الأعضاء الإشتراك و التسجيل

الملتقيات
ADs

إيش الحل مع مرافقي ومزاجه اقدر أاجل البعثه هادي اخر سنه ليا الله يخليكم ساعدوني

إيش الحل مع مرافقي ومزاجه اقدر أاجل البعثه هادي اخر سنه ليا الله يخليكم ساعدوني


NOTICE

تنبيه: هذا الموضوع قديم. تم طرحه قبل 2000 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية nova apr
    nova apr

    مبتعث مستجد Freshman Member

    nova apr الولايات المتحدة الأمريكية

    nova apr , أنثى. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى كيميائيه , بجامعة ليس بعد
    • ليس بعد
    • كيميائيه
    • أنثى
    • اتلانتا, جورجيا
    • السعودية
    • Jun 2012
    المزيدl

    June 25th, 2012, 08:21 PM

    السلام عليكم
    زي ماهو في العنوان
    انا قدمت للمرحله السابعه وهادي اخر مرحله ليا بالنسبه للتقديم عشان عمري وسنوات التخرج
    وخلصت اجراءات المعهد وباقي اجراءات السفاره
    وكل ما اطلب شي من ترتيب اوراق او انهاء شي من الاجراءات مرافقي يزعلني مايبغا يسوي شي ويهدد بعدم الروحه معايا ومزاجه متقلب مره ايوه اروح معاكي مررره مني رايح معاكي
    وانا نفسيتي تعبت
    هل اقدر اعتذر دحين وبعدين اذا ربي يسر اكمل ولاخلاص اذا اعتذرت تروح عليا البعثه
    مرررررررررر منكده وشايله هم
    هو اخويا الله يصلحه واحيانا يتحمس واحيانا يقلب
    وبابا يقولي بالله كيف راح تعيشوا هناك وانتو دحين كدا!!!!


    ايش الحل هل اقدر اعتذر ولالا؟
  2. يابنتي ايش تكنسلي ,اسمعي طولي بالك , انا انصحك لو عندك المقدرة تغيري المرافق غيريه

    لو ماتقدري اوكي بس شوفي ياماما اي احد يبغا شيء لازم يصبر عليه ويطووول باله اخر شيء وفي النهاية هدا اخوكي

    وهدي فرصة توفرت لك وممكن اخوكي ينتفع بها فعشان مصلحة اخوكي كمان زني عليه حتى يكمل دراسته ويرتقي بتعلمه

    وكمان مصلحتك متعلقه بامر اخوكي لذلك تحمليه حتى لو اضطريتي تخترعي لك شخصية هادئة مسالمة عسوله مع اخوكي بس .

    هما الاخوان كدا ياماما ماتزعلي ولا تنكدي على نفسك هدا تحدي وصعوبة زي اي صعوبة في الحياة

    لابد تكوني اقوى منها وتجتازيها في سبيل علمك وتعلمك , مو غريبه اخوكي يتصرف كدا

    لانو مسكين حاسس انو ماحيستفيد شيء لو مشي معاكي واكتر شيء لو ماكان يجيد الانقلش

    فبيحس كانوا انتي المسؤوله عنه وبتركبي على راسه , بيكون متخوف من الدولة الجديدة دي

    ومن الحياة هناك ومن احساسه انه هوا مسؤول عنك لكن مايعرف اي شيء ومافي باله صورة واضحة عن اي امر من الامور المتعلقه بالابتعاث

    انتي وضحي له مميزات طلعته معاكي كمرافق ,شوفي اهتمامات اخوكي ايه ؟ ايهوا اول شيء في تفضيلات اخوكي

    دراسة ؟
    فلوس؟
    فله؟
    حرية؟

    ايش بالظيط , على اساس دا تحمسيه لو كان اول اهتمامه دراسة احكي له انو حينضم معاكي في البعثه

    حيتطور في مراحل تعليمه , وياخد شهادات ماكان قادر يطولها هنا بالسعودية

    احكي له انها فرصه مابتتكرر وبرنامج الملك كلها كم سنه ويقفل

    احكي له بترجع عالسعودية بمنصب ووظيفة كويسه ومن دا الكلام

    لو كان اهتمامه فلوس قولي له خد مكافأتك وان شاء الله تحرقها لاتصرف ولا شيء ولا بطلبك ولا فلس

    وحتشتري اللي تحب واللي نفسك فيه , ادا كان اهتمامه فله وحريه قولي له هناك اعمل ايش مابدك

    كل شيء متاح لك بحدود دينك , احكي له هناك بتتعلم شيء جديد فرصه جديده تطور فيها حتى مهاراتك الشخصية

    وانت لك الخيار اما تكمل معايا او ترجع للسعودية , احكي له ايش احسن من العرض دا , تطلع وتجرب الحياة هناك ولو ماعجبك ارجع.

    واجلسي انتي كملي دراستك لوحدك , كدا كان اخويا , كان متخوف من اللي ممكن يصير كيف اصير مسؤول عنك

    مااعرف انقلش كيف بسيب جامعتي هنا بالسعودية وايش بدرس هناك , وجلست اتكلم معاه الين قلي في النهاية انا تعبت من الدراسة

    ماابغا اطول ادرس ابغا اعمل اي شيء المهم اشتغل واصرف على نفسي واحس بوجودي , قلت له طيب ياحبيبي هيا نفسها

    انت هنا بالسعودية ماحتقدر تشتغل بشهادة التانوية وحتضطر تدخل الجامعه وتدرس خمسه سنوات بتخصص عربي ومابتكون عندك لغه

    وتضطر تاخد كورسات انقلش عشان تتقن اللغة وبيكون تعليمك نوعا ما ضعيف في ضل انك مابتشد على نفسك كتير بالدراسة,

    بالاضافة الى انك هنا مشغول حياتك كلها برا البيت مع اصحابك اللي تستهلك كل وقتك معاهم

    ففين تلقى وقت تزاكر , لكن هناك راتب لك ودولة تصرف عليك وكل الظروف مهيأه لك عشان تدرس وتبرع وتجيب شهادة

    اقوى من شهادة السعودية , حكيت له شوف طلاب التانوية اللي نفسهم بالبعثة مربوطين بالتحصيلي وخايفين منه وايدهم على قلوبهم

    لكن انت جايتك باردة مبردة , ترا انت الكسبان اكتر مني اما انا قادرة احط اسم اي احد واطلع لوحدي , قلي انا ابغا اهايط يعني يبا يحس نفسه

    عمل شيء مختلف عن عيال حارتنا , قلت له طيب يابويا روح وادرس انقلش وادخل جامعه

    واتعلم وبعلمك هايط عالناس , وهوا بس يطلع هناك رح تأدبه الحياة وتعلمه كيف يهايط عالناس, وعلى دا الاساس اتفقت معاه

    قلي اوكي حمشي معاكي بس لو ماعجبني الجو هناك والقعده رح ارجع قلت له اوكي , وقلت له قدم في جامعه في السعودية

    ولمن نطلع خد منها اجازة مرافق وقت ماتخلص الانقلش بدولة الابتعاث وحاسس حالك ماتبا تكمل معايا اوكي حياتي ارجع

    عالسعودية وكمل دراستك وبالتوفيق لك , فبكلامنا دا خليته يطمن على حياته سواء هنا او هناك وفعلا ماراح يهدأ لي بال الين

    أنا اطمن على دراسته في اي مكان كان , ريحي نفسيه اخوكي يمشي لك زي ماتبي وضحي له كل الامور بحيث ماتستغليه

    ولا تجازفي بمستقبله وحسسيه انك جد قلبك عليه وهدا الحاصل والاكيد

    هدئيه واعملي اتفاقيات بينك وبينه وفهميه انو مافي شيء الا يجي بصعوبه والمراجعات هدي لابد منها

    ولمن تطلعوا لدولة الابتعاث يارب خليكي زي امه انتبهي لنومه اكله صلاته دراسته انتبهي له من اي شيء ممكن يضره

    وفي النهاية لو حب يكمل معاكي اهلا وسهلا ماحب الله يستر عليه يرجع لاهلك سالم غانم .

    كل هدا لازم تعمليه عشانك وعشان اخوكي ومستقبلكم , وعشان دي وحده من عقبات تعليمكم , بعد بكرا حيشكرك عليها .
    7 "
  3. الله يوفقك وهالامور صدقيني عاديه وممكن تحصل مع كل الاخوان .....................................

    انت اقوى من كذا ....................

    وتراكي مكبره الموضوع تحكمي بردات فعلك وشوفي ويش الشئ الي يميل له وجيبي له الموضوع من مدخل ميوله ............

    لا تحاولي توتري نفسك ...............

    ولو تركض ركض الوحوش غير رزقك ما تحوش ..............


    والخيره فيما اختاره الله ..............


    لا تتعلقي كثير ووكلي امرك لربك ...........


    ولو انتي تبغين البعثه راح تقنعين نفسك وتصبرين ع اي شئ في سبيل تحقيق مبتغاك ...........


    الله يطمن بالك ويحقق لك امنياتك ...........




    كاروهات
    7 "
  4. المشاركة الأصلية كتبت بواسطة nova apr
    السلام عليكم
    زي ماهو في العنوان
    انا قدمت للمرحله السابعه وهادي اخر مرحله ليا بالنسبه للتقديم عشان عمري وسنوات التخرج
    وخلصت اجراءات المعهد وباقي اجراءات السفاره
    وكل ما اطلب شي من ترتيب اوراق او انهاء شي من الاجراءات مرافقي يزعلني مايبغا يسوي شي ويهدد بعدم الروحه معايا ومزاجه متقلب مره ايوه اروح معاكي مررره مني رايح معاكي
    وانا نفسيتي تعبت
    هل اقدر اعتذر دحين وبعدين اذا ربي يسر اكمل ولاخلاص اذا اعتذرت تروح عليا البعثه
    مرررررررررر منكده وشايله هم
    هو اخويا الله يصلحه واحيانا يتحمس واحيانا يقلب
    وبابا يقولي بالله كيف راح تعيشوا هناك وانتو دحين كدا!!!!


    ايش الحل هل اقدر اعتذر ولالا؟
    والله نفس المشكله بالضبط وحتي فكرت الغي البعثه مرررا وقلت ياريتني ما قدمت من الاساس انا قلتلو نروح واذا ما عجبك الوضع نرجع وخلااااص الله يعين علي المرافقين
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.