الأعضاء الإشتراك و التسجيل

الملتقيات
ADs

مقابلتي باقنصليه الامريكية الظهران 21 ابريل 100%

مقابلتي باقنصليه الامريكية الظهران 21 ابريل 100%


NOTICE

تنبيه: هذا الموضوع قديم. تم طرحه قبل 5456 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية سـهـم
    سـهـم

    مبتعث مجتهد Senior Member

    سـهـم الكونغو الديمقراطية

    سـهـم , ذكر. مبتعث مجتهد Senior Member. من الكاميرون , مبتعث فى الكونغو الديمقراطية , تخصصى هندسة امن معلومات , بجامعة اكرون
    • اكرون
    • هندسة امن معلومات
    • ذكر
    • اكرون, اوهايو
    • الكاميرون
    • Dec 2008
    المزيدl

    April 22nd, 2009, 01:35 AM

    السلام عليكم ورحمة الله وبركاته

    بالاول من كل قلبي اشكر الجميع والمنتدى

    واتمنى التوفيق للجميع يارب!!

    مقابلتي كانت يوم الثلاثاء اول شي وصلت للقنصليه الساعه 8:45

    ونزلت من السيارة ع الساعه 9 ورحت ووقفت مع الطابور الى ماجاني المفتش وفتشني

    ملاحظة:ممنوع دخول الجوال او الشنطه

    المهم فتشني وبعدين رحت انتظر مع الطابور مرة اخرى لين ماجا السكرتي ووضع ع ايدي ورقه ومسح عليها ماادري ليه

    المهم بعدين نادتني السودانيه ورحت ومعاي جميع الاوراق وقالت السلام عليكم ممكن الجواز وعطيتها الجواز بعدين قالت لي دقيقه بعدين جا السكرتي وقالي ادخل ودخلت وبعدين تفتيش وبعدين تروح للشباك للتشييك على موعدك المهم

    اخذت الجواز ورحت داخل واخذت رقم وانتظرت وكانت زحمة عوايل المهم انتظرت لمده ساعه الاربع

    وبعدين جا رقمي ورحت وكانت هنديه قالت لي اهلا ممكن اوراق السفارة والجواز والاي تونتي والسيفيس وتسديد رسوم الفيزا وعطيتها الاوراق بعدين قالت لي يااحمد ابيك تكتب اسمك بالعربي في ابليكشين 157 المهم كتبته وبعدين قالت لي ابيك تكتب لي تواريخ السفر الى الدول هذي لاني ماكتبت التاريخ توقع ماادري ع اي ابليكشين ووقت وبعدين قالت اوكي الان رح انتظر لين مايجي وقت التبصيم

    ورحت وانتظرت ايضا
    يمكن لين الساعه 10و55دقيقه وبعدين رحت وكانت امريكية قالت لي يالله ابصم يااحمد وبصمت وبعدين قالت لي يالله انتظر لين ماتجي مقابلتك
    والمهم وانتظر والعايلات كثير يارب استرها بالمقابله

    المهم كان هناك شباكين فيه حرمه امريكية دبه ومشكلتها كله اسئله يعني تجلس عندها عشر دقايق اقل شي

    وانا ادعو ربي اني اروح للشباك الثاني لانه سريع سريع فيه امريكي يتكلم العربيه يخلص الاوراق على السريع

    وانا ادعو ربي لين الحمدلله نادني الامريكي
    وانا مستانس ههههه

    والله واروح له ع السريع قالي اهلا مستر احمد كيف حالك

    قلت له بخير قالي اوكي مبروك عليك صدور الفيزا وانا سكت استغربت بدون سؤال قالي تستلم الجواز بعد اسبوعين ولاشي ويعطيني ورقه مستطيله صغيره لونها اصفر وفيها رقم وثانيه لونها اخضر فاتح او حاجه زي كذا وقالي روح للفيديكس سجل عنوانك وكذا وتوكل على الله

    واروح ع السريع واخلص ومشيت

    يعني اللي ابي اقوله انه يااخوان لااحد يخاف صدقوني اللي كاتبه ربك يصير وخليك واثق من نفسك ومبتسم

    والله راح يعطيك ع قد نياتك


    مرة اخرى اشكر جميع القائمين على المنتدى الرائع والمفيد لجميع الاخوان


    اتنمى اني افدتكم ولو بالشي البسيط


    اخوكم احمد

    اي سؤال انا حاضر

    فمان الله

  2. المشاركة الأصلية كتبت بواسطة دخل مزاجي
    الف الف الف مبروووك وربي تستااهل يااسهم

    كيف ترى معاملة القنصلية في الظهران هل فيها اريحيه او الامووور شديده شوي؟؟؟؟؟
    الله يبارك بك يابعدي

    شوف انا بنظري وتجربتي وتجربه اللي اعرفهم

    انها اسهل من السفارة بالرياض والقنصليه بجده

    اقولك ليه

    انا اول شي كان موعدي بالاصل بعد اربع شهور بأغسطس والمشكله دراستي في شهر 6 بعد شهر و10ايام من الان

    رسلت لهم رساله ابي موعد طارئ وفهمتهم بالرساله كل شي

    وفي خلال يوم ردوا علي وقالوا لي موعدك بعد اربعه ايام

    وفوق كذا المقابله كيف كانت

    وربي يوفقك ووييسر لك امورك يالغالي
    7 "
  3. سررررررررررررررريع سررررررررررررررررررررريع

    حشى مو مقابلة هذا سلام بس هههههههههههههههه تستاهل يا الغالي ومبرررررررررروك

    واتوقع مشاك بسرعة لانك عزابي لانه العوايل يستهلكوا وقت كثير ويبي يخصص الوقت الاكبر للعوائل هذا حظك الحلو

    ويارب تطلع الفيزا قبل اسبوعين وترتاح

    انا قالوا لي اسبوعين وطلعت في تسع ايام بالتوفيق للجميع
    7 "
  4. المشاركة الأصلية كتبت بواسطة Emad_b
    سررررررررررررررريع سررررررررررررررررررررريع

    حشى مو مقابلة هذا سلام بس هههههههههههههههه تستاهل يا الغالي ومبرررررررررروك

    واتوقع مشاك بسرعة لانك عزابي لانه العوايل يستهلكوا وقت كثير ويبي يخصص الوقت الاكبر للعوائل هذا حظك الحلو

    ويارب تطلع الفيزا قبل اسبوعين وترتاح

    انا قالوا لي اسبوعين وطلعت في تسع ايام بالتوفيق للجميع
    اي والله ع السريع هههههه

    الله يبارك فيك
    صحيح لان العوايل كثير

    يالله عقبال الجميع
    7 "
  5. المشاركة الأصلية كتبت بواسطة Un 6aBi3eY
    بوحميد , الف الف الف مبروك ,
    الله يسهل لك و ييسر امرك ,

    و عقبال كل من ينتظرها ,


    عاد ما اوصيك الحين تبتدي تقضي

    هلا بعد تسبدي يبارك فيك يالغالي فديت خشتك


    اي والله الله يعين ع التقضيه بس
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.