تمديد الاجازه الاستثنائيه للعسكري المرافق ضروري جداااااااااا
السلام عليكم ياخوان استفسار بخصوص تمديد الاجازه الاستثنائية للعسكري المرافق
انا عندي اجازه استثنائية لمدة ثلاث سنوات مرافق لزوجتي علي تواريخ قرار الابتعاث لها القديم والحين قرب انتهاء الاجازه وبطلب قرار تمديد من التعليم العالي للفتره المتبقيه وهي سنه ان شاء الله
سؤالي هل من احد مدد اجازه وله تجريه بهذا الموضوع لجل يفيدني وش يبكون الوضع خصوصا بعد نزول قرار الغاءالاجازات الاستثنائه للعسكريين أتمنى احصل احد عنده خبره بهذا الخصوص
وشكرا
تمديد الاجازه الاستثنائيه للعسكري المرافق ضروري جداااااااااا
عليكم السلام
انا باقي شهر ونص وتنتهي اجازتي الاستثنائيه اللي مدتها ثلاث سنوات وزوجتي ماخلصت الماجستير باقي لها تسع شهور تقريباً وصيت اخوي ياخذ خطاب من وزارة التعليم العالي موجه لوزارة الحرس الوطني اخذ الخطاب وراجع الوزاره قالوا الاجازات للمرافقين جا امر ملكي بتوقيفها وعدم التمديد لهم راح لمرجعي قالوا نمدد له شهرين من استحقاقه هذا اللي نقدر عليه بس اول حاجه نرسل معامله تمديد الاجازاه للوزاره ونشوف ردهم انا انتظر الرد هاليومين بس اكيد بيكون بالرفض لان اخوي جايهم
الله يسر الامر
رد: تمديد الاجازه الاستثنائيه للعسكري المرافق ضروري جداااااااااا
يعطيك العافيه اخوي ابو بدر علي الرد غريب ردهم مع ان الامر الي صدر ايقاف منح الاجازه الاستثنائيه مو رفض التمديد يعني يعطون الواحد لحد مايقرب يوصل وذا قرب المشوار ينتهي يمنعونه وش الفائده من الثلاث سنوات اجل اذا بنرجع بدون شهاده يارجال وكل امرك لله وربك يفرجها ياخي شي يحير بذن الله تتسهل امورك ومورنا انا ببدا فيها بعد اسبوع انتظر قرار التمديد من الوزاره وبرفعه مع معروض والله يكتب الي فيه الخير .
رد: تمديد الاجازه الاستثنائيه للعسكري المرافق ضروري جداااااااااا
السلام عليكم ورحمة الله وبركاتة
الله يوفقكم اش صار معكم ع الإجازة، عمل مرافقي رفضوا التمديد والفصل بسبب الأوضاع الأمنية والدولة بحاله حرب، الحين عندنا إيقاف صرف
اش ممكن نسوي... الله ييسر امركم ويسخر لكم خلقة اش صار معكم ع الإجازة والراتب
رد: تمديد الاجازه الاستثنائيه للعسكري المرافق ضروري جداااااااااا
السلام عليكم ورحمة الله وبركاته
الله يوفقكم اش صار معكم ع الإجازة عندي إيقاف صرف من شهر وعمل مرافقي رفض التمديد والفصل من العمل بسبب الأوضاع الأمنية، الله يسر امركم اش ممكن نسوي اش صار معكم الله يسخر لكم خلقه اش الطريقة
رد: تمديد الاجازه الاستثنائيه للعسكري المرافق ضروري جداااااااااا
ولا شي ياختي رفعت تمديد اجازه استثنائيه من الملحقيه العسكريه رفضوها بحجت انو فيه قرار يلغي الاجازاة الاستثنائيه وطلبوا مني رفع طلب الحاق ورفعته وللان لي اكثر من شهر اتابعها بالسعوديه بالاخير يقلوا جاء امر بيقاف الالحاق العسكري وللان انتظر وش بيصير والاجازه لها اكثر من ١٩ يوم منتهيه وطلعت للملحقيه الثقافيه لالغاء امر ايقاف الصرف اعادوا الصرف فقد للمبتعث والابناء وانا رفضوا يعيدوا الصرف لي والله يكتب الي فيه خير ماندري وش بيصير الوحد يحس انه ضايع لا هو الي يقدر يرجع ولا هو الي يقدر يستمر
رد: تمديد الاجازه الاستثنائيه للعسكري المرافق ضروري جداااااااااا
الله يكون بعونكم ويسهل امركم وان شاء الله خير ..
رد: تمديد الاجازه الاستثنائيه للعسكري المرافق ضروري جداااااااااا
رد: تمديد الاجازه الاستثنائيه للعسكري المرافق ضروري جداااااااااا
ابد وانا اخوك للان ماوصلني شي الله يفرجها بذا الشهر الكريم علينا وعليك وعلي الجميع.
رد: تمديد الاجازه الاستثنائيه للعسكري المرافق ضروري جداااااااااا
وش يصير لك اذا الاجازه منتهيه اخاف ياحلقك فصل لأنك لم تباشر