مقابلتي اليووم 29 سبتمبر واللي صار معي ؟؟

ان شاء الله تجيك الفيزا , انا قبلك رحت السفارة الاثنين وجيت بدري مع ان موعدي الساعه 10 الصباح المهم بعد ما سويت الاجراءات اللازمة بالبدايه من تفتيش الى ان وصلت بالنهاية قبل موعد المقابله طولت واجد من جد طفشت و الحمد الله جاء دوري عند البنت المحجبة
تتكلم عربي مكسر بس محترمة وسالتني كم سؤال وقالت لي ان شاء الله امورك تمام بس فيه اجراءات روتينية طبيعية عطتني ورقة زرقاء
وفيه رقم قالت شيك عليه بعد اسبوعين من المقابله و ارسل جوازك الى عنوان السفاره بالرياض .

اللي ابي اعرفه ليه ما عطتني الكرت حق فيديكس اللي موجود هناك حولهم بنفس السفاره ؟ وفي نفس الوقت وش تفرق الورقه الزرقاء عن غيرها الصفراء والحمراء ؟!!

عموما الله يوفقنا جميعا و ييسر امورنا

والله ياخي انا ما ادري عن الاوراق الملونه هذي انا اخذت مني البنت هذا كوووول شي حتى جوازي وقالت روح ادفع للفيديكس والفيزا بعد اسبوعين تستلمها

ان شاء الله توصلك الفيزا خمس سنوا والله ييسرها لنا جميعا

الفيزا راح توصلك تطمن
الرفض والقبول يكون بالمقابله فوري
ان اخذو الجواز راح يعطوك
وان قالو لك ارسل الجواز هم راح يعطوك
لكن الا في حاله انهم يرفضو ويقولو لك انت ماتصلح حق دراسه او اسفين مانقدر نعطيك
وشكرا

على البركة والله يحقق لك ما تتمنى
اخوي انت متى حجزت؟ وكيف اعرف المواعيد المتاحة؟ وآخر سؤال الله لا يهينك ما هي الطلبات للحصول على التأشيرة؟

اتمنى اذا فيه روابط أو معلومات إضافية تفيدني ارجو التكرم بذكرها
بالتوفيق

الله يوفقك اخوي

بس بغيت اسأل وش اللي تدفعه للفيدكس

ووش نوع الاسئله اللي يسألونك اياها

وايش الاوراق اللي تاخذها معك وقت المقابله

والعذر والسموحه لاني كثرت بالاسئله

انا يا طويل العمر حجزت من شهر 5 ميلادي وكان موعدي في 29 /9 ، وتقدر تعرف المواعيد المتاحه اذا سجلت بيوزر جديد في موقع السفاره لطلب التأشيره ( طريقه سهله سجل وبتشوفها قدامك بالخطوات )

اما الطلبات :
1- ابلكيشن 156 و 157 و 158 للطالب
2- تسديد رسوم السيفس 200 دولار
3- اي توني من معهد او جامعه ( اللي هي قبولك في معهد او جامعه امريكيه ) يحتاج صوره فقط الاصل معاك
4- تسديد رسوم سامبا للتأشيره 498 ريال في البنك عادي تروح اي بنك سامبا وتقول بسدد رسوم السفاره .
5- ضماااان مالي ( كشف حساب 3 شهور أو شهاده بنكيه مبلغ يغطي فتره الدراسه )
6- ورقه الموعد تطبعها من النت وتاخذها معك .
7- جواز سفرك + صوره من الجواز ( اذا عندك جواز قديم جيبه معك )
8- شهاداتك ثانوي بكالوريوس جيب الصور فقط .

وبس ان شاء الله ما اكون نسيت شي ، ونصيحه صور كووووول شي معك وخله احتياط معاااك

موفق ....

اللي ادفعه للفيدكس هذا بعد المقابله في السفاره اذا اخذوا منك جواز السفر يعطوك وصل تعطيه لمكتب الفيدكس الموجود بالسفاره ( مكتب الفيدكس هو مكتب مراسلات بريد يعني زي البريد السعودي حقنا ) وتدفعي حق ارسال الجواز لك بعد اصدار الفيزا مقدم واذا طلت الفيزا يتصل الفيدكس عليك يقلك تعالوا استلموا الجواز .

والاسئله اللي يسئلوا عنها هي نفس الاسئله اللي راح تعبيها في الابلكيشن حق السفاره اللي هي
156 و157 و158 منها الاسئله .

والاوراق اللي تاخذيها معك وضحتها في ردي السابق .