الأعضاء الإشتراك و التسجيل

الملتقيات
ADs

تعالوا شوفوا بسرعه وش حصل لي بالسفارة اليوم 22 أوقست .. رحت فيها

تعالوا شوفوا بسرعه وش حصل لي بالسفارة اليوم 22 أوقست .. رحت فيها


NOTICE

تنبيه: هذا الموضوع قديم. تم طرحه قبل 5332 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية بانوراما السعودية
    بانوراما السعودية

    مبتعث مستجد Freshman Member

    بانوراما السعودية الولايات المتحدة الأمريكية

    بانوراما السعودية , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى فيزياء , بجامعة الى الآن
    • الى الآن
    • فيزياء
    • ذكر
    • ؟؟؟؟؟؟؟؟, كاليفورنيا
    • السعودية
    • Jul 2009
    المزيدl

    August 22nd, 2009, 11:48 PM

    اهلا بالجميع ورمضان كريم وشهر مبارك
    وكــل عــام وأنـــتــــم بــخـــيـــر

    ماحصل لي بالسفارة الــيــوم ..

    أول ماجيتهم اعطوني رقم وجلست ساعه لين بغيت اطق .. وبعدين جاء رقمي ورحت للكاونتر وطلبت اوراقي وطابقتها ..

    وبعدين قالوا روح للصاله الثانيه عشان البصمات .. وجلست لين جاء رقمي مره ثانية وقمت سويت البصمات .. ورجعت جلست عشان المقابله

    والله ويلطعوني بساعتين ونص .. رقمي كان 80 والرقم في الشاشه تعداني ووصل 104 ’’ والله اني خفت وقلت شكل الموضوع فيه مشكله

    المهم جاء رقمي بعد تعب والله وأروح عند آخر شباك رقم 13 ’’ وأحصل موظفة بنيه حبوبه وأخلااااق والله .. قالت هات بصمة اصبعك الإبهام .. وسويتها

    وبعدين سألتني كم سؤال ( ليش بتسافر - أي ولايه بتروح - تعرف احد هناك - وين درست الثانويه - من المتكفل بدراستك - أين يشتغل والدك العزيز )

    المهم يوم غلقت وهي تجيني المصيبه الكبرى الله .. أعطتني ورقة زرقاء ومعها الجواز بداخلها ومكتوب بالورقه عنوان السفارة بالانترنت ورقم سري تقول هذا لك ..

    وقالت تبقى لديك اجراءات اداريه راح تستغرق عدة ايام .. قلت يعني ما بتاخذون الجواز : قالت لا .. قلت ليه ؟ قالت انت باقي لديك بعض الاجراءآت.. قلت طيب كم تستغرق - قالت: من 15 يوم الى 3 شهور

    ولكن أنت شيك على الموقع معنا بعد 15 يوم من الآن واذا حصلت رد ارسلنا جوازك .. وإذا ماجاك رد انتظر لين تنتهي 3 شهور وراجعنا أو أرسلنا ايميل


    تكفى يا إخوان بشروني وش ذا المصيبه اللي طحت فيها .. والله ان الأخلاق مقفله يمين بالله وشكل الأمور تعكست

    لاحول ولاقوة الا بالله
  2. السلام عليكم ورحمة الله ،، الشهر عليكم مبارك ،،

    اولا الحمدلله انك سويت اولى خطوات الابتعاث وطاحت بهمها .. ثانيا : عادي الي صار معاك ومافيه شي يخوف ،، زي ماهو مكتوب بالضبط في الورقة ، رقمك بعد كم يوم ينزل بالسيستم عندهم ثم تبدا تشيك عليه وان شا الله خلال اسبوع تقريبا بعدها ويطلبون جوازك صحيح فيه ناس خذو وقت اطول ..لكن اهم شي التفاؤل والدعاء بهالشهر الفضيل .
    ادخل الرابط http://www.mbt3th.us/vb/forum16/thread98536.html
    فيه معلومات عن ناس صار لهم مثلك وكم استغرقو على ما طلبت السفارة جوازاتهم ..

    دعواتي لك
    ahsan1
    7 "
  3. أخواني الله يعطيكم العافية جميعا على ردودكم اللي صراحة ارتحت لها

    والله يسر الأمور ان شاء الله لنا ولجميع اخواني أصحاب الأوراق الزرقاء ..

    الآن لي أسبووووع بالضبط وإسمي باقي مادخل بالسستم

    مانملك الا الدعاء والإنتظار .. دعوااااتكم
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.