أهل الرياض تكفون الفزعة يرحم والديكم ويوفقكم (الله يوفق الي يساعدني بس....)

و الله ابغى اساعدك ... بس لحظة انت المفروض تزبط امورك مع معهد اللحين مو مشكلة الجامعة اللحين
خل تركيزك على معهد و بعدين نبدأ بالجامعة .... بسرعة دور لك معهد زين في الوقت اللي انت عاوزوه

المشكلة أن المعاهد الثانية تجارية و الله بالخير سألت ما يقيت أحد
وبعدين فلوسي الي راحت أعمل فيها أيه برج من نفوخي حيطير
وهي مسألة كم كم يوم ويرسلولي I-20
وش أسوي فيه أحنطه و أتصور جنبه

أنا مابي غير المعهد ذا نص جماعتنا في ذيك الديره

أبي أحد يسألي وأذا سألتيلي بدعيلك دعوه أبد وزيره وزيره (بس أعتقد المواصلات ما تناسبك كيف وزارة الشؤون الأجتماعية معاك)
تكفون يا جماعة شوفولي حل

دمك خفيف ما شاء الله عليك ... أتاريك تهرّج و أنا مقهورة عليك هنا ما ادري ايش اسوي لك
وزيره ها؟؟؟

شوف ازا الوزارة رفضت لك خلك على المعهد القديم لانو ما فيهه حاجة لو درست بمعهد ثم بعد ما تخلص منو تروح للجامعة اللي في الديرة التانية على قولتك تكمل جامعه

فهمت علي يا اخويا ؟!!

وربي أتكلم من جد ودمي محروق بس طبيعة فيني ما خذها مزح

أقسم بالله مادري وش أسوي المشكلة راسلتهم وخلصت
و المعهد الأساسي الي خذيت الضمان علية يبي أقل شي 3000 ريال غير مسترده ما كنت أدري الا لما دخلت موقعهم وشفت طلباتهم

وأسف أذا مزحي أزعجك بس والله من حرقة الدم

أرجوا المساعدة يا شباب تكفون

أفااااااااااااا وين الناس

كني أنجحدت

مساعده كيف .... يعني يكلمو لك احد بالملحقية الثاقفيه ولا يدلوك على جهة اخرى ولا نواسيك ....والله اعتذر لسؤوالي بس انلحس مخي

طيب ادرس في المعهد هذا
ماعندك مشكله
وبالنسبة للجامعه مالك الا اذ رحت هناك تراسل للجامعه الي لقيت فيها مشرف
وانت تقول أنا جبت قبول جامعي
مو مشكله خل القبول معك بس لاتقدمه للوزارة هذي نصيحة قالها الموسى في الملتقى
الي عنده قبول جامعي لايقدمه الحين عشان ماتعتمده الملحقيه هو قال اي واحد عنده قبول خل يروح هناك ويدرس اللغة ويراسل جامعات ثانية وانت لاقي جامعه ثانية من كلامك وإذ جبت قبول من جامعه الي فيها مشرف عليك قدمه للملحقية لان على كلام الموسى فيه اجراءت تسويها الملحقية لما تقدم لها القبول
وبكذا ماتروح عليك فلوسك ولا يروح عليك المعهد الي اخترته برغبة منك
وربي يسر لك أمرك

انا أبي أكون في نفس المعهد عشان أبداء في الرسالة من بدري باقي وراي كورسات أخلصها عشان كذا أخترت معهد ذي الجامعة