محتاجه مشورتكم اليوم ضروري الله يسعدكم.

السلام عليكم،مرحبابالجميع،محتاجه مشورتكم في سفري لحالي الثلاثاء لدنفر لدراسة لغه مبدئيا،كان المفروض زوجي وولدي يكونون معي لكن للأسف للحين ماطلعت فيزته له اكثر من شهرين عمي موجود هناك وهو محرمي لكن أخاف يكون لاهي في دراسته واحتمال مااسكن معه،سؤالي:اتوكل على الله واسافر مع ان لغتي ضعيفه وعمري ماسافرت لحالي ومتخوفه من اجراءات المطارات واول يوم في المعهد وأخاف لاوصلت مع الغربه والحنين لولدي واهلي اندم أني اتخذت هالخطوه،،وأخاف أأجلها ثلاث شهور ومايجددون لي الوزاره قرار الابتعاث وأكون ضيعت هالفرصه الحلوه،،محتاجه رايكم بأسرع وقت ممكن أسافر ولا لا الله يوفقكم ويسعدكم وينولكم اللي في بالكم مشكورين.*

استفسري من السفارة اول ..ليش تأخرت فيزته ..؟؟
واستخيري ..
اذا اصدرتي قرار ابتعاثك اطلعي واول ماتطلع فيزة زوجك يلحقك ..اهم شيء عمك هناك وراح يستقبلك على الاقل ..؟؟
هاذي وجهة نظري .

طالبه عفوالله مشكوره عالرد لنا شهر نستفسر ويقلون اجراءات إداريه وقرار الابتعاث اصدرته وقضيت اجل هقوتك أسافر؟والله مافيه شي قاطع قلبي كثر ولدي هوكبير اسمالله عليه ٥سنوات لكن أخاف يطولون مايجون ويفقدني ومتخوفه شوي من اجراءات المطارات،،مشكوره الله يجزاك خير والله يكتب الي فيه الخير.

الله يسهل دربك
استفسري هنا اذا في احد نفس رحلتك
والله يهون عليك

بنيه مشكوره عالردأنا لسه ما حجزت مخططه على رحله الثلاثاء الصباح عالخطوط البريطانيه تتوقعون لو أسال هناممكن احصل احدرايح على نفس الرحله؟

ان شاء الله تلقين
شوفي الرحلات وحطيهم هنا وشوفي اللي بيروح

طيب خذي ولدك معاك اذا اموره خالصة ..
بس مادام اجراءاتك خالصة وزوجك موافق انك تسبقينه ومقدر هالشيء روحي ..الله يسهل لك امورك ..
لان الاجراءات متتابعة واذا اتأجل شيء راح تتأجل اشياء ثانية معاها...
والله يسهل لك امورك وييسر لك اللي فيه الخير لك ..
سؤال ..زوجك ناوي يدرس معاك ؟؟

طيب خذي ولدك معك عشان لو تأخر المرافق مايكون عندك مشكله

الله يوفقكم ويجزاكم خير على اقتراحاتكم زوجي ناوي يدرس معي بس موعلى طول بعد كم شهر لمانستقر وولدي لواخذته الرحله طويله وما اقدر عليه لحالي ولو وصلت هناك دراستي الاثنين الجاي وش اسوي فيه وانا في المعهد ماراح أثق باي احد على طول مهما كان أبوه وأهلي افضل لازم اضغط على نفسي شوي لكن أنا متخوفه من المطار والتفتيش شكلي بتوكل على الله وأودعهم الله واسافر مشكورييين

روحي ع الخطوط الاماراتيه سهله الاجرائات كل امورك يضبطونها لك من السعوديه حتى اذا نزلتي ترانزيت بس تتمشين وعلى طول تركبين الطايره وعادي اذا ما عرفتي شي اسئلي المسؤلين في المطار يساعدونك وتقدرين تاخذين ولدك معاك حتى اول الايام بالمعهد لين تحطينه بحضانه والحضانات بكل مكان والله يوفقك ويسهل امرك