مساعدة مبتعث.. وتعينت مدرس!!!

والله شوف وانا اخوك
بصراحه موقف شوي مربك
لكن لو انا مكانك كان كملت البعثه لأن الوضيفه ان شاء الله تكون مضمونه اكثر بعد الماستر وراح تنفتح لك خيارات اوسع افضل من التدريس لأنه بيني وبينك ها اليومين صاير فيه وجع راس التدريس
لذالك انصحك تستخير ثم تكمل الماستر اذا الله يسر لك وتخلي عندك طموح اعلى.
انا اعرف واحد وضعه مثل وضعك تماماً لكن لما باشر بدأو يقولون له عجز وما نستغني عنك ومدري ايش ومره صعب المهم ان اخونا مع المطاعم و البخاري و الزواج قال بلا بعثه بلا كلام ماله داعي خلني هنا و فعلاً ما كمل الماستر مع انه خلص اللغه.

جزاك الله خير أخ نادر.. أنا أبي أمسك الوظيفة وأروح أكمل ..إن توفقت زين على زين .. وإن ماقدرت أكمل رجعت للوظيفة


بإنتظار بقية الأعضاء

وظيفه وجمب البيت ومدرس بعد

احمد ربك وخلك بوظيفتك

والماستر تكملها هنا بالسعودية

او

تتزوج وحده شاطرة وتطلع معها مرافق

وتبتعث مع زوجتك وتقدم اجازة استثنائية

وتمسك وظيفتك وتدرس اذا بخاطرك تدرس

بري

فكر وانا اخوك واحمد ربك تري فيه ناس تدرس

بقري ومدن بعيدة عن أهاليهم ومتحملين

وانت جايتك الوظيفه جمب بيتك وكادر التدريس

ما شاء الله

الدراسة لاحق عليها لأنها بكيفك وتتحكم فيها

متي تبي تدرس ومتي ماتبي

لكن الوظيفه ماهي بكيفك لأنها فرصه قد

لا تتكرر مره ثانيه


والأمر راجع لك

وانصحك بصلاة الاستخارة قبل كل شي


والله الموفق دعواتك *

الله يجزاك الجنة أخوي

نصايحكم عالعين والراس .. أصلن ماطرحت الموضوع إلا عشان استفيد ويستفيد غيري

لكن أبي أعرف وش يقول النظام بحالتي؟

ولو دروا الملحقية أني تعينت .. هل يلغون بعثتي؟؟ لأني الحين موظف حكومي!!

من حقك تاخذ اجازة بدون راتب لمدة سنة وهذا الكلام حقيقي من تجربة ابن عمي تم تعيينه واخذ اجازة من غير راتب

والسبب ظرف خاص ولا احد يدري انه مبتعث لانه مابقي عليه الا هذه السنه يعني شهر 8 بالهجري وهو مخلص واجازته تنتهي شهر 10 بالهجري

وهذه السنة من غير راتب من حقك

ولكن انا انصحك عدم ترك الوظيفه

اول شي مبرروك على الوظيفه
انا انصحك انك تقدم اجازة استثنائيه من التعليم الاجازة طبعا بدون راتب
انا معلمه واعرف نظام الاجازات بوزارة التربيه
انت استخيرر والله يوفقك

- -

الله يجزاكم الجنة ..

فدت علإدارة .. طلبت إجازة استثنائية .. ورفضوا .. يقولون إحنا محتاجينك .. عندنا احتياج شديد بالنسبة لتخصصي
إلي هو لغة إنجليزية

اخوي المحيط الازرق اولا مبروك التعيين والله يوفقك

اعرف واحد من خوياي كان مبتعث لنيوزلندا وطلع اسمه واجل سنه كاملة ترمين وباشر بوظيفته (التدريس ) ودرس سنة وبعدها اخذ اجازةمن عمله وحول لامريكا هو الان موجود بامريكا يكمل الماستر

رايي لو انا مكانك :
1- اطلب من المعهد تاجيل ترم دراسي او اذا كان نظام الدراسة بالمعهد اترام او اطلب تاجيل 4 شهور اذا كانه نظامه اشهر قل لهم عندي ظروف وراح يوافقون بكل سهولة ان شاء الله .

2- اذا وافقوا المعهد بتاجيل دراستك حلو باشر بعملك واطلب اجازة لاكمال الدراسة بالخارج واحضر مايثبت ذلك للمديرك وخله يرفع لك واذا رفض اسال عن احد يعرفه وخله يتوسط لك عنده او اذا كان من عند ادراة التربية والتعليم بعد شف لك واسطة مهما كان اكيد راح تحصل احد لا تيأس وانا اخوك ..

3- بالنسبة للملحقية اكيد المشرف راح يضايقك بالوقت لكن انت لما المعهد يعطيك 6 شهور تاجيل بالهالفترة حاول انت تخلص امورك من ناحية الاجازة عشان مايضايقك المشرف والملحقية .

4- ان شاء الله يوافقون على اجازتك ويعطونك وبعدها ترجع لبلد الدراسة وتكمل دراستك وانت مرتاح

وبالتوفيق اخوي والله ييسر امورك .....

- - - مشاركة محدثة - - -

اخوي المحيط الازرق اولا مبروك التعيين والله يوفقك

اعرف واحد من خوياي كان مبتعث لنيوزلندا وطلع اسمه واجل سنه كاملة ترمين وباشر بوظيفته (التدريس ) ودرس سنة وبعدها اخذ اجازةمن عمله وحول لامريكا هو الان موجود بامريكا يكمل الماستر

رايي لو انا مكانك :
1- اطلب من المعهد تاجيل ترم دراسي او اذا كان نظام الدراسة بالمعهد اترام او اطلب تاجيل 4 شهور اذا كانه نظامه اشهر قل لهم عندي ظروف وراح يوافقون بكل سهولة ان شاء الله .

2- اذا وافقوا المعهد بتاجيل دراستك حلو باشر بعملك واطلب اجازة لاكمال الدراسة بالخارج واحضر مايثبت ذلك للمديرك وخله يرفع لك واذا رفض اسال عن احد يعرفه وخله يتوسط لك عنده او اذا كان من عند ادراة التربية والتعليم بعد شف لك واسطة مهما كان اكيد راح تحصل احد لا تيأس وانا اخوك ..

3- بالنسبة للملحقية اكيد المشرف راح يضايقك بالوقت لكن انت لما المعهد يعطيك 6 شهور تاجيل بالهالفترة حاول انت تخلص امورك من ناحية الاجازة عشان مايضايقك المشرف والملحقية .

4- ان شاء الله يوافقون على اجازتك ويعطونك وبعدها ترجع لبلد الدراسة وتكمل دراستك وانت مرتاح

وبالتوفيق اخوي والله ييسر امورك .....

الله يجزاك الجنة أخوي بدر ...
بحاول أني آخذ اجازة من الآن ..
واذا رفضوا .. بديت ف اجراءات التأجيل .. وربك يعين ..

أنا الي قاهرني , أنهم بإستطاعتهم يعطوني اجازه , لكن وش نقول بس .. الله يعين

- - - مشاركة محدثة - - -

الله يجزاك الجنة أخوي بدر ...
بحاول أني آخذ اجازة من الآن ..
واذا رفضوا .. بديت ف اجراءات التأجيل .. وربك يعين ..

أنا الي قاهرني , أنهم بإستطاعتهم يعطوني اجازه , لكن وش نقول بس .. الله يعين