ياناس ماسويت ولا شي تتوقعون بيمديني او بتروح علي البعثه تكفون واسوني الله يفرجها لكم

السلام عليكم ورحمة الله وبركاته

مره الدنيا ضايقه فيني لأني للحين ماسويت ولا شي ولا جبت قبول من المعهد تتوقعون يمديني كل الأوراق المطلوبه معي بس ودي ارسل للمعهد عن طريق الأيميل هل ممكن ينفع هالشي يرضون وارسل رسوم النموذج تحويل على رقم الحساب البنكي للمعهد لاكن اخاف يطنشونني
ودي احد يساعدني  ويكلمهم لأن مااعرف اتكلم انجليزي وزوجي مره مو معطيني وجه كل مااطلبه طلب بخصوص هالموضوع يجيه بروووووود مو طبيعي وغير مهتم يقول سوي كل شي بس مايساعدني نهائي إلا بعد ماتطلع عيني وروحي منه تعبت والله ماعاد اقدر اعتمد عليه وهو سبب تأخيري بالتقديم قلت ابكتب موضوعي بالمنتدى لعل الله يرزقني من الناس الطيبين اللي يبي الدعاء والأجر وفعل الخير لوجه الله
المعهد بفرجينيا بنورفلك وانا مره خايفه انهم مايقبلوني وغير كذا الفيزا خايفه تتأخر وتنلغي البعثه وتروح علي لأن اخر موعد قالوا لي الوزاره في رمضان قالوا لازم تجين في بداية رمضان وتصدرين قرار الأبتعاث
هل فيه احد ممكن يساعدني ويواسيني برده ويريحني
من فرج على مسلم كربة فرج الله عليه كرب يوم القيامه*

وعليكم السلام ورحمة الله وبركاته
أختي هديء بالك وان شاء الله مايصير الا كل خير
أهل الخير كثيرين بالمنتدي وتلاقي من يساعدكي يارب
وزوجك الله يخليه لك ولبناتك تفاهمي معاه حول الموضوع لأنكم راح تدرسوا سوا هناك فالأفضل تتفاهمي معاه من الحين

ونسيت اقول حاجه اني اتصلت على الملحقيه قالوا مالنا اي علاقه نجيب لك قبول من المعهد انتي تسوين كل شي بنفسك فمرررررره استغربت لأن موضوع بنت الرازي اللي مثبت فوق يقول عكس كلامهم وقالوا لو ماتعرفين استعيني بمكتب يجيب لك قبول

وعليكم السلام ورحمة الله وبركاته

اختي حابه أقولك انه ما فاتك شي بإذن الله بس راسلي المعهد وجيبي الاي توني وخلي الدراسه تبدا بعد ثلاث شهور او شهرين اقل شي وانا افضل اكثر
من شهرين

وخذي موعد من السفاره في اقرب وقت والفيزا بإذن الله اذا أوراقك كامله وكنتي واثقه من إجابتك ومن نفسك ما راح ياخرونها لك

وبعدها بس بالايميل تراسلي الوزاره على القرار ويصدر لك بنفس اليوم بإذن الله

فلا تخافي لرمضان كثيييير تقدري تخلصي في اقل من شهرين اذا تحركتي الحين

يا ليت اعرف انجليزي والله كان ساعدتك يا قلبي اعذريني

اختي لو تبين مدينه شيكاغو انا مستعد اوفر لك ايتوني في يدينك خلال اسبوع لكن المعهد متواضع ولو جيتي تقدرين تحولين لاي معهد في شيكاغو as simpls as it is
وفيه اعضاء هنا من مدن اخرى يقدرون يساعدونك

ضعي موضوع لاسم أو رابط المعهد. والأخوان مايقصرون في الترجمة ومساعدتك في احضار القبول.
يلي ذلك الفيزا وبقية الاجراءات والأمور بسيطة بمشيئة الله.
الله ييسر لك الخير

اختي راسليني على الخاص إذا تبغي اي ترجمة او اي شيء انا حاضرة على فكرة جبت قبول مرافقي في اسبوع ولا تخافي بساعدك باللي اقدر عليه حتى التقديم على الفيزا بس حاولي الفيزا تقدمي عليها من الأن عشان تقدري تلحقي على المواعيد

هلا اخيتي ..انا راسلت المعهد قبل شهر وللان ما ستلموا الاوراق فيه مشكلة اظن بالايميل,,
على العموم انا موجود لو تبي اي ترجمة

اقتباس:

---

المشاركة الأصلية كتبت بواسطة Cherrymerry

اختي راسليني على الخاص إذا تبغي اي ترجمة او اي شيء انا حاضرة على فكرة جبت قبول مرافقي في اسبوع ولا تخافي بساعدك باللي اقدر عليه حتى التقديم على الفيزا بس حاولي الفيزا تقدمي عليها من الأن عشان تقدري تلحقي على المواعيد

---

جزاك الله كل خير وحرم وجهك على النار.

وعليكم السلام ورحمة الله وبركاتــه

" اسم المعهد " الله يسهلكم أموركم ؟