و بقي 3 أيام على ملتقى الخبر

السلام عليكم
انا من سكان الاحساء والملتقى يوم السبت في الخبر
ومشكلتي النقل للحين ماحصلت سيارة توديني الثلاث ايام للخبر

اذا احد يعرف نقل او باص يودي يعطيني رقمه والله يجزاه الجنه

انتظر ردكم علي

أنا ماجهزت ولا شي

لأن كل إلي يهمني في الملتقى ،، إني أستلم بطاقة المبتعث ،، لأن موعدي في السفارة ،، بكون في نفس الأسبوع

بالتوفيق للجميع

بالنسبة للفيزا لاتشيلو هم انا طلعت في يومين بعد المقابلة

ضااايعه اخترت معهد والوزاره ما ردو علي اذا اوكي او لا وبنفس الوقت دخلت من فتره قريبه لقيت المعهد خلاص فيه تكدس ف مدري ايش وضعي

ولا عندي اي اختيارات ثانيه للمعاهد ... خايفه بس اروح الملتقى يقولون لي شوفي لك معهد ثاني هنا جد مدري ايش بسووووي >> الله يستر

بعد الملتقى راح اسجل بمعهد مستوى ثاني لللانجلش لان في بداية 2011 اخذت مستوى اول الحمد الله والفتره هذي كنت شوي اقرا كتب وادخل موقع لتعليم الانجلش

عشان اذا رحت على الاقل اقدر اتصرف شوي ههههههه وبنفس الوقت يكون في امل اختصر على نفسي دراسة المعهد لو بمستوى واحد

وووبس

الله يوفقنا جميعاً

بالنسبة للسكن في الخبر، هناك سكن ممتاز اخذته لمدة اسبوعين انا و الاصدقاء وقت الدورة التحضيرية للمبتعثين قبل شهر .
اسم السكن : فندق الاميرة .
الرقم : للاسف لا املكة !
الموقع : خليك على شارع الكورنيش، الكورنيش على يسارك و المطاعم على يمينك . امش مع الشارع الى ان توصل لمكتبة جرير و مطعم هارديز اللي بيكونوا على يمينك ، خذ مع مطعم هارديز يمين، امشي 500 متر و بتلقى الفندق على يمينك !! موقع رهيييب جدا، جنبه سوبر ماركت و مغسلة ملابس، المطاعم تبعد دقيقتين مشي عالاقدام . و الكورنيش يبعد 5 دقائق ايضا عالاقدام ( فيه جسر يوصل بين جهة الفندق و الكورنيش ) .
سعر الليلة : 200 ريال .
وصف الشقه : صالة و مطبخ و غرفتين، وحدة ماستر و الثانية فيها سريرين و تكرمون دورتي مياه .

اتمنى ساعدتكم و اعتذر عن التاخر في الرد .

اختي في نقليات البن احمد كلميهم يوصولون للخبر بس اشوي غالي .. المشكله ماعندي رقمهم كان عطيتك اياه

الاخوان اللي جايين من الأحساء او من مكان ثاني
الأفضل لهم يسكنوا هالثلاثة ايام في الخبر بدل المشاوير كل يوم من الاحساء للخبر

السؤال اللي يطرح نفسه: الملتقى كم مدته ؟ يعني كم ساعة في اليوم؟ اذا كان احنا بدايته الساعة 5

بالتوفيق

الوقت ثلاث ساعات وعلى حسب برنامجك

والله المشكله ياخوي مافي احد يقعد معاي