أحداث ملتقى المبتعثين بمدينة الرياض البرنامج الثالث بفندق مداريم كروان (رجال)

للـــــــــــــــرررفع

ان شاء الله بكره اوفايكم بااهم الاخبار لان اللحين مايمديني ..
والي عنده سؤال استفسار يبغاني اسال الوزاره يقولي اسالهم اووكــ
انا تحت الخدمهـ .....~

أنا عندي سؤال مهم يا ليت تجيبون لي جواب منهم

الي تخصصه علوم طبية , العلوم الطبية ما هو تخصص , العلوم الطبية كلية فيها أكثر من تخصص
ففف .. متى راح يحدد التخصص بالضبط ؟؟

وصلوه لا هنتم

لؤلؤه الله يعافيك اسأليهم

لما يكون موعد الكورس حقي بشهر 6 ميلادي

هل عادي او اسوي تاجيل بعثه لما شهر سته

لانهم قالوا لازم شهر 4 الكل مسافر !!

الله يوفقكم يارب
مي
مين قال اختي ؟ انا قرات مره احد كاتب السفر حيكون شهر ستة عربي
4 قريب يمدي تخلص قصة التأشيرات والفيزا وهذا الكلام ؟؟

لسا ماجا رد من الوزارة ع الضمان والقبول في المعهد

>>معلش خرجنا عن الموضوع

السلام عليكم

حبيت اطلعكم على بعض الأحداث اللي صارت في البرنامج الثالث والاجابه على بعض التسائلات على حسب فهمي البسيط اللي فهمته من المحاضرين ونائب وزير التربية والتعليم

أولا كان الملتقى جدا منظم وجميل وفيه الفائدة الكثير جداً

ابدا الملتقى بمحاضرة حول ماذا بعد الملتقى وهو القبول وبعدها الفيزا وبعدها باي باي سعودية والسفر

بعدها بعض مناقشة وبعض الأسئله من الحاضرين

والمحاضره الثانية بصراحه ما كنت حولها لاني كنت موجود بالخارج مع مكاتب الاستشاريين ومكاتب وزارة التعليم العالي واللي بصراحه عجبتني طريقتهم وتنظيمهم

لان وجودهم كانك موجود بالوزارة يزينون لك كل شي تبيه وبسرعه من نماذج وادخال معلومات وتغيير معلومات وكل شيئ الله يعطيهم العافيه

لكن كانت برضه اغلب المحاضره الثانيه مناقشات مع الحاضرين

المحاضرة الثالثه القاها نائب وزير التربية والتعليم وبرضه فتح المجال للأسئله

بخصوص بعض النقاط المهمه :

الضمان المالي تقدر تضبطه عن طريق المكاتب اللي في الملتقى بس كل اللي عليك انك تحدد المعهد اللي تبغاه وتسجل بياناتك في ورقة وطبعاً ويفضل انك تكون مجهز ثلاث معاهد احتياطاً للتكدس

طبعاً وانت موجود عنده على طول يبلغك فوراً اذا كان المعهد هذا متاح أو فيه تكدس ويطلب منك المعهد الثاني اللي تبيه فكن جاهز بالورقه عشان ما تعطل الموظف ولا تعطل بقية المبتعثين

بخصوص انه السفر لازم خلال اربعة اشهر غير صحيح والمقصد منها انه تسطيع خلال اربعة أشهر تسافر ويفضل انك تسافر عشان تبدى مع المجموعة على طول لكن فيه امكانية التأخر إلى أخر المدة الموضوعة

وطبعاً بعد انتهاء المده يكون هناك إعادة اصدار القرار وهذا لا ينصح فيه لأنه فيه اجراءات محددة ولازم يكون لك عذر لكن لو رحت لبلد الابتعاث تقدر تأجل بعدها عن طريق الملحقيه نفسها وهذا الأفضل عشان البعثة ما تروح عليك

بخصوص السؤال المطروح وهو التالي :




حسب اللي فهمته من المحاضرين التخصصات هي المواد العلميه ومنها الرياضيات والكيمياء وكل ما يندرج تحت العلوم الطبيه والطبيعيه

وتحديد التخصص انت اللي تحدده بنفسك بعد ما توصل بلد الابتعاث مع الملحقيه بعد ما تحصل على قبول الجامعة لان قبول الجامعة اساسا راح يكون مربوط بالتخصص اللي انت تطلبه

.......................................

ان شاء الله اكون افدتكم ببعض المعلومات اللي حصلت عليها واي استفسارات اقدر ارد عليها بكون موجود ان شاء الله وان شاء الله بكرى اعطيكم اللي بيحصل اليوم بالملتقى

والسلام عليكم

شيئ مهم نسيته اللي هو ان اي شخص يروح الملتقى لا ينسى يمر على مكتب الاستشارات الموجود لاي استفسار حابه انا لقيت تعاون كبير منهم الله يعطيهم العافيه ويجزاهم خير

طبعا استفسر عن الضمان المالي وهالشي وانت عندهم بيضبطونه لك ويرسلونه لك عن طريق البريد الالكتروني

لا تنسى تسئل عن اوراق السفاره من ورقة المرافق ان كنت مرافق مهمة جداً

ولا تنسى ورقة التقرير الطبي عشان لو خلصتها تقدر عن طريق مكاتب الملتقى تنهي اجراءاتك فترتاح من التنقل للوزارة

وايضا لا تنسى تسئل عن اي نواقص واي شي تحتاجه

بالنسبة لاستخراج الفيزا حسب كلام نائب وزير التربية والتعليم انه لا يستغرق اخراجها اكثر من اسبوعين خاصة انهم حاطين في السفارة ايام مخصصة للطلبه المبتعثين

والسلام عليكم

تعديل بخصوص انه لازم السفر الى دولة الابتعاث خلال اربعه شهور صحيح
ولكن اذا عنده عذر يتاخر بشرط لاياخذ قرار الابتعاث ويلتمس العذر اول
من داخل الملتقى

ووليد يعطيك العااافيه كفيت ووفيت


طيب تقدر تسالهم عن معهد رايس قل انه شخص سجل عندكم طلب ضمان مالي لمعهد رايس وقلتو ان شاء الله خير ولحد الان ماعطيتوه خبر لا بقبول ولا برفض ويخاف تتكدس باقي المعاهد وهو جالس ينتظر


شوف وش يقولون لك لاني تعبت اتصل عليهم مايردون



جزاك الله خير