معاناتي مع الضمان المالي اللي مو راضي يجي اهئ اهي

الله يسير اموووورنا

من بعد اذنكم عندي استفسار
انا من اول يوم بالملتقى بجده اعطيتهم 3 معاهد والى يومنا الحالي ماوصلني رد
اذا كانت المعاهد اللي اعطيتهم متكدسه بيرسلولي انها متكدسه ولا كيف عشان اعرف ارسلهم ثاني مره ولالا
هما مرا طولو علينا العالم ماشاء الله بدت تخلص امورها واحنا لسسى الضمان ماوصل.........
والله ييسر امور الجميع ان شاء الله

اللهم ااامين
كل يوم اقوم على هم الضمان

بس سبحان الله لما اشوف ان في احد حالته زي حالتي اتطمن > مو نذالة والله P=
الله يفرجها علينا ياااا رب
من قلبي ادعي لنا

الله يجعلنا في تاخره خيييرة يآآآ رب =)

نفس مشكلتي
وامس ارسلت لهم باني سلمت الاستمارة يوم الاحد ولا وصلني وانو ايش لازم اسوي بعد كذا
ولا حد رد علي ....
يعني انا عارفة ان عليهم ضغط وعاذرتهم
بس ليش ما يوضحون لنا ان في حال ما وصلنا ايش نسوي !!!!

وربي حاسه فيكم

لاني وحده الهم والغم وصل حده معهاااااااااااااا

الضمان ما وصلني لحد الان

انا من ملتقى الخبر البرنامج العاشر

امس عطيتهم قائمه واليوم حطيت قائمه ثانيه ولا صار شي

بكره شكلي بروح عند قسم الرجال بنفسي يمكن احد يعطيني وجهه

بجد الله يعين بسس ظنك انهم معقوله ماراح يردو علينا ابدا لانهم بالملتقى يحطو اسماء البنات اللي عندهم مشاكل بالضمان سواء التكدس او غيره
واسمي ماكان موجود الى اخر يوم فسألت الموظفه قالت معلش لانو عندنا ضغط استنى لبعد الملتقيات ماتخلص
وقالت مدام اسمك مو موجود خلاص استنى لاني سالتها اذا يبغو معاهد جديده قالت لا مايصير دام ماردو عليك لاتعطي معاهد جديده
وانا خايفه اظل استنى ومايجي شئ.......؟؟

نفس مشكلتي أنا رجعت لها وسالتها اخر يوم مرتين اقول لها في حال ما وصلني ايش اسوي وردت علي مرتييين باذن الله يوصلك
الله المستعان بس

مرررا صعب اني أسافر للرياض ياااا رب يردون على الايميل

لا بجد مشكله الين دحين ما وصل الضمان وكمان لما اراسل الوزراة ما بيردو عليا مطنشين طيب احنا مو عارفين ايش نعمل انا خايفه لما يوصل الضمان يكون المعهد قفل القبول لانه يوم التلوت في الملتقى حقت جده وحده من البنات قالت للدكتور الموسى اتوقع انو الضمان وصلها ولما راسلت المعهد قالها انو هما قفلو القبولات دحين وما حيفتحوها الا على شهر تمنيه يعني اكيد ماتقدر تسافر الشهور دي وادا سافرت وجلست تلاته شهور بدون دراسه حتتلغي الفيزا الله يسسسسسسسسسسسسستتتتر ويسسسسسسسسهل
كمان في حاجة تانيه ادا انا وكلت احد مثلا يراجع ليا في الوزارة في الرياض يسير ولا مايسير لازم انا احضر بنفسي؟؟؟

لانه ماوصلنا الضمان المالي فممكن مستشار الضمانات تعطينا فكره بسيطه تقريبا كم من الممكن اننا نستى الى ان يصلنا الضمان
ارجو الافاده

يا مستشار الضمانات ممكن تخبرنا ايش هو اقصى تاريخ للإنتظار