الأعضاء الإشتراك و التسجيل

الملتقيات
ADs

وصلت امريكاااااااا ابشركم قبل شهر

وصلت امريكاااااااا ابشركم قبل شهر


NOTICE

تنبيه: هذا الموضوع قديم. تم طرحه قبل 2011 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية رايح ولي فيها فيها
    رايح ولي فيها فيها

    مبتعث جديد New Member

    رايح ولي فيها فيها الولايات المتحدة الأمريكية

    رايح ولي فيها فيها , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى جديد , بجامعة باقي ماحصل
    • باقي ماحصل
    • جديد
    • ذكر
    • شواق, واشنطن
    • السعودية
    • Nov 2011
    المزيدl

    June 17th, 2012, 05:42 AM

    السلام عليكم ورحمة الله وبركاته وبعد

    اولا احب ان اشكر هذا المنتدى الذي اسفتدت منه الكثير

    واقدم لكم تجربتي بس باسلوبي ممكن دفش شوي بس يعجبكم انشاء الله واي سؤال انا حاضر وبالخدمه


    محسوبكم وصل امريكا بعد توديع استمر لمده اسبوع الخال يودع والعم يودع والوالد يودع والوالده

    تودع والاخوان يودعوا مع احتفالات بالديره وناس رايحه وناس جايه لان محسوبكم بدوي

    وتعرفو البدو مايحتاج بالكرم وكل واحد عازمني واقوله تم المهم اسبوع لحم ع قولتهم والحمد لله ونسيت الراعي عثمان الله يذكره بالخير سوى لي ذاك التيس الي احس طعمه بفمي الى الان

    الله يذكره بالخير وحشني الزول لا وكل يوم يدق خلص رصيده المسكين رفيق دربي بالبراري الله يوفقه ع العموم نخش بالرحله

    انطلقت من مطار تبوك الله ياتبوك الورد ع الرياض وضاق صدري بالرياض مع احترامي لربع الرياض فوق راسي بس الله يعينهم ع هذيك الديره

    المهم وصلت الرياض واخذ شنطه مناحي واجيك منطلق ع الرحلات الدوليه الخارجيه واتكي طلع الرجال مو بالموقع الصحيح المفروض ما اروح للرحلات الاجنبيه واجيك معود درقن درقن لا تفوتك الرحله واشوف لك ذاك السرى قلت وش ذى

    مقصف بالمطار لابشركم طلعة رحلتي والسرى سرى الجمارك تخيلو سرى ع باب واحد صف مع الناس ابو ساعه المهم ختمت جوازاتي وشدية عفشي واتكي عند البوابه لين ماقلو حيهم واول واحد ادخل الطيارة واعجبتني المقاعد الاماميه لو ماوصوني

    كان جلست اول واحد واعطي المضيفه وتودني عند الكرسي تبعي المهم انام واصحى واروح ابي اصلي والاقي رجال عند المصلى باقي مادخل وقت الصلاة معقوووووله لي 10 ساعات وباقي المهم

    بعد تكرار عليه اقنعني ان الوقت مادخل باقي اها نجي للمهم ورقه الجمارك الي يوزعوها عليك بالطيارة والله محسوبكم مايدل الانجليزي ولا يعرفه والورقه ماأدري بالمقلوب ولا بالمعدول المهم واتلزق بالجنبي

    وضحكين واخش بالموضوع وش ذي قلت له هاذي حقت الاكل بالطايرة قال لا يارجل تبع الجمارك وعباها لي الله يجزاه خير وباقي منها قطعه بالجواز ع حسب علمي ماتقدر تطلع من امريكا الى وهي بالجواز كذا فهمني

    وصلت واشنطن وآه ياواشنطن واتلفت يمين يسار وش السالفه وانا وش جابني بهاذي الديرة لاعادها الله من ديره واقلب الترويحه براسي والتعوذ من ابليس واهون ع طول واجيك ع المصري الي يستقبل المبتعثين وانشب لك بحلقه قال ان جالس

    بواشنطن قلت لا انا طالع ع سان انتونيو قال لي الله يوفقك الطريق من هناك قلت وشو تعال الله لايهينك وين اروح والبوردنق وش اعلومه عندهم من وين اجيبه جلس يوصف نص ساعه المهم اخذته معي وقلت له مع ياصديق لما اطلع من هون الرجال

    قص البوردنق ووداني عند باب الاقلاع جزاه الله خير وتيسر محسوبكم كني اتفرج ع امبيس تو او ماكس ناس ماتشوفها الى بالافلام المهم يوم جى موعد الاقلاع واول واحد ع الباب كالعادة مثل مطار الرياض اذا تتذكرو بس هنى الصدمه الي حسيت فيها

    بس مافهمتها صفطوني ع جنب قلت بس كشفو الي معي بالشناط الله يستر من الغرب معي (دويات الوالد مسويتها الله يحفضها حلتيت ع صعوط ومعي سمن ومعي مريس ومعي خير من الله قلت الامور راحت ) المهم انتظر وش السالفه وش العلم كل شيئ

    لف براسي يوم الناس ركبو الباب قفل قلت بس البليس باطريق مسافه السكه بس المهم جلسو يفهموني ويفهموني مافهمت وش يبو يفهموني ماقلت لكم الانجليزي عني صفر ع الشمال ويشغل لك مترجم قوقل الموضف طلع كلامة بالعربي شخص غير

    مرغوب فيه المهم عصبه بس بالعربي معصب مو بالانجليزي شو بلشو قالو مالهم الاينادو ع احد يجيد العربيه المطار اصبح ينادي بدل الرحلات وين الي يتكلم عربي طبعا ترجمتها هعهع ويجيك ذاك الطحش قال انا اتكلم مصري قلت مافيش مشاكل ياعم

    طلع المصري حقه مو مثل الي نعرفه المهم مافهم علي شوي ويجي شايب فلسطيني وبنته الله يجزاهم خير طلع محسوبكم ماعليه اي خطا وطلع الخطأ منهم ويبو يعوضوني بتذاكر ويعوضوني بعد انام لين يجي موعد الرحله الجديدة بفنق هلتن مدري شليتون لين الصباح اها توني افهم وازعل لك ذيك

    الزعله عليهم ولا ني راضي بالتعويض بعد وتعدي سلامات والصبح ع سان انتونيو وتيسرت اموري والحمد لله بعد مااستقبلني احد المبتعثين جزاه الله خير ووفقه بدراسته ورضى والديه قولو آمين يالقاريين


    واجيك اول يوم بالمعهد واحوس لك حوس الشغله يبلها انجليزي ومحسوبكم مامعه من الاجهزه الذكيه ولا شيئ معي ابو كشاف وجرد فيني مو راضي يشتغل بعد ع الشريحه ا لامريكه اوصيكم خلوه بالسعوديه اللعين واطق لي ابو كشاف امريكي

    واتعرف عالشباب وانقول انشاء الله انها تتيسر بس
    تبو الصحيح اشتقت للديرررررررررة عمااااااار فاصل للشوقي لديره
    انا بالنسبه لي راح اشتاق للوالد والوالده واخواني واخواتي ........ وبيت الشعر حقنى لأن محسوبكم بدوي بكرتونه انطلق ع امريكا تعال دبرها

    ومشتاق للغنم والراعي عثمان ومشتاق ارضع الصلطان الصبح وخصوصاً بالبرد يالبه بس ايام لاتنسى
    ونفسي اني سكنت عند بدو بامريكا بس ماحصلت ومشتاق اورد الواااااايت واود ماء للبعارين واطرط ورى الحيران وحليب النياق


    تبو السراحه قلبت الترويحه براسي كم مره ويازين العايشه الي كن عايشه بس الرجعه عندي تعتبر مصيبه كبرا والله يصبرني عن البهم والحيران والوايت!!!!!!!!!!!!!!!!!!!!!!!!!!!!!!!!1






    وهذي قصيده قلتها من اول شهر تغرب

    عساها تحوز ع رضاكم ولوانها مكسره بس عاد العربي نسيته هعهعه


    شدية رحالي يم الولايات
    من ديرة البيتين الصبح بدري
    ذكرت الله في جميع المحطات
    يالله تيسر وانت بالحال تدري
    وصلت واشنطن ولا هي حاجات
    خواجات تجي وخواجات بالعلم تقفي
    ناس تقول اكس كيوزمي وناس تقول قف مي ذات
    وانا اردد ولكم وارجع واقول هلبمي
    اخيراً اقلعت بعد كوم نكبات
    اربط احزامك ترى الجو مشتي
    الحمد لله وصلت آخر المحطات
    الله يعين على الغربه وتيسر لي دربي


    وسلامتكممممممممممممممممممممممممممممممممممممممممممم مممممممممممممممممممممممممممم
  2. المشاركة الأصلية كتبت بواسطة just love
    صح لسسااانك .. ههههههههههههههه والله قصتك قصه

    ع العموم مااقول الى الله يفوقك وترجع بالشهاده وتنكس بها في مطار الرياض

    حياك اخوي اشكرك لمرورك يالغالي خلني اتخرج بس اروح من امريكا تأشيرررررره بالمره ندخل موسوعه غنس مع الشهادة
    7 "
  3. هههههههههههههههههههههههههههههههههههه

    ياعمي روح الله يوفقك ويسهلك دروبك ويرزقك العلم والعمل النافع يـــارب
    وربي عيوني دمعت :d

    كلوو كووم هذي الكلمتين كووم ثاني :d


    ويبو يعوضوني بتذاكر وانا بفنق هلتن مدري شليتون

    -

    بعد مااستقبلني احد المبتعثين جزاه الله خير ووفقه بدراسته ورضى والديه قولو آمين يالقاريين


    آميــــن



    شدية رحالي يم الولايات
    من ديرة البيتين الصبح بدري
    ذكرت الله في جميع المحطات
    يالله تيسر وانت بالحال تدري
    وصلت واشنطن ولا هي حاجات
    خواجات تجي وخواجات بالعلم تقفي
    ناس تقول اكس كيوزمي وناس تقول قف مي ذات
    وانا اردد ولكم وارجع واقول هلبمي
    اخيراً اقلعت بعد كوم نكبات
    اربط احزامك ترى الجو مشتي
    الحمد لله وصلت آخر المحطات
    الله يعين على الغربه وتيسر لي دربي

    صح لسـانك ،

    والله ييسرلك دربك ودرب كل مسلم ومسلمـة يـــارب




    عفويتك في كتابة اللي حصـل معاك " جدا رائعة " !

    صحيح بعض الكلمات يبغالك تراجعها لأنك أكلت كم حرف منها :d

    بس فكرة الموضوع وصلت يالغالي ، وتجربتك راح تفيد أكيد ،


    بالتوفيق يـــارب



    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.