LinkBack URL
About LinkBacks
مبررررررروك تستاهل..
أجل تقول هذي ورقة العمل(يعني انك موظف) خخخخخخخخ يعني نجحت خطتك اخيرا(تأليف ورقة عمل)
وبارك لي بعد انا توني طالع الساعه ١١ فالرياض،خذوا الجواز ودفعت رسوم الفيديكس ودراستي في ١٢اكتوبر
وأخيرا هم و أنزاح،،ومبروك مره ثانية واذا تبي مره ثالثة ماعندي مشكلة
7 " أجل تقول هذي ورقة العمل(يعني انك موظف) خخخخخخخخ يعني نجحت خطتك اخيرا(تأليف ورقة عمل)
وبارك لي بعد انا توني طالع الساعه ١١ فالرياض،خذوا الجواز ودفعت رسوم الفيديكس ودراستي في ١٢اكتوبر
وأخيرا هم و أنزاح،،ومبروك مره ثانية واذا تبي مره ثالثة ماعندي مشكلة
) وقال معك جواز مصري قلت لا وقال كيف لهجتك المصرية قلت تمام ^^ ... قال تقدر تقلب من سعودي لمصري على طول قلت افا عليك تبين اسولف مصري معك ضحك وقال انا احب مصر واهلها قلت ايه اهل مصر زاحفين 
وقام يطقطق بالكمبيوتر شوي ..
September 1st, 2009, 11:15 AM
كنت اقرا كثير مواضيع وردود عن مدى صعوبة المقابلة في القنصلية الامريكية في الظهران وهذا اللي خلاني اروح وانا ماسك قلبي
اول شي انا قدمت قبل اسبوعين بالرياض وقلت للقنصل اللي قابل معي اني عاطل لمدة سنة وهذا اللي اللي اتوقع انهم رفضو الفيزا عشانه .. مع انها عطتني ورقة صفرا بعد ما رفضت اخذ البيضا قالت لي جب ورقة ضمان مالي من وزارة التعليم العالي وارسله مع الجواز .. طبعاً على حسابي والوزارة ما راح تعطيني ورقة ..
المهم ..
نبدا من اول ما وصلت لمبنى القنصلية الساعة 7 صباحاً .. الامن سألنا قال لنا انتظرو الين 7.30 بعدين ندخلكم ..
دخلنا 7.30 وتفتيش عادي ما خذ ثواني .. بعدها دخلنا واخذت رقم وكان قدامي شخصين بس ..عدد المتواجدين كان قليل مقارنة بالرياض قبل اسبوعين .. تقريباً 25 شخص ..
جلست ومقابلتي كان الساعة 8 .. جت الساعة 8.14 نادو علي رقمي .. رحت شباك واحد وكانت اللي تقابلني بنت لبنانية قمة في الاخلاق .. سلمت وسألت عن احوالي وشافت الاوراق وقالت عندك سؤالين ما جاوبت عليهن .. قالتهن لي وعطيتها الاجابة وهي حطتها ما رجعت لي الاوراق .. بعدين قالت انتظر شوي راح نناديك مرة ثانية ..
جت الساعة 9 وعشر دقايق تقريباً ونادت على رقمي شباك اربعة رحت ابصم ورجعت ..
المهم الساعة 10 بالتمام القنصل نادى رقمي .. اول سؤال سألني قال وش الفرق بين اليوم وقبل اسبوعين .. طبعاً بسبب مقابلتي اللي راحت .. قلت الفرق انهم عطوني ورقة صفراء وقالو جب ورقة من التعليم العالي وانا بطلع على حسابي .. قال مو هذا اللي موجود عندي بالجهاز .. قلت الا معطيني ورقة قال ورني الورقة وعطيته واستغرب .. بعدين قعد يكتب بالكمبيوتر وسألني وش بدرس في امريكا وليه امريكا وليه المدينة هذي .. ليه عمك اللي بيصرف عليك مب ابوك .. وش وظيفته ومن هالكلام .. وسألني وين طلعت برا السعودية قلت له مصر والبحرين .. قال بس قلت ايه انا امي مصرية لذلك تشوف سنوياً اروح .. تغير وجهه يوم قلت امي مصرية وفق كشرته (في رواية ابتسم بقوة
بعدها عطاني ورقة وقال رح ادفع لفيديكس وانا لازم اراجع الحالة حقتك بتصل على السفارة في الرياض استفسر منهم .. قلت تبي ورقة العمل قال ما يحتاج قلت خذها هي اكيد السبب اللي عندك لاني المرة اللي راحت ما كان معي اوراق تثبت اني موظف عشان كذا قلت انا عاطل .. شافها وقال تمام خلاص انا براجعها وان شاء الله بنتصل عليك اول ما يجد جديد ..
بس رحت دفعت الـ 120 ريال لفيديكس وسألته كم يبغالها قال اسبوع الى اسبوعين قلت تمام وطلعت ..
طبعا الان تأكدت ان الكلام اللي ينقال كله تهاويل وبصراحة كل اللي قابلو معي الثلاث شبابيك كل واحد يفرض احترامه عليك غصب .. يعني اللي بالشرقية ويفكر يحجز بالرياض والا جدة لا تحجز خلك في ديرتك واهم شي اهممممم شي كمل اوراقك وخل كل شي تمام لانهم يحبون اللي يصير جاهز بكل شي ..
اول شي الحمدلله انهم اخذو الجواز يعني في امل ان شاء الله بالفيزا دامه بيراجع الحالة والجواز معه ^^..
ثانياً يا شباب ارجو انكم تطمنوني اذا احد صاارت له نفس المشكلة او حولها وعطوه الفيزا .. واللي ما عطوه الفيزا يعلمني بعد ..
لان دراستي تبدا في 12 اكتوبر ..
تحياتي لكم