شقق مفروشة/سكن/فندق بسعر معقول في الرياض؟

حياك الله اخت ريم
الشقق فيه جنبها 3 شقق >> اتكلم عن قصر المرسلات
وإن شاء الله أمرهم واعطيكم ارقام هواتفهم

بس على رجلك صعبه
بعيد عليك شوي
خاصة في العودة لأنه بيكون في الليل + تعب المشي في العصر وتعب الملتقى حوالي 3 ساعات
بس ليموزين قلتلك 3 أو 4 دقايق بالكثير

والشقق الثانيه ابشري اشوف ارقامهم العصر
واعطيكم خبر

على فكره انا سألته ذاك اليوم
وقلت انا احتاج يوم الخميس
قال تعال يوم الخيمس ونشوف اذا فيه فاضي اعطيناك

اتوقع مافيه حجز عندهم

والجو حلووو
وفيه بروده شوي في الليل
الاطفال خذي لهم ملابس ثقيله شوي يمكن ما يتحملون
بس الكبار عادي ماعندهم مشكله
بس للإحتياط خذي كم قطعه

يعطيك العافية اخوي محمد ماودي اكلف عليك
لكن انا طريقي الملك فهد والظاهر امر المدينة الاقتصادية الجديدة

الله يعطيك العافية اخ مناحي ويسهل امورك كلها ما تقصر
بس انا قلت لو الاقي شقة قريبه اروح امشي لان عندي اطفال وشغلانه كل شوي اطلعهم والا السيارة معانا مانحتاج ليموزين

السلام عليكم ورحمة الله وبركاته

أنا كنت متوقع إن القبولات لطلاب الطب حتتوزع في الملتقيات ولكن طلع إن قبولات طب إيرلندا تُرسل على إيميلات المبتعثين خلال عشرة أيام.
يعني احتمال لو رحت ملتقى الرياض ما حأقدر أستخرج الفيزا بسبب عدم وصول القبول.
لهذا السبب غيرت رأيي وقررت أروح ملتقى جدة وأستغل هذا الوقت الباقي في تجهيز حقيبة السفر خصوصاً وإن الفيزا الإيرلندية ما تستغرق أكثر من يوم في أغلب الأحيان.

لكن صراحة ماني نادم إن نزلت الموضوع فإن شاء الله استفادوا الاخوان والاخوات من الموضوع وأحب أشكر الأخ محمد (مناحي قرداحي) على مساعدته لنا، فجزاك الله خير وفعلاً ما قصرت .. وآسف تعبتك معي