السلام عليكم ورحمة الله وبركاته
كيفكم جميعا ؟
نزلت الموضوع هنا لانو انتو عندكم خبره اكتر من غيركم
فـ بليز اللي عنده حل او جواب يقول لي لان البكيه واااصله
انا كنت حقدم في برنامج الابتعاث هدي السنة
وكان المحرم موجود وضامنته وجهزت لكل شيء واهو كنت بس بنتظر
التسجيل ينزل , لكن قدر الله وماشاء فعل , تكنسل موضوع المحرم
وصار مافي احد يمشي معايا بالمره , الا ان كان يوصلني ويرجع
وبعثة الملك عبد الله اخر امل لي بعد الله في استكمال دراستي
ماقدر اكنسلها واتخلى عن ماجستير ودكتوراه واجلس ببكالوريوس بس
حاولت اخدها عن بعد طلعت مو معترف بيها , حاولت القى تخخصي هنا بالسعودية
بس مو موجود , فإيش اعمل , هل في حالات خاصة يسمحوا للبنت تسافر بدون محرم ؟
وهل لو سافرت وطلع معايا احد وصلني ورجع وعرفت الملحقية بكدا هيوقفوا البعثه بجد؟
ايش ممكن اعمل واكمل دراستي مع ظروفي هدي ؟