ضروري بخصوص الضمان المالي ساعدوني الله يفرج همكم
السلام عليكم ورحمة الله وبركاته
أنا كنت بملتقى الرياض وعبيت ورقة الضمان المالي
قالت لي الاستاذه خلال اسبوع نرسل لك الضمان
وأرسلوا لي قالوا صار فيه تكدس مع اني يوم اختاره ماكان فيه تكدس :(
وارسلت للأستاذه على نفس ايميلها ولا ردت علي
وارسلت لها ثانيه ويجيني رد آلي انها ماراح تكون بالمكتب لتاريخ 28/1
وارسلت استفسر على ايميل الوزاره قالوا تعالي لمبني وزاره التعليم العالي مكتب الابتعاث نحط المبلغ بحسابك !! :blink:
انتم كلكم جاكم الضمان على ايميلكم طيب ليه انا لا :(
ساعدوني الله يجزاكم خير فيه أحد مثلي للحين ماوصله الايميل
لي 10 ايام الحين ولا وصلني شي !!
وخايفه المعاهد تتكدس وأنا مضطره أكون بالولايه اللي أخترتها عشان ضروف محرمي ...
رد: ضروري بخصوص الضمان المالي ساعدوني الله يفرج همكم
اعطي بياناتك لوحده من طالبات أمريكا بملتقى جده وخليها تعبي لك ورقة ضمان جديدة ع معهد جديد وتسلمها عنك
اذا ماراح تروحي الوزارة
مع اني اشوف اسهل لك تروحي الوزارة
رد: ضروري بخصوص الضمان المالي ساعدوني الله يفرج همكم
الله يجزاك خير ماتقصرين ..
مره متلخبطه مدري وش أنا عليه ..
لكن الله يسهل الأمور ياااارب
أنا خايفه من التكدس بس :(
رد: ضروري بخصوص الضمان المالي ساعدوني الله يفرج همكم
التكدس حصل وخلاص
وان شاء الله المعاهد اللي تبينها ما قفلت
بس الأفضل تروحي الوزارة وتطالبي بالضمان المالي للمعهد اللي تبيه
موفقه
رد: ضروري بخصوص الضمان المالي ساعدوني الله يفرج همكم
لو محرمك في مدينة الدراسة اللي تبيها راح يحطوك معاه حتى ولو فيه تكدس
good luck
رد: ضروري بخصوص الضمان المالي ساعدوني الله يفرج همكم
مانتي لحالك..انا من ملتقى جدة قدمت وارسلت ايميلات بلا عدد بنفس الرغبات ولا وصلني شي..أمري لله
رد: ضروري بخصوص الضمان المالي ساعدوني الله يفرج همكم
الله يكون في عونك والله انا مثلك من ملتقى الرياض وارسلت ايميلات ورحت للوزاره ثلاث مرات وكل مره يقولون لي اكتب المعاهد اللي تبيها وبنرسل الضمان خلال اليومين الجايه وعاد في الاخير لما شافوني محضر عندهم كل يومين وحفظوا شكلي اعترف الموظف وقال السيستم في جده ولا اقدر اسوي لك شي انتظر حتى يخلص ملتقى الشرقيه وبيجون الموظفين وتعال يوم الثلاثاء وفعلا رحت اليوم وعطيتهم اسم المعهد واسمي في جواز السفر وراسلو لي الضمان بعدها بساعه
لكن بعد ماراحت عليه المعاهد التابعه للجامعات واضطريت أختار معهد تابع لكليه مجتمع والله ييسر الامور
رد: ضروري بخصوص الضمان المالي ساعدوني الله يفرج همكم
السلام عليكم ورحمة الله وبركاته
من اللي ماوصله الضمان للحين ؟؟؟
رد: ضروري بخصوص الضمان المالي ساعدوني الله يفرج همكم
رد: ضروري بخصوص الضمان المالي ساعدوني الله يفرج همكم
هل الموظف يستطيع اخراج الضمان باسمه
وشكرا