ابي استشارة بعثة ولا وظيفة ؟؟؟ ياليت تفيدوني

لا يالغالي غلط التفكير هذا والفكره اللي أنت حاطها براسك

بالعكس الحكومه تتمنى كل أعتمادها على شبااب البلد

لان هذا يعطي قووه للبلد في كل شي ,

ياحبيبي السعودية اعلى دولة عطالة في الشرق الاوسط صدقني الاجانب اكثر

شوف الجامعات السعوديه نسبة الاجانب تفوق نسبة السعوديين

واذا على الراتب الضعيف للأجنبي أبي أسألك أي أحسن للحكومه أجنبي ياخذ راتب 3000 ريال

ويرسلها خارج البلد ولا سعودي يستلم 10000 ريال ويصرفها داخل البلد ؟؟

بس الاجنبي بيقدم بحوث وابتكارات لرفع مستوى وسمعة الجامعة او الشركة او القطاع الي شغال فيه ولا ماجابوه من الاساس من بلاده

انا ماني معاك يوم تقولي السعودي يصرف فلوسه في البلد والاجنبي يرسلها برا << هو الكلام صحيح

بس ماياخذ بعين الاعتبار والدليل طالع حوالينك الاجنبي متوظف مكان السعودي

والسعودي عاطل ينتظر الفرج

ياخي شوف الجامعات الشركات المستشفيات وربي اجانب بالهبل وياخذون رواتب ويصرفوها على بلادهم

يعني المشكلة مو في صرف الفلوس المشكلة السعودية تحب الاجنبي وماعندها ثقة بالسعودي

يااخي انا يوم كنت طالب ماكان يسمحون لي ولزملائي بدخول مراكز الابحاث

فقط محصورة للاجانب ماقدرنا نتوظف فيها ولاسعودي توظف فيها ياخي حتى ماقدرنا ندرس فيها طردنا منها

عشان الاجنبي ياخذ راحته الاجنبي مرفه بالسعوديه مع الاسف

ممكن هذا الكلام ينطبق على القطاع الخاااص لاكن الحكوومه تحاول تجبر القطاع الخااص

على السعوديين

غريبه !!

انا اشوف العكس القطاع الخاص هو من يوظف السعودي والدليل الأكبر حافز اساسا نص زملائي الي تخرجو معاي

راحو على القطاع الخاص الي راح فندق والي راح سيكيرتي والي راح مدرسه اهليه وفي منهم كاشير بعد

لاكن المشكله قله الشباب السعوديين المؤهلين لوظايف معينه بالحاله هذي

الحكوومه ماتقدر تجبرررهم .

وين قلة شباب سعوي مؤهل اقولك العطاله لاعبه بالسعوديه وفي ناس مؤهلين وكفؤ للعمل

ياالغالي حنا بزززمن الفررص مافيه شي أسمه واسطه أو هذا ذكي وهذا غبي هذا يستاهل وهذا مايستاهل

فيه شي أٍسمه فرصه شخص جته فرصه واستغلها وشخص ماحصل فررصه.

اخالفك الرأي وبقوة .. شوف انا رجل مااحب شي اسمه واسطه والله لايغير علي

لكن الصراحة الي معاه واسطه في هالزمن هو سيد زمانه

يقدر يبتعث ويقدر يشتغل بأي مكان وبأي معدل وبأي تخصص

انا اعرف زملائي كثير الي جايب مقبول وتوظف عن طريق الخدمة المدنية اول ماتخرج وانا جايب ممتاز دوبني توظفت بعد سنه عطاله

اعرف واحد من زملائي توظف بجههة طبية وتخصصه بعيد عن الطب

اعرف واحد من الشباب توظف مدرس ومامعاه تربوي وتخصصه مايسمح له يدرس ؟؟

هو صحيح الدنيا فرص بس مو كل من استغلها وصل للي يبيه احيان مجتمعك واقعك يجبرك على شي بعيد عن طموحك

انا شخصيا استغليت فرص بحياتي بس ماقدرت اوصل للي ابيه وان شاء الله بوصل في يوم من الايام


أنت الان بيدك بيدك فرصتين الابتعاث او الدراسه ومحتار ترجح بينهم لاكن مجررد أنك تحسبها حساب بسيط طبيعي ترجح كفه الابتعاث

هذا راجع لطموحك ورغبتك.

الابتعاث حلو للشخص الي يفكر ويخطط لمستقبله

الابتعاث حلو للي عنده هدف يحققه

وانا بصراحة ببتعث اذا الله اعطاني عمر طال الزمن ولا قصر

بستخير الله

وبتوكل على الله وبختار الوظيفة بعدين على وظيفتي راح اجهز نفسي للابتعاث اكون ضربت عصفورين بحجر

أما الارجنتين وبكالريوس التربيه البدنيه أنا قلتها بعد أكيد عشان ميسي هههههه .