سجلت بيوزر جديد (بنفس الاسم) وماقدرت اخذ موعد ... تكفون نبغي الحل

والله ماقدر جربت بيوزر جديد وان شاء الله ماراح اجرب يوزر جديد
لكن يمكن كان يبغاك تكنسل موعدك الاول الي فيه بياناتك الي قبل عشان يطلع لك جدول المواعيد
اعتقادي وان شاء الله يفيدونك الاخوان
انا حبيت ارد على حد علمي وارفع لك الموضوع

مشكور يالذيب على المشاركة ...
بغيت أقول اني حاولت ألغي موعدي حق الاحد الجاي ماقدرت وحتى باليوزر الجديد ماقدرت اخذ موعد اذا حاولت ادخل على صفحة المواعيد تجيني رسالة فيها IbIduplicte user ??
والله اني محتار ولا أدري وش اسوي ؟؟؟

انا ودي بس عرف شغله وحده الI20 جاي عن طريق اي شركه دي اتش ال ولا فيدكس
ولا ارامكس صدقني عندي احساس بيجيك قبل الموعد بس ابيك تتاكد من رقم التركنق نمبر ان حصلته تشوف شحنتك وين وصلت
ولا تدري علمني متى طلعت شحنتك من امريكا ونا بعطيك احتمالات عن التنقلات حقتها اجتهاد مني

يابعدي مشكور وماقصرت ... المشكلة ان الاي توني ماطلعوها الين الحين اتصالات وأخذ ورد انا واياهم لي شهر حسبي الله عليهم ولا شفنا شي ... طلبت منهم التراكينق نمبر قالوا الى الان اوراقك تحت التدقيق ولا خلصت ... والله حالة المشكلة الدراسة تبدأ في نوفمبر بس نقول ان شاء الله يرسلون الاي توني قريب ...

اتعبناك معنا يالذيب ومشكور على تفاعلك والله ييسر امرك ويوفقك

طيب عسى ماعطيت المعهد فلوس حقت التسجيل ان ماعطيتهم زين على زين ارسلك على معهد يحبه قلبك
قريب من واشنطن ويخلصون اجرئاتك بنفس اليوم انا من دفعت رسوم التسجيل حقت المعهد على طول جتني الرساله انهم سحبو المبلغ بنجاح وانهم اليوم يرسلون اوراقي وبكره تطلع من الولايه ويعطوني التركنق نمبر وفعلا من ارسلوه للدي اتش ال ارسلو لي الرقم
وهذا انا اتابع الشحنه من ولايه لولايه الى بريطانيا وراح لالمانيا وطلع الحين من المانيا
اذا تحب تخاطب هالمعهد صدقني قبول يجيك في خلال عشر ايام
بالنسبه لموعدك على حد علمي ماتقدر تكنسله ولا تقدر تغيره ويمكن خيره لك وان شاء الله انها خيره
ولكن بودي استفسر منك هل I20 الي جايك معهد وجامعه ولا بس معهد اذا معهد وجامعه خله على مكانه لاتغيره ومتى ماجاء جاء
والمعهد الي اقولك عليه انا بيجيك معه الايتوني ونت مايجي موعد السفاره باليوزر الجديد الا وانك مقدم قبول المعهد مع الايتوني وخل هذاك ياخذ مجراه لان فيه قبول جامعه تقدمه بكره للملحقيه
اتمنى وضحت الصورة

الحقيقة انا مادفعت شي لين الحين ... أنا معيد بالجامعة ومبتعثيني على معهد معين ... والضمان المالي موجه لنفس المعهد ... عشان كذا صعب اغير المعهد دون ماأرجع للجامعة عشان كذا انا بكرى رايح للجامعة وبكلمهم عن حكاية التأخر ذي واذا فيه امكانية لتغيير المعهد راح اخذ منك تفاصيل المعهد اللي انت قدمت عليه ...

مشكور يالذيب وماقصرت

حياااااااااااك الله وبالتوفيق ياخوي

يا اخي الكريم
انا كان موعدي في 13 سبتمبر ورحت و i 20 باقي ماوصلني رحت ومشت اجراءاتي تمام وسالوني وين i-20 قلتلهم باقي ماوصل بعدين عطوني الورقة الزرقاء وقالوا بعد اسبوعين شيك على الموقع واذا طلبنا منك اوراقك تروح عند فيديكس وترسل الاي تويني وجواز السفر و ايصال سداد رسوم السيفيس
نصيحة مني روح ولا تاخذ موعد ثاني ترا اذا مارحت احتمال كبير ماراح يعطونك موعد ثاني وتخش في مشكلة مالها حل خلك نظامي وروح على موعدك
نصيحة من مجرب

طيب اخوي بغيت اسألك الله يخليك انت قدمت على سفارة الرياض والا جدة ؟؟
وفيه سؤال ثاني اخوي انت سددت رسوم السفارة والسيفيس والا بس رسوم السفارة ؟؟
منتظر اجابتك على أحر من الجمر لأنك بكل صراحة غيرت رايي تماما ويبدو اني بكرى رايح للرياض ان شاء الله