النماذج لا تقبل الحفظ وما عندك طابعة؟ هنا الحل..

June 19th, 2009, 01:00 AM

السلام عليكم ورحمة الله وبركاته:

مشكلة تواجه الكثيرين من معبي النماذج غير القابلة للحفظ في المواقع العنكبوتية << ياشين المصالة

كلكم تعرفون مشكلة النماذج اللي ما تقبل الحفظ .. وهي أنه لازم يكون عندك طابعة عشان تطبعها بعد ما تعبيها ولا بتروووح عليك.

وحتى لو طبعتها يمكن تضيع منك مع حوسة البيت ، ويمكن تقول نسيت ، أو انكب عليها زيت ، ولا بخيتها بفليت.. وتلفت بهذه الأفعال..ثم تقول ياليت كان عندي منها نسخة ياليت.

الطريقة هي كالتالي:

1000- نزل هذا البرنامج على جهازك لو تكرمت (تراه مجاني لا تقولون اشتره لنا ):
http://download.cnet.com/PDF-ReDirec...html?tag=mncol

2000- بعد تركيب البرنامج بتلقاه أضاف طابعة في مجلد الطابعات (لوحة التحكم>الطابعات) باسم PDF reDirect

3000- رح/روحي الله يسلمك للنموذج اللي تبون تعبونه وسوو شكشوكة.. قصدي عبو البيانات كااااملة.

4000- إذا صار النموذج زاااااهز وملياااااان ، اضغط بلطف على قائمة ملف ثم طباعة.

5000- بيطلع مربع لطيف فيه خيارات الطباعة .. تأكد من اختيار الطابعة "PDF reDirect"

6000- اضغط بحذر شدييييييييد على موافق أو طباعة

7000- بتنفتح لك نافذة البرنامج اللي نزلناه من شوي

8000- في حقل "Filename" اكتب الاسم اللي يعجبك للملف.. يعني سمه مثلا (انقهروا يالسفارة تراي حفظت الملف)

9000- في حقل "Folders" اختر المكان اللي بتحفظ فيه الملف (مثلا سطح البيت..قصدي المكتب)

10000- بحذر متناهيييييي وبعد إطفاء جميييييع أنوار الغرفة اضغط على "Save"

وهكذا إخوة الإيمان في كل مكان رفع.. احم.. حفظنا الملف على الجهاز وتقدر تنقله على USB، وهلحين أحرق كل الأوراق اللي عندك ، ومتى ما بغيت نموذج أو طلبه حارس المسجد أو تبي تشخص به عند اصدقائك رح واطبعه لهم..

ملحوظة: بهذي الطريقة تحفظ النماذج......لكن...... ما تقدر تعدلها بعدييييين

ولا تنسوني من دعاااااااااااااااااائكم..

• نشر عبر تويتر
• نشر عبر فيسبوك
• نشر عبر جوجل