لمن واجه نفس المشكله !! القبول للبعثه ومتبقي ترم واحد من دراستي الحاليه !!
السلام عليكم ..
صبحكم الله بالخير اخواني ,,
لاصحاب الخبرة واللي جربوا حاله مثل حالتي /
انا ادرس بكالريوس وهذا اخر سمستر لي بـ اذن الله , قدمت على المرحلة الثامنه والتدقيق الاسبوع الجاي ان الله احيانا ,
كل الشروط منطبقه علي , الاشكاليه بوثيقة التخرج ,
انا الى الان ما تخرجت لكنه اخر سمستر لي والتخرج راح يكون آخر بشهر 1 او بداية شهر 2 هجري باذن الله ,
وعندي افادة من الجامعه اني خريج ومتبقي لي ترم واحد فقط ( الترم الحالي ) , مختومة وموقعه من الجامعه ,
وتخرجي بـ اذن الله ما راح يتعارض لا مع موعد المعهد في دولة الابتعاث , ولا مع قرار الابتعاث , لاني راح اطلب استلامه بعد استلامي لوثيقة التخرج ..
السؤال : هل راح يقبلوني في مرحلة التدقيق وتمشي اموري ولا راح يواجهوني بالرفض ؟؟؟
الله لا يهينكم موضوع شاغلني من شهر ونص :(
رد: لمن واجه نفس المشكله !! القبول للبعثه ومتبقي ترم واحد من دراستي الحاليه !!
ماصادفتني هالمشكلة بس كثير متقدمين للمرحلة السابعة مااستلموا وثائقهم وراحوا وقت التدقيق
بورقة اعتقد اسمها افادة تخرج وبعد القبول النهائي اللي كان على نهاية شهر 12 بدأو يطلبون الاوراق
الرسمية ولاتشيل هم انك بتتأخر أو تفوتك البعثة لأن كثيرين للان ماكملو اجراءاتهم
واذا بتتأكد أبحث في المنتدى عن أي شئ يخص افادة تخرج وبالتوفيق
رد: لمن واجه نفس المشكله !! القبول للبعثه ومتبقي ترم واحد من دراستي الحاليه !!
يعطيك العافيه يالغالي ,,
الافاده امرها هين , لكن المشكله اذا طلبوا الوثيقه بتاريخ 12 وانا انتهي بتاريخ 1 والوثيقه يبيلها شهر او شهرين يالله تطلع , اتوقع على شهر 3 !!
هل بالامكان تاخير احضار الوثيقه لهم ؟؟ ولا يسقط اسمي بمجرد عدم حضوري بموعد محدد مثل التدقيق المبدئي الحالي !!!؟؟؟
رد: لمن واجه نفس المشكله !! القبول للبعثه ومتبقي ترم واحد من دراستي الحاليه !!
هلا بخرّيج نفس الكلية والتخصص .. مقدر لك همّتك صراحة
لكن للأسف لابد تكون تخرجت قبل التقديم ؛ لأن من شروط التدقيق إحضار الوثيقة و السجل الأكاديمي من أجل المطابقة النهائية ..
لكن بالنسبة لك انت راح يجي وقت التدقيق و انت لسى باقي لك ترم فـ ماتعتبر خّريج , إضف الى ذلك ان الترم ينتهي في كليتنا نهاية شهر 2 , وتسليم الوثائق يبدأ من شهر 4 .. التدقيق بيكون شهر 10 حالياً واسماء المقبولين نهائيا قبل نهاية شهر 11
وسّع صدرك و روح للتدقيق الاسبوع الجاي ان تيسّرت فهذا من فضل ربك واذا لا فهي خيرة , لكن برأيي انا اعتقد 99% ما راح يمشّونك للأسف =(
الله يوفقك .
رد: لمن واجه نفس المشكله !! القبول للبعثه ومتبقي ترم واحد من دراستي الحاليه !!
طيب لتتخرج شهر ٤
باقي ٥ شهور ويجي التقديم المرحلة التاسعه
مومشكلة اذا انت متحمس كذا استغل الفرصه
وتعلم لغة انجليزية عندك سنه
وخلص اللغة وجيب التوفل
وسجل بالبعثه ودايركت للجامعه
افضلك وتختصر علي. عمرك
- - - مشاركة محدثة - - -
طيب لتتخرج شهر 4
باقي 5 شهور ويجي التقديم المرحلة التاسعه
مومشكلة اذا انت متحمس كذا استغل الفرصه
وتعلم لغة انجليزية عندك سنه
وخلص اللغة وجيب التوفل
وسجل بالبعثه ودايركت للجامعه
افضلك وتختصر علي. عمرك
رد: لمن واجه نفس المشكله !! القبول للبعثه ومتبقي ترم واحد من دراستي الحاليه !!
اقتباس:
المشاركة الأصلية كتبت بواسطة مهندس قادم
هلا بخرّيج نفس الكلية والتخصص .. مقدر لك همّتك صراحة
لكن للأسف لابد تكون تخرجت قبل التقديم ؛ لأن من شروط التدقيق إحضار الوثيقة و السجل الأكاديمي من أجل المطابقة النهائية ..
لكن بالنسبة لك انت راح يجي وقت التدقيق و انت لسى باقي لك ترم فـ ماتعتبر خّريج , إضف الى ذلك ان الترم ينتهي في كليتنا نهاية شهر 2 , وتسليم الوثائق يبدأ من شهر 4 .. التدقيق بيكون شهر 10 حالياً واسماء المقبولين نهائيا قبل نهاية شهر 11
وسّع صدرك و روح للتدقيق الاسبوع الجاي ان تيسّرت فهذا من فضل ربك واذا لا فهي خيرة , لكن برأيي انا اعتقد 99% ما راح يمشّونك للأسف =(
الله يوفقك .
حياك ربي يا بعدهم ,,
الله ييسرها علي وارتاح , لاني تعبت والله ,
والوثائق مرات تتأخر بالجامعه للاسف , والله حاله صعبه :(
وللاسف بنفس يوم الموعد اللي معطينه لي للتدقيق راح اكون مسافر برا المملكه , حاله والله حاله :(
بحياتي ما طلعت برا الرياض , يوم جت سفره للخارج تجي موافقه لموعد التدقيق !!!!!!!!!!!!!! مدري اصيح ولا وش اسوي هههههههههههه
يعني ابروح لهم بيوم مهو يومي , لا وما تخرجت بعد ولا عندي وثيقه !!! قويه والله قويه :)
---------------------
طيب دامك بنفس الكلية ونفس التخصص لبى قلبك , لياليت تفيدني !!
هل انت تخرجت ؟؟
وكيف الاوضاع معك ؟؟ مرتاح ان شا الله ؟!!!
وكيف تخصصك الحالي !! ادارة المخاطر
وما فكرت تاخذ ماستر محاسبه ؟
وهل التخصص هذا افضل من تخصصات المحاسبه للماستر كـ طلب وفرص ؟؟
ويعطيك ربي الف عافيه وخير يا بعدي ..
اقتباس:
المشاركة الأصلية كتبت بواسطة دمعة يتيم
طيب لتتخرج شهر ٤
باقي ٥ شهور ويجي التقديم المرحلة التاسعه
مومشكلة اذا انت متحمس كذا استغل الفرصه
وتعلم لغة انجليزية عندك سنه
وخلص اللغة وجيب التوفل
وسجل بالبعثه ودايركت للجامعه
افضلك وتختصر علي. عمرك
- - - مشاركة محدثة - - -
طيب لتتخرج شهر 4
باقي 5 شهور ويجي التقديم المرحلة التاسعه
مومشكلة اذا انت متحمس كذا استغل الفرصه
وتعلم لغة انجليزية عندك سنه
وخلص اللغة وجيب التوفل
وسجل بالبعثه ودايركت للجامعه
افضلك وتختصر علي. عمرك
راح أتأخر قرابة السنه , لان استلم الوثيقه بشهر 4 , والتدقيق بـ اخر شهر 10 , وقرار الابتعاث ما راح يطلع قبل شهر 12 او 1 ..
يعني ابنتظر مده طويله ,
والصراحه الدنيا ضاقت والله :(
ومسألة اللغه هنا , هذي تاخذها عشان تبدا تطقطق انجليزي , لكن اني اصير مستعد للدراسه الاكاديميه !!!
صعبه , لان لهم برنامج خاص للدراسه الاكاديميه , فـ معهد هنا ما يصلح ابدااااااا
يعطيك الف عافيه يالغالي ..
الله يكتب اللي فيه الخير ان شا الله
رد: لمن واجه نفس المشكله !! القبول للبعثه ومتبقي ترم واحد من دراستي الحاليه !!
خيره
لا تجزع بالي الله كتبه لك
رد: لمن واجه نفس المشكله !! القبول للبعثه ومتبقي ترم واحد من دراستي الحاليه !!
^^
ونعما بالله
الخيره فيما اختاره الله