ساعدوني في الجواز والفيزا

هلا اخوي
تغيير الشهادة اسهل من باقي الامور
وبالتوفيق يالغالي
ارجع الى مصدر الشهادة واطلب منهم ترتيب امورك

كيف اسمك في الجواز غلط ؟؟ يعني سبيلينق والا فيه فروق جوهرية .

عزيزي الصح هذا وين موجود اذا الجواز غلط والشهادة غلط .. هل يختلف الجواز عن الهوية الوطنية ؟

انا شهادتي من الوزاره يعني اروح للوزاره ولا كيف ؟

في الشهاده مكتوب اسمي صح ولكن تاريخ الميلاد غلط
في الجواز والفيزا مكتوب اسمي غلط ( زايد حرف في الاسبيلينق ) ولكن تاريخ الميلاد صح

فهل اغير الشهاده او الجواز ؟واذا غيرت الجواز هل تروح الفيزا ؟

والله الجواز تغييره مشكلة لانه أكيد بتروح عليك الفيزا ... تدرين انه لو تتأثر اي معلومة والا حتى الفيزا نفسها يجي عليها شوي موية خلاص تعتبر لاغية وتصبحين مطالبة باستصدار فيزا جديدة.

وبعدين انتي ياعزيزتي اذا كانت الفيزا اللي اصدرت لك فيزا طالب .. خلاص تجاوزتي المشكلة لانه التدقيق على الأوراق يكون قبل اصدار الفيزا.

اذا انتي ناوية على التغيير أنصحك بتغيير الشهادة خصوصا وان الاسم مافيه مشكلة بس فقط في تاريخ الميلاد .. لانه تغيير الجواز شغلتها شغلة.

بس عندي سؤال .. هل تغير التاريخ يوم او يومين والا الفرق كبير؟

تحياتي لك

الفيزا فيزة سياحه .

اذا غيرت الشهاده راح اغير الاسم والتاريخ عشان يكون مطابق للجواز بس ما ادري اذا الوزاره تسمح ولا لا ؟

و التاريخ الغلط فيه يوم واحد واكيد بيفرق لانه غير الجواز .

عزيزتي لازم تعلمين انك ما يسمح لك بدخول أمريكا للدراسة باستخدام فيزا سياحية لغرض الدراسة اذا كان هذا اللي انتي ناوية عليه ترا ممكن يصير لك مشكلة كبيرة هناك.

تغييرك للجواز يعني تغييرك للفيزا .. واذا كنتي ناوية على التقديم لفيزا دراسية فانصحك انك تكون جميع المعلومات الموجودة في جوازك متطابقة تماما مع الشهادات والوثائق.

أنا صراحة ما أدري هل اذا اصدرتي جواز جديد بيتركون هذا الجواز القديم كونه مختلف في البيانات معك
اذا كانت هذي هي الحالة ما عندك مشكلة كون فيزتك تبقى سارية المفعول بشرط انهم ما يخرمون لك صفحة الفيزا.

أتمنى اني أجبت على تساؤلك.

تحياتي لك

عارفه اني تعبتك معاي بس تحملني شوي وانا شااااكره لك

بس انت مافهمتني انا رايحه الصيف لامريكا سياحه عشان كذا انا ابغى الفيزا .

وان شاء الله راح اروح كندا اكمل دراستي ولكن لازم اني اطابق الجواز مع الشهاده عشان الابتعاث فاسمي في الجواز شكل وفي الشهاده شكل فايش اغير الشهاده او الجواز ؟؟ وكيف ؟؟ علما بان التاريخ الميلادي في الشهاده غلط ؟؟

عذرا يا أختي على تأخر الرد.

شوفي عزيزتي ... كون اسمك في الجواز خطأ ... والخطأ هذا صراحة ما أقدر أقيمه لانه زي ما أنتي عارفة أسمك في الجواز هو الاسم الرسمي المعتبر لك في جميع الأمور اللي تتطلب الاسم الانجليزي فقد يكون الخطأ أحد الحروف المتحركة والي ما تأثر كثير ... أو قد يكون حرف يؤدي الى تغيير الاسم بشكل كامل.

الشئ الأخر وهو الشهادة ... حسب وصفك الاسم مختلف تماما عن الجواز وكذلك تاريخ الميلاد وهو شي بالتأكيد يؤدي الى ابسط استنتاج بأن صاحب الشهادة غير صاحب الجواز لان الشهادة لا تحمل صورة. لكن ودي أعرف بالضبط وش اللي صاير وليش كذا أمورك ملخبطة ؟؟

هل انتي عندك هوية وطنية ؟ لانها هي المفروض المرجع الأساس للبيانات هذي.

عموما نصيحتي لك أختي انك تأخذين خط الشهادة لانه متعلق بجهه واحدة وفيه خطأين .. أما الجواز فحكايته حكايه ولا أنصحك تلخبطين نفسك وارضي بالاسم الموجود في الجواز وتعاملي على أساسه.

أتمنى اني أفدتك.