مقابلتي الفاشلة في السفارة ( عمّان)

January 18th, 2007, 06:29 PM

السلام عليكم شباب ,, كيف حالكم

عندي أخبار موزينة ,, اليوم الصبح رحت السفارة وانا مستانس والأبتسامة على عرض وجهي

ونادتني هذيك المرة العجوز الي ماهي عارفة تقول اسمي

قالت لي حط صبحك في الضوء الأحمر وحطيته ,,

اول سؤال سئلتني من متى تخرجت من الثانوية ,, قلت لها من ثلاث سنوات ,, وش كنت تسوي من ثلاث سنوات قلت لها إني ادرس في جامعة اليرموك وهذا إثبات على هالشي

طبعا اهي تتكلم إنجليزي ولا تعرف ولا كلمة عربي وانا ماعرف ارد عليها بالانجليزي زين ,, يعني افهم لها بس ماعرف ارد عليها ,, قلت لها ممكن تتكلمين عربي قالت لي ماقدر اساعدك في هالشي

سئلتني ليش تبي تدرس انجليزي ,, قلت لها لأني محتاج اللغة في دراستي ,, وانا ضعيف في الانجليزي

وبعدين سئلتني من الي راح يدفع لك ؟؟ قلت لها الوالد ,,

قالت لي وين يشتغل ابوك قلت لها في ارامكو ,, وعطيتها الضمان المالي مع شهادة تعريفية براتب الوالد من ارامكو

شوي وراحت ولما رجعت عطتني الجواز وورقة ,, والورقة مكتوب فيها انت غير مؤهل حسب البند 214 للذهاب إلى أمريكا

يعني ماقالت لي شنو مشكلتي ,, ورفضتني بدون اي سبب

وأنا اوراقي كاملة

فياريت من الأخوان يفيدوني إذا كان ردي لهم فيه شي غلط أو لا حق اتجنبه في مقابلتي في سفارة الرياض

وتحياتي

• نشر عبر تويتر
• نشر عبر فيسبوك
• نشر عبر جوجل