بخصوص مقابلة السفارة الامريكيه (انا و مرافقي) بليز افيدوني بكل اللي تعرفوه

كل دي المشاهدات وصعب احد يساعد ويفيدني
شكرا

في مبلغ 608 يندفع عن طريق بنك سامبا لحساب السفارة الامريكية

هذا بالنسبة للطالب وما ادري بصراحة عن وضع المرافق

اللي تسويه قبل المقابلة تتوكلي على الله وحدهـ والاسئلة حسب ما يقولون جدا سهلة

وين رايح وليه رايح ومع مين رايح ، اهم شي في الموضوع الثقة بالنفس والجواب خالي من الـ ااااااا < اااااااا يعني تفكرين وش الجواب

وبخصوص الملحقية ما اقدر افيدك كثير فيها لاني للحين مسنتر في ارض الوطن لكن اخوي يقول انه فتح ملف في الملحقية ويتأكدون ان المعهد معترف فيه ويكون فيه متابعة من قبل الملحقية لدراسة الطالب

وهكذا الى ان يتم الالتحاق

والله يوفقك وان شاء الله اكون افدتك واذا في شي ناقص فالمعذرة عالقصور

بما ان المرافق راح يقدم على فيزا سياحية عليه ان يشعر السفارة في الاستمارة وخلال المقابله انه راجع الى السعودية بعد فترة قصيرة ولازم يجيب معه ورقة تعريف بالعمل وكشف حساب خاص فيه لاخر 3 اشهر

المطلوب منه :
- كشف حساب لاخر 3 اشهر
- ورقة تعريف بالعمل
- صورة 5 في 5 سم
- تعبئة لاستمارة واحظار صفحة التأكيد الى السفارة
- الجواز
- دفع الرسوم عن طريق سامبا 608 ريال واحضار الوصل
- وبعد المقابلة سيطلب منه دفع رسوم فيديكس 65 ريال
- قد يسأل عن الجوازات السابقة اذا ماعنده يجيب برنت من الجوازات
.................................................. .................
اما عنك :
- خطاب الابتعاث
- كشف الدرجات لاخر مرحلة تعليمية
- الاي 20
- صورة 5 في 5 سم
- صفحة التأكيد بعد تعبئة الاستمارة
- دفع الرسوم عن طريق سامبا 608 ريال واحظار الوصل
- فاتورة سيفيس

الله يوفقك ويكتب لك الخير // انا مقابلتي السبت هذا // بالظهران


مثل ما تفضل اخوي لكن اذا انتم فيزا اف لازم تدفعون 608 ريال - اما اذا غيررر ع حسب النوع ومكتوب بورقة وشكلها اقل بعد

واذا كنت بنفس المدينه فيدكس 65 - واذا خارجها 125

موقفه

حبيت اوضح بعض الاموار

هاذي للطالب الذي سوف يدرس

السفارة تطلب i 20 الاصلي
تطلب اخر شهادة لكي ويتكون اصلية
دفع الرسوم حق سامبا
اهم شي وافضل شي جيبي كل الاوراق في ملف عشان اذا لا سمح الله طلبو ورقة ما تجي تطورتي

شككككككران جميعا ويعطيكم الف عافيه وربي يسهلها عالكل ان شاءالله

هل ضروري يجيب كشف حساب وهو مرافق؟
وبالنسبة لورقة تعريف العمل مرافقي مايشتغل ولسا مااستلم شادة تخرجو من الكلية
وبالنسبة لفاتورة السيفيس كيف ادفع الرسوم عن طريق البنك او الماستر كارد او ....؟
والف شكر

مرافقك اذا كان الوالد او اخوك وراح يقدم على فيزا سياحية لايعتير مرافق في انظمة التأشيرات الامريكية ونعم كشف الحساب ضروري وايضا ورقة تعريف بالعمل وعليه ان يثبت ان لديه روابط سيعود اليها للسعودية لذلك اذا عنده نيه للدراسة من الافضل ان ينهي اموره من هنا

ضروري كشف الحساب للمرافق اهم من التعريف الي من العمل
مثل ما تفضلو عليك الاخوان بالاجابه
ضروري تشيلي اي ورقه تحسي انها تهمك في ملف
انا الاوراق الي طلبوها اول ما دخلت طلبو ورقه الموعد وورقه الي فيها صورتي حقت نموذج ds-160 و الجوازات طبعا مع رسوم الفيزا الي دفعتها في بنك سامبا
بعد كذا طلبو الايتوني و السيفيس و كشف حساب المرافق و شهادتي انا حقت اخر سنه ( البكالوريوس ) و السجل الاكاديمي
طبعا رجعو لي كل الاوراق و احتفظو بالجواز السفر فقط
دفعت رسوم الفيدكس و طلعنا

الاسئله هل سافرتي لامريكا من قبل و هل سافرتي للخارج وش هي الدول و ش تخصصك وش راح تدرسين وفي اي ولايه وبسسس

خلال يومين استلمنا الفيز الحمدلله