التوصيات و الحجوزات

لحظة اختي .. انتي ناوية تروحين سياحة والا دراسة؟
حسب علمي التوصيات ما تطلبها السفارات .. اللي تتطلبها هي الجامعات عند التقديم عليها.

أكيد بيسألونك وش ناوية تسوين بعد اللغة , اذا انتي ما عندك نية تكملين ماستر , فأذا التوصيات ممكن ما تكون في صالحك الا في حالة انها مكتوبة بطريقة تمتدح نشاطك وجديتك.

ترى نصف اللي ما يعطونهم فيزا يكونون مثل وضعك كذا, عندهم قبول لغة ولا يدرون وش يبون بالضبط.
بس يبون يروحون أمريكا بأي شكل .. وهذا أصلا الشي اللي حطوا المقابلة عشانة.

أهم شي تثبتين لهم جديتك وعزمك على العودة أول ما تنتهي مدة دراستك ويكون هدفك من دراسة اللغة واضح جدا ... يعني لو تقولينه لاي شخص يقتنع ويشجعك ... مثلا لان اللغة الانجليزية مطلب أساسي في مجال عملي وأنا أطمح أني أكون الأفضل عندما يتعلق الموضوع بالعمل من أجل بلدي.

وبعدين من أهم الأمور اللي يسألون عنها موضوع الضمان المالي. كيف بتدفعين ومن بيتحمل تكاليف الدراسة والاقامة والمعيشة.

أما الحجوزات فما راح يسألونك عنها لانه هم أصلا طالبين من الطلاب عدم البدأ في ترتيبات السفر الى أن تصدر الفيزا لانه في كثير من الأحيان تتأخر. اللي يمكن يسألونك عنه هو هل بتروحين للملحقية في واشنطون والسؤال هذا ممكن ما يكون مباشر بهالشكل لكن اللي عليك انك تكون الصورة لك انتي واضحة وتعرفين بالضبط اذا يسر الله لك وسافرتي وين بتروحين بالضبط وكيف خط الرحلة عشان تقدرين تجاوبين الأسئلة .

وبالنسبة لاستخراج فيزا طالب بدون ما تستخدمينها فهذا شي سلبي جدا وممكن جدأ انه يأثر على استخراج تأشيرة مستقبلا.
لانه في هالحالة الفيزا راح تلغى ويبقى مسجل عندهم ان سبق ان الغيت لك فيزا وبمجرد انه يظهر لهم في النظام ان الشخص هذا سبق ان الغيت له فيزا بيعقدون اجرائاتك مستقبلا لا في السفارة ولا حتى في المطارات.

أتمنى لك التوفيق

ما سألوني عنها، ولا شي لكن كانت معي وعطيتهم اياها "نفس التوصيات اللي معطينياها الجامعه لاكمال دراستي".

نفس وضعي، وأعتقد موجود هالسؤال بأحد الفورمات.. حطيت "NO" وبس ماقالوا اي شي

لأنه فعلاً ماحجزت ولا شي كيف احجز ولا ادري بتطلع فيزتي ولالا.. بيعقدون الفيزا علشان مامعي حجوزات؟ طبعاً لا

اذا انسأل هالسؤال يجاوب جواب دبلوماسي: صارت لي بعض الظروف العائلية ولا قدرت اروح.

موفقه..