احد صار معاه مثلي يااخواني واخواتي حطمت الرقم القياسي الله يوفقكم ,,,

السلام عليكم ورحمه الله وبركاته
انا مرافق لزوجتي المبتعثة المرحله 7
فيزة زوجتي صدرت بيومين وفيزتي الى الان ماصدرت من 25 ابريل - 2012 وحنا اليوم 25 مارس 2013 يعني 11 شهر ( طبعا السفارة بالرياض )
طلعت I 20 لي ولزوجتي مرتين
وبعد وجع الراس والمراسلة طلبو من اي توني جديد لي ولزوجتي وطلبوا اسوي له كوبي وارسلة لهم على الايميل وارسلته وطلبوا اسدد السيفس مرة ثانية لي فقط بدون زوجتي عشان الاي توني جديد وسددت وارسلت لهم السداد وردوا تم الاستلام

احد صار معاه كذا ؟

علما بان تاريخ الاي توني الجديد بداية الدراسة 14 اغسطس 2013


متى تقريبا يصدرون فيزتي ؟
والله يوفقك الجميع ....

الله يكون بعونك اذكر من فترة وأنا اشوفك مواضيعك لكن ما تدري ايش الخيرة اللي كتبها الله لك او البلاء اللي دفعه عنك.

أنا اقترح تجيب قبول من دولة تانية في حالة - لاسمح الله- جاء موعد الدراسة من جديد ولم تصل الفيزا.

بالتوفيق.

من صبر ظفر!
أتوقع بهالشهر!!

اذا ماصدرت لك خلال شهرين من الافضل تغير الدوله :)

الله يجعل بالامر خيره ويصبرنا عليهم
25/2013 ابريل هالشهر هذا اكمل سنة من الانتظار

اغير الدولة بعد سنة وتعب و3 اي توني ودفع رسوم معهد وسفيس وبريد والله قهر

واخاف اختار دولة ثانية واتاخر بعد

وش اختار ؟؟؟؟؟؟

رايكم يهمني :( ...

الله يسهل أمرك
انا لو انعاد بي الوقت لاخترت إيرلندا لسهولة القبول الجامعي فيها وقلة التشرطات وسلاسة تعامل الملحقية على كلام ناس اعرفهم هناك.

عموما مثل ما قلت طالما انو امورك مجهزة لامريكا اصبر، في حال - لاسمح الله- احتجت تعيد اجرائات من جديد لا قل لهم الف سلامة يا بشوات:).

روح أستراليا .. والله الذي لا إله إلا هو ما تندم ... خبره ٤ سنوات هنااااااك ههههه

أفضل بلد .. رواتب أعلى من أي دوله، جو على كيفك،، جامعات متوفره .. تعليم راقي ... الله يا أستراليا

نفس مشكلتك تقريبا "
فيزتي طلعت بعد ثلاث ايام بس و مرافقي صارت لفيزته سنه و بعد ما قررت اغير الدولة و راجع مرافقي السفا رة / و اخذ الجواز من عندهم و بعدها باسبوع جاني اتصال من السفارة الامريكية يقولون لي ان الفيزة صدرت و يطلبون الجواز ؟!!
يعني اهم شي الحين : ( روح للسفارة في الرياض و راجعهم ) اهم شي تروووووح و اصبر بعدها اسبوعين اذا ماجات ! اطلب تغيير الدولة "
بالرغم من اني فكرت اغير الدولة و حددت لي الوزارة كندا فقط بس الحمد لله ربي فرجها علي باخر لحظة
الله يكتب لك اللي فيه الخير و يتيسر امرك ..

الحمد لله حصلت مرافق مثلي يعطيني امل توقعت انه انا بس اللي كملت سنة من الانتظار ,,,

طيب اختي انتي جددتي فيزتك او لا ؟


انا قالوا لي السفارة احجز موعد لزوجتك عشان تجدد الفيزة وحجزت لها موعد ع الاسبوع الجاي


وهل سافرتوا او باقي ؟


الله يوفقكم ويوفق الجميع يارب

صار لي نفس ظرفك في 2010 لكن الفرق انتظرت 5 شهور بعدها حولت الى كندا

اخذت اللغة هناك وقدمت الفيزة برضوا هناك الأمريكية واخذت شهرين ونص والحمدالله طلعت

والان رجعت للسعودية اقدم من جديد قالوا لي انتظر فيزتك بتاخذ وقت!!!

البلا من القنصليات اللي بالسعودية مو من أمريكا

نصيحة غير الدولة اذا خلص شهر مايو ولا جاك علم