ألوان كروت السفاره

ههههههههههههههه يمين بالله ان مخي انلحس وانا اقرى الموضوع ..
مادري هو سؤال او دعوه بالتوفيق .. :$ بدايته على شكل سؤال ونهايته دربكم خضر <_ بينجلد ..

امزح معك اخوي العزيز ..

انا بعلمك ..
اذا سوت لك مقابله هذيك .. وعطتك كرت ازرق وقالت خذ الكرت ورح لمكتب فيديكس سدد رسوم 65 معناه انه انتظر اسبوع وتتابع بموقع فيديكس برقم الإرساليه ويرجعون جوازك اللي اخذوه بالمقابله ..

اذا عطوك ورقه زرقاء.. (فرق بين الكرت الأزرق والورقه الزرقاء) .. الورقه الزرقا يعني تابعنا بالموقع حقنا لين تطلع لك عباره ارسل لنا جوازك.. وهذي مشكله فيه ناس جلسو 300 يوم ماجاهم كلمة ارسل لنا جوازك وفيه ناس 70 يوم وفيه 130 يوم حسب مزاج السفاره واحيان يطلبون مع الورقه الزرقاء بيان من المباحث مادري وش يسمونه بيان الظاهر بالسوابق ..

الورقه الصفراء يعني انه فيه عندك نقص بأوراقك .. كمل النقص وأرسل النواقص مع الجواز بالفيديكس على بريدنا ويرجع لك الجواز مفيز بعد اسبوع ..

هذا اللي اعرفه ..

وعموماً موفق خير يالحسة مخ <_ بينجلد

طيب الي عطوه كرت فيديكس صغير وقالو بيجيك الجواز عقب اسبوع تقريبا ؟؟
ومر اسبوع ما جاني شيء وراسلتهم وقالو (( You need to wait , it is under processing ))

في الورقه يقولون اذا تأخر عن 3 اسابيع .. راسلنا على الايميل ..

انت اذا تم المده اللي هم قايلين راسلهم على الايميل حقهم
واصلاً فيديكس يعطيك رقم ارساليه ..
خذه وأدخله بموقع فيديكس وتعلمك مسار شحنتك وش صار عليها ..

طيب ياشباب والي يدخل موقع الفيدكس ويطلع له نوت فاوند وش السواة؟

يعني انه للحين ما أنرسل من عندهم .. انتظر لين يرسلونه ويسجلونه ..
يعني بالعربي ماخلصو منه توهم يزبطون ويلمعون بجوازك

ياخي خووفك يجي من غيرها ولا يتأخررر

هم كاتبين انه مايتعدى 3 اسابيع وان تعدى راسلنا <_ راسلهم هم مهوب تراسلني انا

بس عادةً يجي بالضبط بعد اسبوع .. يعني تعطيهم الثلاثاء يجيك بعد اسبوع الثلاثاء الجاي ..

لاتخاف مستحيل يرجعونه بدون الجواز .. دلاخه بهم ؟ لا صدقني بيجيك

لاتصير مثلي .. يوم جا جوازي بديت ادور الفيزا بالجواز مالقيته يوم ضاق صدري وادق على واحد من العيال قلت جان الجواز مابه فيزا شكلهم شوتوني :_( ..

قال افتح الصفحات وحده وحده ..
يوم فتحت آخر الجواز لقيت خشتي مرزوزه مع الخمس سنين .. وقفت بنص الخط وقمت ارقص رقصة لاعبين الكوره وركبت السياره حسيت ان خلق الله تناظر <_ بينجلد

ترى استهبل بس بوسع صدرك ياخلفهم

لايضيق صدرك ان شاء الله خمس سنين

ان شاء الله ,,

عقبالنا الخمس سنين ,,

<< خل الفيزا تطلع بس وبعدين نشوف ..

>> طيب انت روح المقابلة اول بعدين تكلــم

اذا اتغيرت الحالة في موقع الفيدكس معناته وصل جوازك انت شيك كل يومين على الموقع انا الفيدكس ما رسلولي رسالة شيكت في الموقع حقهم لقيته اتغير على طول رحتلهم واستلمت الجواز ومعاه الفيزا 5 سنوات