بنات يكفي احضر يوم والا لازم 3 ايام بليزززززززززز اللي راحت الملتقى ترد .

مساء الخير ..

أنا حضرت ملتقى الرياض البرنامج الأول , حضرت كل الأيام .

----

اسمعي يالغالية , الحضور راح يفيدك كثيييييييييييييييييييييييييييييييييييييييييييييييي ي وبآخر يوم ..يوزعون كتاب عنوانه ( الإبتعاث للدراسة في أمريكا ) يحتوي على كل شيء يتعلق بالإبتعاث من الألف إلى الياء . كل شيء .. فيه 190 صفحة ..

ويوزعون سي دي عن الابتعاث فيه اشياء مهمة ..

..

نصيحة لايفوتك الكتاب ..

لكن بالنسبة للحضور الثلاثة أيام .. فأعتقد إنها مو إلزامي ... لكن صدقيني راح تفوتين معلومات مهمة جدآ .

والبطاقة اللي وزعوها علينا .. هذي فقط تبين عدد الطلاب اللي حضروا الملتقى .. ويرفع عدد الحضور للوزارة ( عشان يستانسون ) إنه حضر عدد كبير من المبتعثين .

لكن إذا حضور الأيام يأثر عليك .. فأعتقد إنه عادي لو ماتحضرنها كلها ..

لأني لاحظت إن عدد الطلاب بالقاعة .. قل بشكل ملحووووووووووظ .. عن حضورهم بأول يوم . لدرجة إن 40% من المقاعد فاضياات .. والله على ماأقول شهيد .

والمسئولين ماقالوا شيء .

والسلام

الله يوفقك اختي توفي ريحتي قلبي ربي يريح قلبك ويوفقك ..بخصوص الكتاب والسي دي تبع الابتعاث لامريكا مالي شغل فيه انا رايحة ايرلندا ..وكل المعلومات عندي من منتدى مبتعث الرائع ..اما اني الزم بحضور ل3 ايام فهو ليس من الحصافة الناس عندها ظروف متعدده وكل انسان وظروفه اللي ساكن بنفس المدينه تبع الملتقى ويصير عنده ظروف قاهره ويمكن يغيب يوم او يومين فكيف بمن ساكن خارج المدن الثلاث الرياض وجده والخبر ؟؟؟ المهم طمنتيني يعني اروح اول يوم واستلم البطاقة واثبت حضوري وخلاص . بس استغرب من بعض الطلاب اللي يتكلم وعن ثقة ويحذر انو لازم تحضر 3 ايام والحين اكثر من 40 بالمية انخفاض بالحضور للمحاضرات ابتداء من اليوم الثاني يعني اكيد مو الزامي هذا زبدة الكلام ربي يسعدك خيتو توفي .

أنا ما حضرت ثاني يوم بسبب الأمطار وكلمة المسؤولة عن الحضور والانصراف بالوزارة أخذت رقم الطلب والاسم وقالت أوكي لا تحضري بس بكره لازم تجين وحضرت مررت البطاقة ثم اضطريت اخرج ومررتها وباقي ما خلصوا وماقالوا لي شي

مشكورة اختي تايهة هذا اللي انا اتوقعه يعني مستحيل تلغى بعثة طالب عشان ماحضر كل الايام لمرض او مطر او شغل المهم استلام البطاقة اللي حقت الملتقى ...والدليل انك لم تحضري الا يومين من ثلاثة ولم يحصل لك اي مشكلة وغيرك ايضا خيتو لم يحضروا الا يوم واحد واستلموا البطاقة ولم يحضروا باقي الايام ولم تلغى بعثتهم او صار لهم مشكله ...نتمنى مشاركات من الاخوان والاخوات لتفاعل اكثر ربي يوفقكم .

منار انا مثل وضعك مااقدراحضر كل الايام محد فاضي لي ، وبصراحه احس بعض الاعضاء يبالغون بهالموضوع ويكبرون الامور، والواحد فينا لو ظروفه تسمح له ماكان اضطر يسأل حتى ، ومستحيل تنلغي البعثه عشان سبب زي كذا ، عموما انتي اهم شيء تستلمي البطاقة وبالتوفيق يا
عسل

والله صدقتي خيتو خلود واوؤيدك بقووووووووة تحسين بعض الاعضاء من الطلاب متشددين اكثر من الوزارة وردودهم الله يسعدهم كانه الحضور لـ 8100طالب لم يغب منهم طالب واحد رغم ان الطالب كأي انسان (يمرض . تصير له ظروف . شغل . ظروف عائلية . لاي سبب كان يعني معقولة الـ 8100 طالب مايغيبووون والله مستحييييييييييل الحين اكثر من طالب يقول حضرت اليوم الاول واستلمت البطاقة واليوم الثالث وبس وبعضهم يقول حضرت اليوم الاول واخذت البطاقة وهو المهم استلام البطاقة ومن ثم وسحبت على اليومين الثانيين ....يعني انا احس الطلاب صاروا يجيبون تعليمات اكثر من تعليمات الوزارة ... انا بحضر اول يوم وبس ماني فاضية كل يوم بطق مشوار للخبر وانا من الاحساء وزوجي بعد عنده ظروف صعبة مايقدر كل يوم يروح الخبر او انه يجلس بالخبر 3 ايام .