بعد موعد السفاره ,, ضيعت الكرت الاخضر ,, وش السواة

April 14th, 2009, 01:09 PM

السلام عليكم

هذي قصتي مع السفاره,,

انا كان موعدي السبت 11-4-2009 وكان الساعه 7:30

طبعا جيت بدري ,, ودخلت عند هذيك العجوز اللي في البوابه و24 ساعه المعصبه وكل ما دخل واحد ترده وتقول له تصور والا ادفع والا مدري وشو ..., المهم

لما جيت عندها قالت لي هات اوراقك وصورك ورسوم سامبا ,, وقلت خذي وطبعا كل اوراقي كاملة وماني شايل هم ,, طبعا قالت لي وهي معصبه "خذ هذا الظرف وحط جوالك فيه وادخل" ===> طبعا كل الحوار هذا بالعنقليزي ===> يلمح انه فاهم

المهم دخلت وبعد التفتيش خرجت ولقيت واحد زي رامــــبو وقلت له من وين اروح اشر لي وبدون كلام على المكان ===> طبعا انا اخذت نفسي ورحت وقاعد اتحسس متى بيطلق على ===> يلعن ام الخوف

المهم يوم دخلت التفتيش الثاني اعطوني كرت احمر حق حق الجوال واغراضي الثانيه

المهم دخلت واعطوني رقم ,, وطبعا نادوني واخذوا كل اوراقي وكلها والحمد لله كاملة وخاصة DS 156,157,158 .., طبعا الفضل بعد الله لهذا المنتدى والاعضاء اللي ما راح انسى وقفتهم معاي ابد

وبعد نص ساعه نادوني مره ثانية وبصموني

وبعد كذا سويت المقابله وسألني اسئله عادية جدا ,, متى اتخرجت من الدبلوم ,, ليش بتروح امريكا ,, وبس

واخذوا جوازي ودبسوا علية كرت اخضر واعطوني كرت صغير اخضر وقالوا لي روح لـ FedEx والفيزا راح تجيك خلال اسبوعين ===> مو كثير ؟؟

وقلت له موعد دراستي قرب وابي الفيزا بـأسرع وقت ,, قالي لي Do not Wory ,, وقال لي اذا نبي نأخر الفيزا عليك راح نتصل عليك ونبلغك ؟؟ ===> طبعا كل الحوار بالعنقليزي ===> خلاص فهمنا انك تعرف النقليزي

المهم اخذت نفسي ورحت لـ FedEx وعبيت الورقه واخت معي الايصال ودفعت الفلوس ومشيت



بس المشكله الكبيره هي

اني يوم اعطيته الكرت الاخضر اللي اخذته من اللي سوا لي المقابله ,, نسيته عند FedEx وصار ما عندي رقم اراجع به السفاره علشان اشوف وش صار على طلبي


بس الفاتورة حقة FedEx فيها رقم تسلسلي اقدر اشوف طلبي عن طريق FedEx وبس


وللحن ما صار شي

وش السواة يا جماعة الخير

• نشر عبر تويتر
• نشر عبر فيسبوك
• نشر عبر جوجل