فرجو همي فرج الله همكم اجمعين
السلام عليكم ورحمة الله وبركاته
مابي اطول عليكم
بس بأقول لكم بإختصار
انا للحين تحت رحمة المرافق
اخوي اللي من الأول حمسني للسفر قالو له ماتقدر تسافر لأنه باقي له بس سنتين و يتخرج من الكلية
فصار صعب علي الموضوع انه افضل مستقبلي ع مستقبله
املي بربي كبير
عشان كذا قال لي ابوية انو يبخلي اخوية المتخرج واللي جالس بالبيت منتظر الديوان يحن عليه مثله مثل باقي العاطلين
بس هذا رفض يقول جته وظيفة في جدة و ماراح وراها تبغوني اسافر لآخر الدنيا
وهو بطبعه لو سافر مايحب يسافر الا مع اخوياه ايام قليلة ويرجعون
المهم مالكم بالطويلة
من منكم راحت للملتقى من غير صك الإعالة مدري الولاية
لأن اصلن بالأول بيسافر معي اخوية الكبير يضبط لي اموري ويرجع
و بعدين يسافر اخوية الثاني اللي للحين رافض
يعني كم صك يبغالي اطلع ههههه
انا موعد الملتقى تبعي يوم الخميس 13 بجدة
وابغى اعرف في وحدة راحت للملتقى بدون صك الولاية ؟
واذا ايه ايش قالو لها ؟؟
انتظركم ع احر من الجمر
والله يجعل الجنة و التوفيق هو ملاذكم و ملاذي
رد: فرجو همي فرج الله همكم اجمعين
جوابي معتمد واكيد لكن في نقطة امام الله سااتبرأ منها
لايجوز الجلوس في بلد غربه بدون محرم شرعي
لان هذا امر غير مهم الدراسه بالخارج
لي ان اجيب لك فقط وانت لك الخيار .
الاجابة لاتحتاجين الان اي صك بالولاية من والدك
الصك من المحكمه يصدر من والدك للااخاك الاول
الذي سيسافر معك في البداية لانه هو من سيصدر انه مرافق لك في الملحقية عند ذهابه معك
الصك يكون جاهز عند اصدار قرار الابتعاث وليس الملتقى الوقت واسع معك
عند تغير المحرم وعودة اخوك وسفر اخوك الاخر
والدك يقوم بااصدار صك من المحكمه ايضا للااخاك الاخر
لتغيير المحرم في بلد البعثة من نفس الملحقية
الموجودة في بلد البعثة
وهو اجراء جدا بسيط
الكثير من المبتعثات تتزوج بعد فترة اللغه او يتم تغير المحرم من اب الى اخ وغيرها من ظروف
افضل سفر والدك معك بما انه يوجد اخوان لك يديرون امور الاسره عنه حتى انتهاء اخاك من الدراسه.
اسئل الله ان يفرج همي وهمك وبالتوفيق
رد: فرجو همي فرج الله همكم اجمعين
جزاك الله الف خير
والله يفتح لك من اوسع ابوابه يارب
لا تطمن من هالناحية
مستحيل اجلس ببلد غربة من غير محرم معاي مستحيل لو اموت
حتى لو اني اتنازل عن هالبعثة
للأسف الوالد مايقدر يسافر وياي ولا كان مافي اي مشاكل
بس الحمدلله ريحتني لأني كنت شايلة هم الصك
فرج الله همك يارب
لك دعوة بظهر الغيب اسأل الله الا يردهاا