر تسويه وترفعه كامل عن طريق الخدمات الالكترونية للملحقية وصراحة ماكان منهم اي تقصير لانه قبل ماسافر سمعت ناس تقول انهم ياخذون اسبوعين حتى يرسلون الضمان المالي او يقبلون ملفك وهذا كله غير صحيح الصراحه ناس تشتغل انا رفعت الملف 11 الصباح الساعه 5 العصر تم قبول الملف ومن بكرا الصباح تم ارسال الضمان المالي...بالنسبة لسؤال استقبال الملحقية اي نعم تستقبلكم الملحقية وتوديكم لفندق الشيراتون لاتشيلون هم الامور سهالات اهم شي الهدوء والتركيز واوراقكم تكون كامله والله يوفقكم جميعا.
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.