LinkBack URL
About LinkBacks
الله يسهلك أمرك
ويكتبلك اللي فيه الخير
7 " ويكتبلك اللي فيه الخير
الحمدلله تمت المقابلة في السفارة الأمريكية
الحمدلله تمت المقابلة في السفارة الأمريكية
تنبيه: هذا الموضوع قديم. تم طرحه قبل 6308 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- مبروك على نجاح المقابلة .7 "
- 7 "كلي رجا ..
وش رايك يرسلون لك صورة من الخطاب بالفاكس مع باقه ورد
؟
إلا ما قلت لي الورد تبيه جوري ولا توليب ولا قريزانتي :123:: !!!
حبيبييييييييي كلي رجا .. أنقز الله لا يهينك وخل عنك الدلع ..
بكرى السبت رح لهم الساعه 1 بعد الظهر .. وقل لهم أبي نسخه من خطاب السفاره ..
وخلك لحوح .. لين تاخذ اللي تبيه .. أما مسألت أنك تنتظرهم يرسلون لك فاكس ..
أقولها لك وبالبلدي غني ياليييييييييييل ما أطولك .. و الله أن تمشي الايام ما شفت من وراهم شي ! ..
إلقط عمرك ويوم السبت رحلهم ولا ترجع إلا ونسخه من خطاب السفاره معاك ..
وإذا رحت لزامل قله يتم إرسال الايميل على بيان رقم كم ؟
لأن السفاره راح يسألونك كم رقم بيان الأيميل الصادر من الوزاره ؟
خذها نصيحه من أخو يبيلك المصلحه .. إلقط عمرك ورح للسفاره على رجولك ..
لو تدقها كعابي .. أهم شي تروح لهم ولا ترجع إلا ونسخه معك ولا ترى ما أظن بيمشي موضوعك ..
لما تروح عليك البعثه .. راح تلعن خامس الرسميات والبريستيج اللي مدري وش يبي !!أحس انها بايخه أروح للسفارة عشان آخذ صورة .. عشان كذا أنا أبي أكلمهم وأقولهم يرسلونها بالفاكس
:
وألـــــــــــــــــف مبروووووووووك مقدما ..
أتمنى لك التوفيق وبلغنا بمستجداتك أول بأول .. - 7 "كلي رجــــــــــــــــــــــــــــــــــــــــــــــــ ـــــا
صدق أنك رحت حافي للسفاره
إذا كـــــــــــــــــــــــــــــــــــــــــان صدق
عز الله أنك فشلتنا
بس مو مشكله يجي منك أكثر - خلاص شد حيلك..وحاول معاهم لين ما يعطوك صورة من خطاب السفارة...7 "
بالتوفيق يا رب - يعطيك العافيه يا ذيبان7 "
موضوع صراحه يحمس لروحه لسفاره
والف مبروك وعقبال ما تحجز تذاكر
انت قلت الله لا يهينك ان الامريكي دبس اوراقك مع الايصال
تسمح تعطينا فكره عن الايصال هذا
وشكرا مره اخرا >>> انت عاد قلتها مره اوله - 7 "موآآآدع
وياك يالغالي .. منور الموضوع
tom & jerry
الله يبارك بأيامك .. وشرفتنا
طالب التجارى
ما عندهم غير هالورد .. ؟! لأني مليت من كثر ما يرسلونه لي :005:
أوكي .. نروح ليش لا <--- أحس اني خلاص انجلدت
.. بس وين أروح بالضبط .. ؟ من وين أقدر أستفسر .. ؟
وبعدين دخلتنا متاهات الله يهديك .. وش بيانه بعد .. ؟
اللي أعرفه ان الوزارة يبون صورة للخطاب وخلاص .. تقوللي بيان ومدري ايش
خذها نصيحه من أخو يبيلك المصلحه .. إلقط عمرك ورح للسفاره على رجولك ..
لو تدقها كعابي .. أهم شي تروح لهم ولا ترجع إلا ونسخه معك ولا ترى ما أظن بيمشي موضوعك ..
هههههه .. شكلك عارف لهم وبقووة بعد :105:
لما تروح عليك البعثه .. راح تلعن خامس الرسميات والبريستيج اللي مدري وش يبي !!
بهذي صدقت .. <--- الولد مدلع نفسه :55:
والله يبارك لك يالغالي .. والله انك كذا :119:
أسعدني مروورك
تواضع خاص
ياخي هماهم يقولون ومن طلب العلى سهر الليالي <--- ولا مالها شغل ذي :121:
تسلم على هالطلة
مو مهم
لا يهمك .. خلاص أنا عقب كلام طالب .. عرفت ان الله حق
نورتينا
SAKHR
أنت الوحيد اللي رفع بي :29:
والله يبارك بك يالغلا
انت قلت الله لا يهينك ان الامريكي دبس اوراقك مع الايصال
لا أنا قلت مع الإيصالات <-- مسوي يحجر ::103:
ثلاث ايصالات .. ايصال دفع السيفس .. وإيصال الدفع عن طريق بنك سامبا .. وإيصال الدفع لموقع السفارة
واذا كان عندك أي استفسار .. لا يردك إلا كيبوردك
تشكرات للجميع
:98: - مبروووووووك الفيزا اخوي بس حرام عليك7 "
ماقلت الجوابين يعني قلت السؤالين بس الجوابين ماقلتها ياليت تعطينا الجوابين اللي جاوبتها ؟ - 7 "
الله يبارك بك .. غالي والطلب رخيص
السؤال الأول كان :
What do you intend to study after the English course ?
أنا قلت لها Finance
ردت علي :
Why did you choose this major ?
قلت لها Because I like to deal with money
فقالت وهي تضحك :
Who doesn't ?! <-- هذي برا الموضوع :107:
السؤال الثاني كان :
Why did you choose North Carolina ?
فقلت لها
Because I think it has few saudi studnts so I'll be able to practice English with native speakers much more than if it has many of saudis
قعدت تضحك <--- قلت لكم البنت فله :119: وكانت مستغربة من جوابي
بس .. هذي كانت الأسئلة وأجوبتها بالتفصيل الممل .. عاد الله الله بالانجليزي لحد يدقق
موفقين انشاءالله,,
:90:
January 18th, 2007, 01:30 PM
أخيرا .. وبعد طول انتظار .. والخوف والكوابيس والتوتر اللي لعبوا بي لعب .. من كثر ما أسمعه عن السفارة وتعاملهم
تمت المقابلة بنجاح .. بس كالعادة مهنا حظ .. لازم يصير فيه مشكلة .. ولو بسيطة
أقولكم السالفة
في عام 2007 .. وبالتحديد في السادس عشر من يناير <--- "في مثل هذا اليوم" على غفلة :74:
الزبدة يوم الثلاثاء اللي راح .. كان موعدي مع السفارة .. صحيت الساعة 6 .. ولقيت الوالدة الله يطول بعمرها مسوية لي ذاك الفطور اللي يحبه قلبك
خلصت مفطر وطلعت من البيت الساعة 6:30 .. تعرفون عاد زحمة الصباح مايحتاج
المشكلة خويكم ما يدل حي السفارات خير شر .. صرت أوقف الشعب أسألهم عند كل اشارة
ومنا ومناك .. إلين وصلت له بعد عناء الساعة 7 و 20 دقيقة .. وقفت عند التفتيش وسألته وين السفارة الأمريكية
قاللي ثالث دوار رح يمين وبعدين يجيك الدوار الرابع رح يسار .. وأول لفة يسار بتحصلها
سويت اللي قاللي .. ودخلت المواقف .. وإلا أشوف سيارات كثار .. وقفت سيارتي ولقيت واحد وقف بجنبي .. سألته : وين السفارة .. ؟ قاللي شفها هناك ورا .. وفعلا شفتها مشواار
الجو كان بارد برد قارس <-- متكلف الأخ على هالكلمة
رحت وأشوف شعب واقفين طابوور الله لا يوريكم زحمة .. وقفت وراهم .. ويلطعوننا ساعة بالضبط
برد ومطر وهوا .. الجو من جد فلة <--- ما كنه كان يرتجف :27:
دخلت بعد عناء البرد والزحمة .. للكاونتر عند ذاك الأسود .. وأخذ أوراقي وشيكهم .. ورجعم لي و قاللي ادخل
دخلت مع الباب .. ولقيت هالتفتيش الله لا يعيده .. ما بقى إلا ياخذون سروالي بعد .. كل شي فتشوه .. حتى الحزام
المهم .. بعد ما خلص التفتيش الأول .. أخيرا دخلت داخل المبنى أنواع الدفا
حصلت التفتيش الثاني .. وسووا لي نفس الأول .. وأول ما خلصت .. عطاني الهندي رقم .. وقاللي انتظر هنا
وكان الرقم 45 .. جلست أنتظر لين ما جا دوري .. عند الكاونتر رقم 1 .. لقيت ذاك الرجال مدري من وين .. أمريكي مدري عربي .. المهم انه يتكلم عربي مكسر .. قعدت أضحك عليه
أخذ أوراقي .. وشيك عليهم .. ودبس النماذج الثلاث مع الإيصالات .. وصفطهم مع النص وحط معهم الجواز وربطهم بمغاط
وقاللي رح للكاونتر رقم 3 وعطه أوراقك .. رحت وعطيته أوراقي .. وبعدين رجعت للهندي .. وعطاني رقم ثاني .. الرقم كان 439 .. وقاللي رح اجلس هناك .. بصالة مفتوحة فيها كاونترات من 4 إلى 13
أول ما جلست .. تقريبا كان فيه 8 كاونترات شغالة .. وشوي شوي إلا وأشوفهم يتقفلون .. إلين ما صار واحد شغال بس رقم 8 .. قهروني الصراحة .. فيه عالم واجدين .. كلهم على كاونتر واحد
واللي قهرني أكثر .. إنهم ما ينادون بالترتيب .. مررة طالعين فوق ومررة نازلين تحت .. إلين ما فرجها رب العالمين
وجا دوري .. طبعا عند كاونتر رقم 8 .. وألقى ذيك الأمريكية تقريبا في الثلاثينات .. وأطقها سواليف أنا وياها
تصدقون عاد سألتني سؤالين بس .. السؤال الأول كان ليش اخترت هالتخصص .. والسؤال الثاني ليش اخترت هالولاية
اللي لفت انتباهي انها كانت كل الوقت تضحك وتنكت بعد .. أنواع السواليف .. وناسة :29:
بعد ما خلصت .. وشفت ان الدعوى سهلة وكل شي تمام .. قالت لي فيه مشكلة بسيطة
وأنا على طوول صرت كذا :050103hm_prv:
قالت لي ان الوزارة .. ما أرسلوا لنا اسمك .. فعطتني ورقة صفرا كاتبه فيها :
Waiting on MOHE Verification <-- هي كاتبته باللون الأحمر:123::
وعطتني كرت صغير فيه رقم جوازي ,, وقالت لي اذا كنت تبي الفيزا تطلع بسرعة رح للوزارة الحين وخلهم يرسلون اسمك .. وتعال بعد اسبوعين عشان تاخذ فيزتك
أنا من الربكة والدوشة قلتها أنتي تامرين أمر .. وأطيير على الوزارة
رحت للوزارة .. ودخلت على مكتب هشام العمار .. قاللي أنا ما بيدي شي .. رح لزامل العثمان
رحت لزامل .. قاللي أبي صورة لخطاب السفارة .. عاد أنا ووجهي ما عندي صورة له .. والمشكلة ان خطاب السفارة عند السفارة .. أوراقي كلها عندهم .. فقاللي ما أقدر أسوي لك شي
رجعت للبيت وأنا مكشر .. أنواع الاحباط .. مدري وش أسوي الحين
كلمت السفارة ما ردوا علي
وش أسوي الحين .. ؟ أروح للسفارة يوم السبت .. ؟ وإذا رحت لمهم لازم أصف طابور مع الزحمة .. ولا أقدر أدخل على طوول .. ؟
أحس انها بايخه أروح للسفارة عشان آخذ صورة .. عشان كذا أنا أبي أكلمهم وأقولهم يرسلونها بالفاكس
وأشكر كل من مر على موضوعي .. وآسف جدا على الاطالة
بس حبيت أوصف تجربتي بشوية تفاصيل
ويعطيكم العافية جميعا
:90: