December 4th, 2006, 12:04 AM
السلام عليكم ورحمة الله وبركاته
في الحقيقه تفاجأت بأجراءات السفاره الامريكيه بالرياض
يقال انهم تساهلوا
وصاروا حبيبين
لكن حتى لو انهم كذا يقال انهم شديدين لكن مو مثل ما كنت اتصور
صحيح انهم مو مثل اول
كان اول تاخذ التأشيره بساعه
ولا مثل بريطانيا الان
تاخذ التأشيره بيوم ولا مقابله ولا هم
ولكن حقيقه اهون من بعض الدول العربيه والخليجيه
نعم اخواني
لا تتفاجأوا
خلونا صريحين
اجراءات اخذ التأشيره الامريكيه- على الاقل بالنسبة لي وبتوفيق الله- اهون من اجراءات دخول بعض البلدان العربيه
كل الموضوع ساعتين فقط في السفاره
ثمن يواعدونك بعد اسبوعين" كان يبونك ولا يبون يطفشونك" وتاخذها
لكن ماهو الوضع اذا جيت تروح لبلد عربي مثل البحرين بالعيد مثلا
مره يفتشون ومره ما يفتشون
او اذا جيت تروح لسوريا مارا بالاردن
طوابير ولعنة جدف
او ماهي الاجراءات اللي يسويها الاجنبي اذا كان يريد ياتي للسعوديه عمره؟
او حج؟
يعقدون ابو ابو اللي جابه
فليش نحن نرى وننتقد عيوب الناس او دول لايوجد بيننا وبينهم لا جامعه تربطنا ولا مجلس تعاون يربطنا ولا دين يربطنا ولا لغه تربطنا
ولا ننتقد اللي بيننا روابط جامعه عربيه او مجلس تعاون او دين؟؟؟؟
صحيح اخواني؟؟؟
لو امريكا تعمل اللي تعمله من حقها
لانها تااذت
شوفوا الرياض ايام الاحداث السابقه لا اعادها الله
واسال الله ان يفتك بالشرذمة الضالة ويفكك جمعها
زرعوا تفتيش بكل مكان
بل بكل لفه
كان المشوار من شمال الرياض الى جنوبه تمر ب40 تفتيش
من بيتكم للمسجد تفتيش
ومن بيتكم لبيت الجيران تفتيش
ومع كذا ما نلومها لانها تاذت
على كل اخواني انا لست ادافع عن احد
ولا اسب احد
لكن حقيقة يجب ان ندركها
"ومعرفة مكمن الخطأ بداية التصحيح"
تضل امريكا افضل منا نظاما....
واقل منا بيروقراطيه....
والله ثم والله ثم والله ان اجراءات اخذ التأشيره اسهل من اجراءات البيروقراطيه بدولتنا لاصدار بطاقة شخصية او جواز سفر او رخصة
والله ثم والله ثم والله
ان اجراءات السفارة الامريكيه اهون من مراجعة الدوائر الحكوميه لدينا
فمع مانراه من تشدد ومع انه معهم حق
لكن ربعنا ليش كل هالتعقيد؟؟؟؟؟؟
على كل اخواني سأبحر معكم بذكريات تجربتي
لفائدتكم وخاصة اللي الى الان ما راح للسفارة
استحملوني
وقوموني
وان اصبت فمن الله
وان اخطأت فمني ومن الشيطان
والله من وراء القصد
وصلى الله وسلم على نبينا محمد
اليوم: الاربعاء الموافق 29 نوفمبر
الوقت: الساعه تقريبا 6 ونصف صباحا
الموقع: بجوار بوابة السفارة الامريكيه قبال المسجد" تحيه وتقدير للي محدد موقع سفارات وقنصليات الولايات المتحده بالسعوديه اللي بالرياض قبال المسجد غصب على خشومهم واللي بجده بشارع فلسطين اللي ما اعترفوا فيها كدوله سيعترفوان بها كشارع ويرددونه بمراسلاتهم البريديه واضنها مقصوده"
الطقس: برد ومطر من الصبح
طيب اخواني خلونا ندخل التفاصيل
اولا موقع السفاره:
السفاره تقع في حي السفارات شمال غرب الرياض للي ما يدل وانت داخل للرياض من الشمال متجه للجنوب يجيك وانت بطريق الملك فهد اول جسر فوقك"لاحظ جسر" مكتوب قبله مكه المكرمه رح من عنده ثمن تجيك لوحات:104:
اذا دخلت مع بوابة السفارات ولاحظ ترى تفاتيش لكن سلس وهين اول دوار خله
ثاني دوار رح يمين
ثمن ثالث دوار يسار
يجيك المسجد اقبالك و بجنبه مواقف وقف بهالمواقف ودحدر للسفاره
ثانيا متى تذهب للسفاره:
اخواني انا انصحكم على الساعه 6 ونص تكون هناك يعني تطلع من بيتكم 6
لانه من جد طوابير خاصه اذا صارت 7 ينكبون الناس وما فيه مانع تجيب فطورك وشاهي وقهوه وعصير ترى الوضع عادي وتلاقي ناس كذا يسوون او تصبر لمن تدخل السفاره فيه بوفيه تبيع فطور وقهوه وشاهي وشوكولاته
ثالثا ماهي الاوراق المطلوبه:
شوفوا انا بتكلم عني واللي مثلي لان فيزتي طالب f1
بالنسبه لمقدم الطلب اللي فيزته f1 لازم يكون معه التالي:
1. السيفز يدفعه من الانترنت ومقدارة 100 دورار:103:
2. رسوم المقابلة ومقدارة 380 ريال يدفعها ببنك سامبا ويجيب معه الوصل
3.نموذج مطبوع من 156 وحاط صورته مقاس 5×5 بدون شماغ.
4. نموذج 157 معبى كامل.
5. نموذج 158 معبى كامل.
6. i20تكون موقع عليه
7. جوازك الجديد والقديم اذا معك والا ما يهم قلهم النظام عندنا ما يعطونا الجواز اذا جددنا
اما مرافقيه" مهما كان عمرهم"
1. نموذج 156 معبى لهم
2. نموذج 157 اذا كان المرافق ذكر وعمره فوق 12 سنه
3. رسوم المقابله لكل واحد وقدرها 380 ريال تدفع بسامبا
4. i20باسم المرافق ويكون موقع عليه
5. الجواز الجديد والقديم نفس اللي فوق
ملاحظة: البزارين ما يسوالهم مقابله فماله داعي تجيبونهم للسفاره لكن تدفعلهم رسوم مقابله وتجيب الوصل معك
ملاحظة: بزارين يعني اقل من 12 سنه
ثالثا: اجراءات المقابله
1. الساعه 8 تماما تفتح ابواب السفاره" صوره مع التحية والتقدير لموظفي الدوله مايجوا الا 10".
2. الامن برا ينادون على اسره اسره
3. اذا نادوك تروح للسيكيورتي حق السفارة
4. سيكيورتي السفارة يشيك هل لك موعد اليوم ام لا
5. اذا كان لك موعد يسألك هل دفعت رسوم المقابله؟.ووين الوصل؟ وهل اوراقك كامله؟ هل دفعت السيفز؟ اذا كان جوابك نعم يقولك خش:86:
6. اذا خشيت تلاقي نقطة تفتيش " لكن ناس من جد راقين والضحكه على الوجه وجدا متعاونيين مو مثل عساكرنا الله يخلف بس"ممنوع الريموت كنترول حق السيارة والجوال واي شيء الكتروني ياخذونه منك ويطونه بظرف ويعطونك رقم وانت طالع تاخذ اغراضك.
7. بعد نقطة التفتيش تطلع لحوش السفارة ثمن تدخل المبنى الرئيسي
8. في المبني الرئييسي نقطة تفتيش كمان نفس الاولى
9. بعد نقطة التفتيش تدخل باب يسار تلاقي السناك بار" البوفيه"
10. قبل ما تفطر بنهاية السيب تلاقي رجل امن رح وره اوراقك خل يعطيك رقم وارجع افطر انتظر رقمك.
11. وانت تفطر يجي رقمك صدقني صحيح زحمه لكن قمة في التنظيم حتى السعودي سبحان الله يكون يتبع النظام ومنظم صدق ان الانسان حسب المكان اللي هو فيه ماكانه نفس السعودي اللي يطاحش بالاشاره والشوارع و عند الخباز.
12. اذا جا رقمك تروح للغرفه اللي بعد حارس الامن على طول
13. في هذي الغرفه تشييك الورق اذا سلمت منهم سلمت من الباقي
عشان ما تتفشل ويقولك او تقولك اللي بالكونتر خلف الزجاج رح رتب اوراقك انا بعلمك من هنا كيف ترتبهم:
في كل جواز حط النماذج المطلوبه + I20+وصل تسديد رسوم المقابله+ السيفز كان مطلوب لك
لاتنس تثبت الصورة بنموذج 156
لا تنس ان تبتسم:97:
قد يرجعونك لان صورتك مو واضحه مو مشكله يوجد مصور قريب خارج السفاره
بوصفه لك: اذا طلعت من الباب اطمر الرصيفين وانت قاطع الشارع كانك تبي المسجد
امش محاذاة المسجد لمن يجيك سقف
ثمن رح يسار يجيك المصور بس تراه غالي ويحقله لانك محتاج
المهم اذا قالولك ملاحظات اطمر بسرعه لبرا السفاره وكمل المطلوب" كل شيء موجود بحي السفارات حتى بنك سامبا والمصورين فكله رجليه برجليه
ثمن اذا طلعت لا قدر الله عشان تكمل نواقص او تصلح صوره اذا رجعت لا تمسك سرا على طول ادخل وعلى طول رح لنفس الموظف اللي رجعك والسيكيورتي اصلا يعرف انك طلعت من غير ما تبلغه جدا يعرفوا ويعرف انك طلعت فارجع عادي لنفس الموظف.
14. اذا قالك الموظف اوكيك ورجعلك اوراقك مصفوطه وملفوف الجواز بسير رح للسيكيورتي برا وخذ منه رقم ثاني للمقابله ثمن ارجع لنفس الغرفه وسلم جوازك وورهم الرقم لاخر شباك يمين
15. يبي ياخذ جوازك ويكتب عليه الرقم ويقولك اطلع انتظر برا يمين
16.اطلع انت برا وامس سرا وعين من الله خير
رابعا: المقابلة الشخصيه:
فيه تقريبا 7 يسوون المقابله الشخصيه كل شوي يجي رقم
الغريب ان الاستدعاء بالارقام غير مرتب
يعني مره ينادون 300
ثمن ينادون 199 وهكذا
اضن والله اعلم انهم يصنفونها جوا من يقابلك بالضبط يعني مو حسب الترتيب
المهم اذا جا دورك روح وانت واثق
خليك مجهز كل شيء يعني لاتكتب اي معلومه بالنماذج الا وجايب ورقه تثبتها او لا تكتبها اصلا
لاحظ معي " اي شيء لابد معك اثباته"
اذا سألك سؤال مثلا انت درست بجامعة سعود بكالوريوس؟
جاوبه انت نعم ولا تسكت لا خلك واثق قله وتخرجت عام كذا وهذه شهادتي والترانسكربت حقي...
فأي سؤال يسألك جاوبه واكثر خلك "قررررراااااااااره"
تبي تلاحظ ان المقابله جدا سلسه وعاديه جدا
ثمن يبي يقولك يا اوكيه واستلم جوازك بعد كذا وكذا
او يختم على جوازك انه استقبل النماذج يعطيك ورقه صفرا فيه النواقص طبعا الورقه الصفرا معناته انت مقبول لكن ناقص اوراق يحددها لك هالاوراق انت اي يوم تكمل المطلوب وتجيهم بس مو من الصبح لا حبيبي تجيهم الظهر بدون طابور على رواقه وتعطيهم النواقص والجواز ويواعدونك متى تاخذ جوازك
او يختم انك غير مؤهل للسفر للولايات المتحده لمدة سنه" الله لا يقولها:
وبس هذا كل المطلوب بالموجز
ولاتنسون اخواني ان اخذ الموعد من السفاره صار الكتروني يعني بالنت وبفلوس اضن 40 ريال قام واحد من الاعضاء بشرحه
لا حبيبي خلاص
LinkBack URL
About LinkBacks
December 4th, 2006, 12:04 AM
السلام عليكم ورحمة الله وبركاتهفي الحقيقه تفاجأت بأجراءات السفاره الامريكيه بالرياض
يقال انهم تساهلوا
وصاروا حبيبين
لكن حتى لو انهم كذا يقال انهم شديدين لكن مو مثل ما كنت اتصور
صحيح انهم مو مثل اول
كان اول تاخذ التأشيره بساعه
ولا مثل بريطانيا الان
تاخذ التأشيره بيوم ولا مقابله ولا هم
ولكن حقيقه اهون من بعض الدول العربيه والخليجيه
نعم اخواني
لا تتفاجأوا
خلونا صريحين
اجراءات اخذ التأشيره الامريكيه- على الاقل بالنسبة لي وبتوفيق الله- اهون من اجراءات دخول بعض البلدان العربيه
كل الموضوع ساعتين فقط في السفاره
ثمن يواعدونك بعد اسبوعين" كان يبونك ولا يبون يطفشونك" وتاخذها
لكن ماهو الوضع اذا جيت تروح لبلد عربي مثل البحرين بالعيد مثلا
مره يفتشون ومره ما يفتشون
او اذا جيت تروح لسوريا مارا بالاردن
طوابير ولعنة جدف
او ماهي الاجراءات اللي يسويها الاجنبي اذا كان يريد ياتي للسعوديه عمره؟
او حج؟
يعقدون ابو ابو اللي جابه
فليش نحن نرى وننتقد عيوب الناس او دول لايوجد بيننا وبينهم لا جامعه تربطنا ولا مجلس تعاون يربطنا ولا دين يربطنا ولا لغه تربطنا
ولا ننتقد اللي بيننا روابط جامعه عربيه او مجلس تعاون او دين؟؟؟؟
صحيح اخواني؟؟؟
لو امريكا تعمل اللي تعمله من حقها
لانها تااذت
شوفوا الرياض ايام الاحداث السابقه لا اعادها الله
واسال الله ان يفتك بالشرذمة الضالة ويفكك جمعها
زرعوا تفتيش بكل مكان
بل بكل لفه
كان المشوار من شمال الرياض الى جنوبه تمر ب40 تفتيش
من بيتكم للمسجد تفتيش
ومن بيتكم لبيت الجيران تفتيش
ومع كذا ما نلومها لانها تاذت
على كل اخواني انا لست ادافع عن احد
ولا اسب احد
لكن حقيقة يجب ان ندركها
"ومعرفة مكمن الخطأ بداية التصحيح"
تضل امريكا افضل منا نظاما....
واقل منا بيروقراطيه....
والله ثم والله ثم والله ان اجراءات اخذ التأشيره اسهل من اجراءات البيروقراطيه بدولتنا لاصدار بطاقة شخصية او جواز سفر او رخصة
والله ثم والله ثم والله
ان اجراءات السفارة الامريكيه اهون من مراجعة الدوائر الحكوميه لدينا
فمع مانراه من تشدد ومع انه معهم حق
لكن ربعنا ليش كل هالتعقيد؟؟؟؟؟؟
على كل اخواني سأبحر معكم بذكريات تجربتي
لفائدتكم وخاصة اللي الى الان ما راح للسفارة
استحملوني
وقوموني
وان اصبت فمن الله
وان اخطأت فمني ومن الشيطان
والله من وراء القصد
وصلى الله وسلم على نبينا محمد
اليوم: الاربعاء الموافق 29 نوفمبر
الوقت: الساعه تقريبا 6 ونصف صباحا
الموقع: بجوار بوابة السفارة الامريكيه قبال المسجد" تحيه وتقدير للي محدد موقع سفارات وقنصليات الولايات المتحده بالسعوديه اللي بالرياض قبال المسجد غصب على خشومهم واللي بجده بشارع فلسطين اللي ما اعترفوا فيها كدوله سيعترفوان بها كشارع ويرددونه بمراسلاتهم البريديه واضنها مقصوده"
الطقس: برد ومطر من الصبح
طيب اخواني خلونا ندخل التفاصيل
اولا موقع السفاره:
السفاره تقع في حي السفارات شمال غرب الرياض للي ما يدل وانت داخل للرياض من الشمال متجه للجنوب يجيك وانت بطريق الملك فهد اول جسر فوقك"لاحظ جسر" مكتوب قبله مكه المكرمه رح من عنده ثمن تجيك لوحات:104:
اذا دخلت مع بوابة السفارات ولاحظ ترى تفاتيش لكن سلس وهين اول دوار خله
ثاني دوار رح يمين
ثمن ثالث دوار يسار
يجيك المسجد اقبالك و بجنبه مواقف وقف بهالمواقف ودحدر للسفاره
ثانيا متى تذهب للسفاره:
اخواني انا انصحكم على الساعه 6 ونص تكون هناك يعني تطلع من بيتكم 6
لانه من جد طوابير خاصه اذا صارت 7 ينكبون الناس وما فيه مانع تجيب فطورك وشاهي وقهوه وعصير ترى الوضع عادي وتلاقي ناس كذا يسوون او تصبر لمن تدخل السفاره فيه بوفيه تبيع فطور وقهوه وشاهي وشوكولاته
ثالثا ماهي الاوراق المطلوبه:
شوفوا انا بتكلم عني واللي مثلي لان فيزتي طالب f1
بالنسبه لمقدم الطلب اللي فيزته f1 لازم يكون معه التالي:
1. السيفز يدفعه من الانترنت ومقدارة 100 دورار:103:
2. رسوم المقابلة ومقدارة 380 ريال يدفعها ببنك سامبا ويجيب معه الوصل
3.نموذج مطبوع من 156 وحاط صورته مقاس 5×5 بدون شماغ.
4. نموذج 157 معبى كامل.
5. نموذج 158 معبى كامل.
6. i20تكون موقع عليه
7. جوازك الجديد والقديم اذا معك والا ما يهم قلهم النظام عندنا ما يعطونا الجواز اذا جددنا
اما مرافقيه" مهما كان عمرهم"
1. نموذج 156 معبى لهم
2. نموذج 157 اذا كان المرافق ذكر وعمره فوق 12 سنه
3. رسوم المقابله لكل واحد وقدرها 380 ريال تدفع بسامبا
4. i20باسم المرافق ويكون موقع عليه
5. الجواز الجديد والقديم نفس اللي فوق
ملاحظة: البزارين ما يسوالهم مقابله فماله داعي تجيبونهم للسفاره لكن تدفعلهم رسوم مقابله وتجيب الوصل معك
ملاحظة: بزارين يعني اقل من 12 سنه
ثالثا: اجراءات المقابله
1. الساعه 8 تماما تفتح ابواب السفاره" صوره مع التحية والتقدير لموظفي الدوله مايجوا الا 10".
2. الامن برا ينادون على اسره اسره
3. اذا نادوك تروح للسيكيورتي حق السفارة
4. سيكيورتي السفارة يشيك هل لك موعد اليوم ام لا
5. اذا كان لك موعد يسألك هل دفعت رسوم المقابله؟.ووين الوصل؟ وهل اوراقك كامله؟ هل دفعت السيفز؟ اذا كان جوابك نعم يقولك خش:86:
6. اذا خشيت تلاقي نقطة تفتيش " لكن ناس من جد راقين والضحكه على الوجه وجدا متعاونيين مو مثل عساكرنا الله يخلف بس"ممنوع الريموت كنترول حق السيارة والجوال واي شيء الكتروني ياخذونه منك ويطونه بظرف ويعطونك رقم وانت طالع تاخذ اغراضك.
7. بعد نقطة التفتيش تطلع لحوش السفارة ثمن تدخل المبنى الرئيسي
8. في المبني الرئييسي نقطة تفتيش كمان نفس الاولى
9. بعد نقطة التفتيش تدخل باب يسار تلاقي السناك بار" البوفيه"
10. قبل ما تفطر بنهاية السيب تلاقي رجل امن رح وره اوراقك خل يعطيك رقم وارجع افطر انتظر رقمك.
11. وانت تفطر يجي رقمك صدقني صحيح زحمه لكن قمة في التنظيم حتى السعودي سبحان الله يكون يتبع النظام ومنظم صدق ان الانسان حسب المكان اللي هو فيه ماكانه نفس السعودي اللي يطاحش بالاشاره والشوارع و عند الخباز.
12. اذا جا رقمك تروح للغرفه اللي بعد حارس الامن على طول
13. في هذي الغرفه تشييك الورق اذا سلمت منهم سلمت من الباقي
عشان ما تتفشل ويقولك او تقولك اللي بالكونتر خلف الزجاج رح رتب اوراقك انا بعلمك من هنا كيف ترتبهم:
في كل جواز حط النماذج المطلوبه + I20+وصل تسديد رسوم المقابله+ السيفز كان مطلوب لك
لاتنس تثبت الصورة بنموذج 156
لا تنس ان تبتسم:97:
قد يرجعونك لان صورتك مو واضحه مو مشكله يوجد مصور قريب خارج السفاره
بوصفه لك: اذا طلعت من الباب اطمر الرصيفين وانت قاطع الشارع كانك تبي المسجد
امش محاذاة المسجد لمن يجيك سقف
ثمن رح يسار يجيك المصور بس تراه غالي ويحقله لانك محتاج
المهم اذا قالولك ملاحظات اطمر بسرعه لبرا السفاره وكمل المطلوب" كل شيء موجود بحي السفارات حتى بنك سامبا والمصورين فكله رجليه برجليه
ثمن اذا طلعت لا قدر الله عشان تكمل نواقص او تصلح صوره اذا رجعت لا تمسك سرا على طول ادخل وعلى طول رح لنفس الموظف اللي رجعك والسيكيورتي اصلا يعرف انك طلعت من غير ما تبلغه جدا يعرفوا ويعرف انك طلعت فارجع عادي لنفس الموظف.
14. اذا قالك الموظف اوكيك ورجعلك اوراقك مصفوطه وملفوف الجواز بسير رح للسيكيورتي برا وخذ منه رقم ثاني للمقابله ثمن ارجع لنفس الغرفه وسلم جوازك وورهم الرقم لاخر شباك يمين
15. يبي ياخذ جوازك ويكتب عليه الرقم ويقولك اطلع انتظر برا يمين
16.اطلع انت برا وامس سرا وعين من الله خير
رابعا: المقابلة الشخصيه:
فيه تقريبا 7 يسوون المقابله الشخصيه كل شوي يجي رقم
الغريب ان الاستدعاء بالارقام غير مرتب
يعني مره ينادون 300
ثمن ينادون 199 وهكذا
اضن والله اعلم انهم يصنفونها جوا من يقابلك بالضبط يعني مو حسب الترتيب
المهم اذا جا دورك روح وانت واثق
خليك مجهز كل شيء يعني لاتكتب اي معلومه بالنماذج الا وجايب ورقه تثبتها او لا تكتبها اصلا
لاحظ معي " اي شيء لابد معك اثباته"
اذا سألك سؤال مثلا انت درست بجامعة سعود بكالوريوس؟
جاوبه انت نعم ولا تسكت لا خلك واثق قله وتخرجت عام كذا وهذه شهادتي والترانسكربت حقي...
فأي سؤال يسألك جاوبه واكثر خلك "قررررراااااااااره"
تبي تلاحظ ان المقابله جدا سلسه وعاديه جدا
ثمن يبي يقولك يا اوكيه واستلم جوازك بعد كذا وكذا
او يختم على جوازك انه استقبل النماذج يعطيك ورقه صفرا فيه النواقص طبعا الورقه الصفرا معناته انت مقبول لكن ناقص اوراق يحددها لك هالاوراق انت اي يوم تكمل المطلوب وتجيهم بس مو من الصبح لا حبيبي تجيهم الظهر بدون طابور على رواقه وتعطيهم النواقص والجواز ويواعدونك متى تاخذ جوازك
او يختم انك غير مؤهل للسفر للولايات المتحده لمدة سنه" الله لا يقولها:
وبس هذا كل المطلوب بالموجز
ولاتنسون اخواني ان اخذ الموعد من السفاره صار الكتروني يعني بالنت وبفلوس اضن 40 ريال قام واحد من الاعضاء بشرحه
لا حبيبي خلاص