مشكلتي مع الطيار وأمر الاركاب.. ايش الحل يا جماعه سفري قريب!!

السلام عليكم ورحمة الله وبركاته


انا ذهبت لمكتب الطيار وحجزت حجز مبدئي

وارسلت رقم الحجز وقرار الابتعاث لايميل الطيار ف الوزاره

وردلي انو يبغى سكان لورقة الحجز + صور من الجوازات

في نفس اليوم رسلتله سكان لورقة الحجز+ صور من الجوازات + قرار الابتعاث

ودا الكلام كان في نص رمضان تقريبا

وانتظرت الرد وماجاني اي شي

واتصلت ع رقم الجوال حقهم ولقيته مقفل

ورسلت رساله نصيه وبرضو مافي رد

وطبعا جات الاجازة وماجاني اي رد

وقبل امس السبت رجعت رسلت الايميل مره تانيه

واتصلت والجوال مغلق

وامس العصر ردولي ايميل

مكتوب فيه


We need travel order or the scholarship and the passport copy



ايش الحل معاهم يا جماعه؟؟

ايش ارسللهم دحين؟

موعد دراستي قررب وانا لسا ما تأكدلي الحجز !!!


اتمنى تساعدووووني :(

والله يعطيكم العافيه ..

وعليكم السلام ورحمة الله وبركاتــه

الله يصلحكي ويهديكي كان من المفترض تتصلين على رقم الجوال ألين يرد الأخ فايز عليكي واتوضحيله الموضوع وراح يزبط حجزك في دقايق بسيطة ،

حاليا ردهم عليكي بإنهم يبغون صورة من قرار الابتعاث أو صورة الحجز المبدئي + نسخة من جواز السفـر ،

عشان تريحين بـالـك ارسليلهم مرة ثانية رسالة فيها المتطلبات الجـاية :


صورة من ورقة الحجز المبدئي + صورة من قرار الابتعاث + صورة جواز السفر لكي + صورة جواز السفر للمرافقين إن وجدت ،

ودايركت بعدها اتصلي على الرقم ألين يرد الأخ فايز عليـكي ،

أهم شي اتصلي في أيام العمل " السبت إلى الأربعاء " مابين الساعة " 9 صباحا إلى 2 ظهرا "

لأنو عادة خارج دي الأوقات يكون الجوال مقفـل وأحيانا داخل الأوقات يكون الجوال مقفل أو يكون الجوال شغال بس مايجيكي رد !

بالتـالي لازم تصبرين وكل 5 أو 10 دقايق تتصلين ، في الأخير راح يرد عليكي الأخ فـايز ،

وضحيله بإنك أرسلتي رسالتين فيها كل متطلباتك وماجاكي أي رد !

وموعد السفـر قـرب ،


وطمنيننا عنك الله يطمنكـي

بالتوفيق يـــارب

الله يجزاك خير ياارب بس انا اتصل ع الجوال ومغلق ع طوووول واتصل من الساعه 9 صباحا الى 3 ظهراوارسلت رسايل نصيه وبرضو مافي رد

ممكن تكتبلي رقم الجوال اشوف اذا نفس اللي عندي ولا لأ ؟؟


وحأرسل الايميل واشووف ايش يصير

يسلموو ع الرد

يعطيك الف عافيه..

تأكدي انك ترسلي على هذا الايميل

mohe.students@ altayyargroup .com