عاجل سنتين وانا انتظر الفيزا وبالخير شوفو اللى صار يافرحه ماتمت فزعتكم ياجماعه الخير

October 17th, 2009, 10:01 PM

السلام عليكم

كيفكم ياجماعه الخير ان شاء الله كلكم بخير

وش ذا الوهقه اللى صارت وش ذا الحظ اللى مو راضى يضبط على امريكا بقول لكم السالفه وقولى لى الحل من له خبره فى الموضوع ؟؟ طبعا انا قصتى قصه بس ابشرو بقول لكم القصه اذا وصلت الى امريكا ..


انا الحين لى تقريبا اكثر من سنيتن من جيت من امريكا اجدد الفيزا وانا انتظر الفيزا وماعطونى خبر قالو لى انتظر وراح نتصل عليك المهم انتظرت وكل مره اراجع وارسل ايميلات ولا فى فايده قلت ياولد اتكل على الله بس وتزوج وامر الله بهوووون

المهم تزوجت وصرت انتظر والفيزا ولا فى خبر عن موضوعى هل بتصدر لى فيزا او لا ماعندهم شغل السفاره بس اذا رحت لهم يقلون لى جيب قبول جديد وراح نتصل عليك... وماعندى شغل الا ااجدد الاى تونى ..

المهم بفضل من الله سبحانه بعد انتظار سنتين وانا رايح وجاى وياهم تعبت دائم يقلون لى شيك على الموقع ونفيدك واشيك على الموقع مكتوب فى الموقع راجع بعد 182 يوم ومن ذا الكلام صرت كل فتره اشيك ماتغيرت اتصل بعد ماطفح الكيل الف مره واذا الف مره شوى وبالاخير رد على شخص يقول لى فيزتك موجوده ولها فتره ليه هم مااتصلو عليك .. هنا الصفعه اللى صارت لى يعنى اراسلكم ايميلات واشيك على الموقع ودائم يقولون لى انتظر وفى الاخير يقول لى فيزتك موجوده من زمان؟؟

يعنى ياجماعه لاتعتمدون على الموقع ترانى مجرب

انا مصدق مكذب بعد طول الانتظار وقال لى جيب لك اى تونى جديد ويالله ارسله مع الجواز نعطيك الفيزا قلت ياولد جاك الفرج بعد طول انتظار وسويت موعد عاجل لزوجتى وان دراستى راح تبدء قريب والحمد لله عطونى موعد بعد اسبوعين واخذت المدام ورحنا سوينا المقابله ..والحمد لله قالو لها بنرسل لك الجواز بعد اسبوع مع الفيزا والحمد لله عطونى الفيزا وزوجتى عوها الفيزا لكن .... الفرحه بالفيزا تبخرت اقول لكم ليه

زوجتى كانت حامل وولدت بعد الحصول على الفيزا وجابت لنا بنوته وش حلاتها ( هذا احلى شى صار بعد هم الفيزا )
المهم يعنى مااقدر اسافر الين اطلع للبنوته فيزا ... يالحظ ماطلعت امريكيه وجابتها هناك

المهم فى بدايه رمضان كانت زوجة اخوى عندها مقابله وقلت ياولد روح وياها وشوف وش يبغون للبنوته على اساس اقدم لها على فيزا والحمد لله من غير موعد للبنوته دخلت مع زوجة اخوى وقالو وقدمت طلب للبنوته وقالو لى خلاص ارسل جوازها بالفدكس وجيب الاوراق من الجامعه لانى جايب كل الاوراق المهم اللى ناقص الورقه من الجامعه على اساس تكون مرافقه وسحبت عليهم ولى الحين اكثر من شهرين وانا ..........انتظر شوفو عاد وش انتظر المفاجئه

هنــــــــــــــــــــــــــــــــــــــــــــــــ ـا المشكـــــــــــــــــــــــــــــــــــــله

كلمت الجامعه على اساس يرسلون لى اى تونى جديد وكل شى جديد فرحان ويرسلون لزوجتى والبنوته اتفاجئ يقول لى مراح نعطيك خلاص انت كل مره تقول راح تجى ولا تجى ولك سنتين وانت ماجيب بالرغم انى درست فيها الجامعه سنه لكن وش اسوى هذا الحظ اللى صار وحاولنا وياهم مو راضين يعنى ماتنفع واسطه ولا شى ليه ماادرى اقول له يابن الحلال لى سنتين انا انتظر والحين يوم طلعت الفيزا تقول لى ذا الكلام قال لك خلاص شوف لك جامعه ثانيه وفكنا بالعربى


المهم الحين وش اسوى ياجماعه الخير انا خلاص قررت اسوى موعد جديد بالسفاره الامريكيه واتوكل على الله على اساس يغيرون لى الجامعه هذا الحل اللى اشوفه مافى حل ثانى ..مااقدر ادخل امريكا ومو راسلين لى الجامعه للبنوته وش اسوى ..
وانا الحين جبت لى قبول من جامعه ثانيه بس باقى الاجرائات حق تغيير الفيزا

هل يوجد ياجماعه الخير حل ثانى ..؟؟
وهل خلاص احجز موعد اجيب لى قبول وكل شى ويبغون ضمان مالى بعد وكل شى ولا ايش ؟؟
وايضا وش المطلوب على اساس اسوى المقابله هل خلاص يعنى اسوى طلب من جديد نفس اول ولا فى اجرائات ثانيه اسويها لتغيير الجامعه فقط يعنى وش الحل الحين من عنده افكار جهنميه واجوبه لهذه الامور لايبخل علينا والاجر عند الله سبحانه وتعالى





ياليت احد يفيدنى بجواب وافى


والله يكتب مافيه الخير

• نشر عبر تويتر
• نشر عبر فيسبوك
• نشر عبر جوجل