معهد كابلن ومرافقي .. ايش الحل؟؟

السلام عليكم ورحمة الله وبركاته


يا جماعه انا وزوجي قدمنا ع معهد كابلن ف بورتلاند

أرسلنا طلبنا ف نفس الوقت


انا جاني قبولي من فترررره


أما زوجي .. لسا!!


مااعرف ايش المشكله
مية مرا يرسلو انتا ع حساب الوزاره؟

( مع انو زوجي رسل لهم شهاده بنكيه)

وكتبنا لهم انو مرافق ليا واول ما يوصل ح تدفع لهم الملحقيه كل التكاليف

ودحين رسلت ايميل ايش خطتك في دفع تكاليف الدراسه؟


والله مرا حيروني

مو عارفه ايش الحل معاهم

يعني لازم زوجي يدفع لهم رسوم الدراسه من دحين؟؟


^^ أصحاب التجارب.. فيدوني بخبرتكم بليييز


موعدنا ف السفاره التلوت الجي مابقي لنا وقت :(


والله يسعدكم يارب ..

اختي الخطاء منكم ليش تعطونهم شهادة بنكية الشهادة البنكية لشخص الدارس على حسابة

- - - مشاركة محدثة - - -

شوفي فيه مكاتب تجيب قبول بسرعه لك بس تكلفك تقريباً 1200 ريال علشان المقابلة وبعدين هناك غيري المعهد

اختي أنا وصلني القبول خلال ١٠ايام

أنا ارسلت الضمان المالي

ومرافقي شهاده بنكيه بمبلغ كبير

يمكن المبلغ المذكور فالشهاده مايغطي تكاليف دراسة مرافقك

الله ييسر أمرك

غريبة انتم ليش تعطونهم شهادة بنكية ومعكم ضمان من الوزارة

- - - مشاركة محدثة - - -

انا مرافق لزوجتي بس بالضمان المالي حق الوزارة جاني قبول

وعليكم السلام ورحمة الله وبركاتــه

الخطأ اللي عملتوه أو بمعنى أصح " قلتوه " بإن الزوج الكريم أول مايوصل راح تتكفل الملحقية بتكاليف الدراسـة ،

من المفترض بإنكم لما تخاطبون المعهد أو السفارة الأمريكية يكون كلامكم معاهم على أساس إن الزوجة طالعة على حساب البعثة والزوج طالع على حسابه الخـاص ،

يعني لا تجيبون خبر نهائيا بإن الزوج عمل الشهادة البنكية عشان يطلع بفيزا طالب من هنا وبعدين لما يوصل هناك راح تتكفل الملحقية بالتكاليف ،


لأن كلامكم الآن خلاهم يشكون في دفع تكاليف الزوج :/ ؟!


حاليا لو سألوكم ايش خطة الزوج لدفع التكاليف ؟

وضحولهم بإن الزوج راح يدفع التكاليف من حسابه الخـاص أول مايـوصل ،برضو الآن تواصلو مع الوزارة بخصوص دا الشي ؟

لأنو احتمال المعهد راح يطلب من الزوج جزء من مبلغ تكاليف الدراسـة " مقدما " ، فاستفسرو من الوزارة "لو دفعنا مبلغ مقدما للمعهد وكان معانا اثبات تسديد هذا المبلغ ، هل راح يتم التعويض عن المبلغ لاحقا ؟ "


والله يسهلكم أموركم يــارب

الاخ عبودي ومجودي

الضمان المالي اللي من الوزاره خاص فيا انا
والمرافق لازم يطلع له شهاده بنكيه اذا يبغى يطلع ب فيزا f1


جوري المدينه

زوجي طلب الدراسه 3 شهور

والشهاده البنكيه بمبلغ 130 الف ريال
ماتكفي؟؟؟

وطلبو من زوجك يدفع تكاليف الدراسه ولا لا؟؟

والله يسعدكم ع الردود
ماقصرتووو الله يجزاكم خير

الله يوفق الجميع وان شاء الله امور كلها تتيسر

الفقير الى الله

طيب كيف اقوللهم دحين انو ع حسابه وهوا حيدفع تكاليف الدراسه،، وانا قيدي قلتلهم انو الوزاره ح تتكفل بالدفع ؟؟ :(

مرا اتورطت والله
الله يسهلها من عندو

يسلمو ع الرد والتوضيح

ماكان عندي فكره انو المفروض مانقول كدا

بس مو مشكله ان شاالله خير

طيب شوفـي الله يوفقكم لكل خيـر ،

ردو على المعهد وقولولهم بإن خطة الزوج في دفع التكاليف " أول مايوصل " لمقر الدراسة ان شاءالله ،

احتمال إنهم راح يطلبون مبلغ مقدما زي ماوضحت في ردي السابق لكن ان شاءالله مايطلبو ،

في حال إنهم طلبو يصير قدك أخدتي الخبر الأكيد من الوزارة أو من الملحقية عن " تعويض التكاليف المدفوعة مقدما " ؟؟

طمنينا الله يطمنكم

اختي بالنسبه لسؤالك عن المبلغ..

مرافقي ارسلهم الشهاده البنكيه وكان المبلغ 70الف تقريبا