أحداث ملتقى المبتعثين بمدينة الرياض البرنامج الثاني بفندق مداريم كروان (نساء)

بخصوص الملتقى انا مبتعثه لامريكا باذن الله وبدا ملتقى امريكا بالرياض وبفندق مداريم كراون من الجمعه 29 من شهر ذي الحجة وانتهى اليوم 2 محرم وبكرة راح يبدوون في كندا ان شاء الله انا سالت المسؤولات عن الملتقى وقالوا يوم الاثنين اللي هو بكرة راح يبدوا بكندا بس
يعني قفل ملتقى امريكا اللي بالرياض واللي عندها موعد ان ملتقى امريكا بعد الاحد 2 محرم فتتاكد من موعدها او تروح للملتقى وتسالهم او تنضم مع ملتقيات جدة والخبر الاخرى لامريكا
وعلى فكرة بخصوص الضمانات الماليه يوجد تعبئة استمارة لطلب الضمان في الملتقى نظرا لتعذر الوزارة من زيادة عدد الايميلات عن الضمان المالي واكتشفنا ان فيه معاهد متكدسه وولاياات تقفلت بسبب التكدس مثل ولاية فلوريدا واوهايو ودنفر بولاية كوالاردو مما اضطرنا الى تغير المعاهد اكثر من مرة
فانصح باحضار قائمة بالمعاهد والولايات المرغوبة حتى تسهل عليك المهمه ويستحسن احضار جهاز الااي بااد او المحمول حتى يساعدك في البحث عن المعاهد والولاايات بشكل سريع حيث الفرصه متاحة في الملتقى ووجود قدر كبير من المساعدة والتعاون و لله الحمد من المشرفات والمسؤولات عن الملتقى او من بعض المبتعثات جزاهم الله خير
واي سؤال عن الملتقى و الاجراءات انا حاضرة
واتمنى للجميع التوفيق

بخصوص الدول مرتبطة بالمواعيد واللي عندها غير كذا لاازم تتاكد
اما بالنسبة للمرافق المحرم اذا حااب يدخل ويستفيد من الملتقى فيقدر يدخل بكل سهولة ويستمع للمحاضرات داخل القاعه ويقدر يسال ايضا
رغم اني بالبداية متخوفه من ان رح يرفضون المحرم انه يدخل او راح يطلبون منه اوراق او اثبات فاليوم دخل اخوي واستمع واستفاد ووجه كل الاسئلة اللي تدور بباله ومجهزين لهم مقاعد خاصه خلف المبتعثين فكل شيء تمااام لا تخافوا توكلواا

^^^
المرافق المحرم يدخل بأي قاعة!
وش أسمها إذا ممكن!! أو المرافقين لهم قاعة خاصة بهم!!!

تحية طيبة أخت زهرة ،،،، بالنسبة للي جاه الضمان المالي من الوزارة بالإيميل على أساس أنه أختار من البداية ولاية فلوريدا ،،،

واليوم أعلنوا أن في بعض الولايات صار فيها تكدس ، كيف راح يكون الوضع أعيد أختار معهد في ولاية ثانية ولا أًعتبر مقبول على أساس أني أخترت المعهد والولاية من قبل!!!!

رحناااااااا وخلصنا ورجعت لاهلي سااااالمه غااااااانمه بعد مشقه وتعب والله
انا كندا ودخلت مع امريكا < بتقولون شدخلك بهم خخخخخ
ياطويلين العمر جيتهم الجمعه كانت معنا صوره من ردهم علينا ع الايميل لما قالو احضرو الجمعه وسجلو بيناتكم
وقفنا ببلعومهم خخخخخ
وجيت من 3 العصر لين تقريبا 7 وعليها ماعطونا شي لابطاقات ولا شي
بالاخيررررررر يابنات لايسدونها بوجيهكن ترا النذاله وربي موووووجوده فيهم
البطاااااااااااااااااقات كلها موجوووووووووووووده بكراتين انا ملتقاي بجده وجيت للرياض
وبعد مد وجزر معهم ومناقشات رحت للموظفه اللي عند الباب وقلتها عن مسااااااري قالت وين قلت جده وهي تطلع كرتون مكتوب عليه جده فيه بطاقات كثيرررررره طلعت اسمي منهم
ودخلت وسجلت حضور من اول يووووووووم
لاتقولون ليش دخلتي امريكااااااااا لان المحاضرات راح تنعاد عليكم مع فرق بسيط بقوانين كندا
ماتهمن قوانين كندا كثر ماتهمن البطاقه
بس اللي عنده سؤال هذا من حقه يحضر المحاضرات ويسالهم
بس انا وحده ماعندي ولا سؤؤؤؤؤؤؤؤؤال ابي اسجل دخول وخروج وبسسسس
وسالتنا المسئوله قالت كيف تدخلون ملتقى امريكا والمسئولين راح يتكلمون عن امريكا فقط ولا راح تستفدن شي
قلت اسمعي يتكلمون وياخذون راحتهم انا وحده طاقه مشوار همي البطاقه ولاعندي لاسؤاال ولا استفسار وهي تبتسم
يعني الممرمطه راح تحصل فيكم والله يعينكم عليهمممممم بس بعضهم موب كلهم الظليمه شينه

ترتيب ×
استقبال لكم عليه
قاعه يمشي حاله
ضيافه مليون اكسسسسسسس ×××××××××××××××
محاضرات بعضهم كانه يتكلم مع نفسه والبعض منهم مره اسلوبه حلوووو ويريحك
ماشفت شي اقول عنه واااااااااااو او انجاز يحسب لهم ملتقى من الاخر على قدهم

* للي يسالن عن المحررررررررم الرجال نفوسهم حلوووه ومعي كذا وحده مرافقينهن بقاعه الرجاااااال وكانو يراسلونهن يقولون احنا بالقاعه نستمع المحاضره
كلنا انصدمنا بس يقولون هذي الشروط لتخفيف الزحمه < يسون مقلب بكم
هذا اللي عندي وسلاااااااااااامتن تسلمكن

ايه صح امريكااااااا قال عبدالله الموسى بعض الولايات قفلوهاااااا تكدست < بعذرهن لو تكدسن كل سنه ترمونهم لامريكا بالله ماتبونه تتكدس
ولما سالوه عن التكدس والجامعات قال هناك اكثر من 100 جامعه فاتحه ابوابه خخخخخخخ
ماتذكر نص كلامه بالضبط لكن تقريبا هذا مضمونه < لازم تبهر السالفه
الحين 100 جامعه تنتظر هالمساكين ولا يراعون بعض الولايات لاتتقبل وجود السعودي بينهم
ولا راعو التعصب الحاصل ببعض الولايات
ليش يرمون عيالنا وبناتنا لولايات جديده او نقول فيها اقليه من العرب واكيد ماهربو عنه الا لاسباااااب
والظاهر بنكتشف امريكا على يديننا تولمووووووووو بنبحر بولاياته لعل وعسى تجيبون لنا ولايه ماقد سمعنا به

ههههه الله يونس عليكـ ياماتهاب ..
انا قالولي ارجعي الاثنين رجعت وانا ساكتهـ خخخ
وااجلت حجزي وكل يوم وانا في السوق ولا في البر مصيفه اقصد مشتيهـ هع ولا عند احد من اقاربي مقسمه وقتي يعني >> قلبتها رحله سياحيه
والليوم باشرت العمل بالملتقى الله ييسر ويرسلوني بالضمان المالي اللحين واطلع فيزتي واروح ديرتي ..

أخوي أسمها الخيمة الملكية!
ركن خاص متلفز خارج قاعة المحاضرات!!

ههههههههه ماتهاب الله يوسع صدرك بالعافية

ربي يسعدكن قميعاا وينور دروبكن
انا بسال وش صار على كندااااااا مادري وين راحن بناتنا الله يعينهن لايسدونها بوجيههن
ودي باحداث اكشن علشان نمسكها حششش
< تروح للبرنامج 3 لعل وعسى نلقاهن هناك