May 2nd, 2006, 08:07 PM
انا لله وانا اليه راجعون
احسن الله عزائي :gr_896:
اليوم صارت عندي عملية انتكاسة من النخب الاول
شعور الانتكاسة شعوووووور يحسسك بطعم الغبن والقهر مع نكهة التعاسة .....!!
بس الواحد اذا اصيب بهذا الشعور فليقل صبر جميل والله المستعان
بعد مادقيت سلف للفورد ودزيتها الساعة 3 الفجر من الظهران متجه للرياض (حي السفارات بالتحديد)
حيث كان موعدي للمقابلة هناك في تمام الساعة السابعة
وصلت الرياض وبحمد الله الساعة 6 فجرا وكنت ولم تاتي الساعة 6 و 40 دقيقة الا انا السهم الاوسط من مدخل السفارة الامريكية وصفطت في المواقف واخذت اوراقي وكلي تفائل ودحدرت الين ما صفيت بالسرى وما هي الا ساعة ونص الا نادى المنادي بان اتفضل مشكورا الى غرفة التشييك لكي يتم التاكد من ان موعدي في هذا اليوم وصودر مني الجوال ودخلت بهو السفارة مجتازا التفتيش من قبل تلك العجوز الشامية واذ بذاك العسكري يحمل سلاح لو نتفك به لقلت (أي يوجع) وتخر صريعا بعدها .... ...... اجتزت التفتيش الثاني بسلام واتجهت عبر الممر المؤدي الى الكاونترات لكي اخذ رقم فقال لي الهندي المسؤول عن ترتيب السرى اذهب الى الكاونتر رقم 8 فذهبت وسلمت اوراقي الى الموظف ليتم التشييك عليها وقال لي اذهب للكاونتر 3 وذهبت هناك لكي يتم هز ميزانيتك بـ 380 ريال وانت لاترى الدرب ... فدفعت واعطاني رقم (كان 17) وذهبت الى صالة الانتظار منتظرا البوق ليصدر صوتا معلناً بـ ان صاحب الرقم 17 اللي هو انا قد حان الوقت لاجراء المقابلة معه وفعلا ما هي الا دقائق وصاح الصياح (الجهاز اللي يطلع صوت (طون طين) وبجنبه رقمك يلالي ) وذهبت وكلي ثقة وكان الكاونتر رقم 6 على ما اعتقد واذ بذلك الكافر اللعين ينتظرني ليحسم الامر........ قلت قود مورننق قال وهو كذلك (بالانقلش طبعا) واعطيته الاوراق؟
************************************************** **********
(حتى تكونون بالصورة وتفهمون الموضوع كويس وتشوفون وشلون المعاناة) :
انا عندي القبول من جامعة كانسس بولاية كانسس بمدينة لورنس وكان القبول بتخصص Liberal Arts & Sciences >>>>> فنون أدبية و علوم او العلوم الانسانية او ما ادري وش معنى امه لاني ماكنت ابي هذا التخصص حيث اني قدمت على هندسة كمبيوتر وللمعلومية انا ادرس حاليا بجامعة الملك فهد (هندسة كمبيوتر) فابي احول تحويل يعني كـ Transfer student فجامعة كانسس حسبت لي المعدل بطريقتها وفقا للساعات اللي عادلوها لي وطلع المعدل اقل من 2,75 من اصل 4 وهذا ما يحقق شرط دخولي لكلية هندسة الحاسب في كانسس فـ اعطوني قبول على التخصص Liberal Arts & Sciences وقالوا اذا جبت لنا الترنسكربت الجديد حق الترم هذا وكان معدلك فوق المعدل المطلوب راح تدخل كلية هندسة الحاسب . انا قلت مهي مشكلة لاني ان شاء الله اقدر احقق هالشرط وحسبت ان الامور سهالات
********************************************
نرجع حق محور حديثنا :
قال : لاي ولاية راح تروح
قلت : كذا كذا
وسكت شوي وقعد يقلب بالاوراق ... طبعا انا من شفته كذا قلت الين اني ابي اجيب العيد
قال : وش تتبي تدرس (وهنا تكمن الطامة) وانا انسى اسم التخصص لاني ما اهتميت فيه واذكر اني قبل فترة ترجمت معناه وطلع العلوم الانسانية ومع الوقت تلاشت هذه المعلومة لكن قلت ياولد الشباب يقولون اياني واياك الكذب قلت ابي اقول لهم السالفة (سالفة القبول بهذا التخصص من كانسس)احسب انهم يتفاهمون
تدرون وش قلت يوم سالني وش تبي تدرس...... حست ام الاسم حق التخصص
قلت Litrere arts & sciences (جبت العيد رقم 1)
قال: وشلون وش قلت لي اسم تخصصك
قلت : ونطقت الاسم بشكل سريع حتى يمشي السالفة
قال : اقين اقين قلت بقلبي الله يلعنك ويلعن ساعتك الساعة
وراح وجاب له وحدة اردنية وقال لها قولي له وشو تخصصه وهو بحالة ضجر
انا قلت ممتاز الحين اشرح لهذي السالفة كلها .... لكن احسب انها عونه طلعت فرعونه (من ابيه عون طلع فرعون)
المهم قالت لي وشتبي تدرس بامريكا قلت لها - طبعا على معلومتي السابقة اللي بعد ترجمة اسم التخصص اللعين هذا اللي هو العلوم الانسانية - الحقـــــــوق الانسانية (وجبت العيد رقم 2)
قلت بس خليني اشرح لك السالفة ليه تخصصي صار كذا ... انا قدمت على كانسس على ساس هندسة كمبيوتر بس قبلوني بالتخصص هذا فترة مؤقته .... الخ .
تدرون وش قالت ....؟! قالت وهي معصبة وبصوت عالي احنا مالناش دعوة بنواياك بس قل لنا انت وش تبي تدرس بامريكا قلت وبحالة فقدان للامل الحقـــــــوق الانسانية
قالت له Human Rights يعني الحقوق الانسانية وراحت ..... هو طلعت فوق راسه علامة استفهام صفرا :gr_907: وتدور وبجنبها علامة تعجب .... قال هذا لو نبي نعطيه فيزا يبي يجيب العيد رقم 3 بامريكا ..... وانا والله ما عندك احد (برحة) يعني على نياتي .......وهو ينتفني بذيك الاسئلة وقال هل عمرك انضميت لمنظمات ارهابية قلت لا اعوذ بالله ....اخذ شوي وسالني سوال بطريقة سريعة ما قدرت افهم ولا كلمة قلت له اعد السوال واعاده وكذلك مافهمت وش قال هالحقير .. يبي يلحس مخي ... انا شكلي صار نفس هذا :gr_908: .... وراح وجاب له واحد الظاهر انه اردني او فلسطيني قال ترجم لهالعلة هذا والموظفين اللي داخل يضحكون قال انت عمرك اشتركت بجمعيات خيرية او شي زي كذا ... قلت معاذ الله ... ابي الفكة بالعربي خفت اقول ايه اطيح بدوامة ثانية .... راح الاردني ..... قال اقول قلت هاه ... قال عمرك رحت لايران قلت نو نو نو قال عمرك رحت للعراق قلت نو نو نو قال عمرك رحت لسوريا قلت نو نو نو
(يوم اندبلت تسبده قال اقول اقلب وجهك ولاتشوفك عيني توطوط على باب السفارة مرة ثانية ..انا تساوت عندي الشغلة ... قلت ماتخسي يالعاقب لا انت ولا عشرة من امثالك يطلعني من السفارة قال تهزبني يعني تحداني قلت اللي ما تطوله بيديك وصله برجليك و الوعد بالثمامة قال قدام ونروح هناك ... كل المراجعين طلعوا من السفارة ولحقونا يبون يشوفون من اللي يفلج يعني يفوز ... وانا افتح الشنطة واطلع العجرا وكاتب عليها صرخة قلت يالله اذا كان بك خير ابيك تنطق بكلمة قال يابن الحلال هونها وتهون واللي فات مات وما يصير الا اللي يرضيك والجمهور (المراجعين) يشجع .... بتحبوا مين ..القايد ... صاحب الملايين -الفقرين- ... القايد .... المهم انا يوم شفته بلع العافية تعوذت من الشيطان وقلت يالله اسبقني للسفارة وضبط اوراقي وطلع الفيزا وجبها لي للظهران انا ابي امشي الحين واياني واياك يجي الليل وما تجيبها لي ... قال ابشر ابشر ما يصير خاطرك الا طيب بس انت عين خير ) (((استطراد)))
ياجماعة اعذروني على هالسحبة الغلط هذي لاني يوم ضاقت بي يوم حسيت ان فيزا ما فيه ..... تخيلت الوضع هذا
نرجع لسالفتنا
راح وجاب ورقة بيضا وختم عليها وقال امسك فيزا ما فيه مار الحق نفسك ورح قدم من اول جديد واذا جيت مرة ثانية حدد امورك وخلك واضح .... انا من هول الصدمة قلت بكل برودة اوكي ماعندي مشكلة ...وانا كل المشاكل فوق راسي .. فيه استفسار .. قال اخلص وش تبي قلت يعني اقدم على موعد على السفارة من اول وجديد قال ايه قلت طيب وبكل براءة ... بس تاخذ ثلاث او اربع شهوووووووووور قال عاد وش اسويلك ...طيب والاوراق هاتها قال لا هذي عندنا واذا جيت مرة ثانسة جب معك الورقة البيضا .... وانسحبت من منطقة الكاونترات بكل سلاسة وهدوء مع ابتسامة خفيفة واللي يشوفني يقول يا حظه اخذ فيزا وانا الفيزات (الفيوزات ) طقت عندي وصرت كالمعتوه امشي والابتسامة ما فراقت شفتاي ... واطلع برا ولقيت كم واحد وقلت وش سويتوا قالوا الحمد لله خلصنا وقالوا تعالوا الاسبوع الجاي خوذوا الفيزا ... قلت الله يوفقكم
ووينك يالمواقف ودق سلف الفورد وللشرقية
الحمد لله على كل حال نقول عساها خيرة
اخ والله ما ادري انا اقدم من اول جديد بس والله يا انها ملل
والموعد اكيد من ثلاث شهور وانت طالع ودفع رسوم سيفز جديد و اي-تونتي جديد و دفع 380 ريال جديدة ولعنة خيّر جديدة
ياسيدي خليها على الله
وعسى ان تكرهوا شيئا وهو خير لكم
وختاما اسالك الله لكم التوفيق والسداد في دنياكم واخرتكم
واسف على الاطالة
تحياتي للجميع / القايد
LinkBack URL
About LinkBacks
May 2nd, 2006, 08:07 PM
انا لله وانا اليه راجعوناحسن الله عزائي :gr_896:
اليوم صارت عندي عملية انتكاسة من النخب الاول
شعور الانتكاسة شعوووووور يحسسك بطعم الغبن والقهر مع نكهة التعاسة .....!!
بس الواحد اذا اصيب بهذا الشعور فليقل صبر جميل والله المستعان
بعد مادقيت سلف للفورد ودزيتها الساعة 3 الفجر من الظهران متجه للرياض (حي السفارات بالتحديد)
حيث كان موعدي للمقابلة هناك في تمام الساعة السابعة
وصلت الرياض وبحمد الله الساعة 6 فجرا وكنت ولم تاتي الساعة 6 و 40 دقيقة الا انا السهم الاوسط من مدخل السفارة الامريكية وصفطت في المواقف واخذت اوراقي وكلي تفائل ودحدرت الين ما صفيت بالسرى وما هي الا ساعة ونص الا نادى المنادي بان اتفضل مشكورا الى غرفة التشييك لكي يتم التاكد من ان موعدي في هذا اليوم وصودر مني الجوال ودخلت بهو السفارة مجتازا التفتيش من قبل تلك العجوز الشامية واذ بذاك العسكري يحمل سلاح لو نتفك به لقلت (أي يوجع) وتخر صريعا بعدها .... ...... اجتزت التفتيش الثاني بسلام واتجهت عبر الممر المؤدي الى الكاونترات لكي اخذ رقم فقال لي الهندي المسؤول عن ترتيب السرى اذهب الى الكاونتر رقم 8 فذهبت وسلمت اوراقي الى الموظف ليتم التشييك عليها وقال لي اذهب للكاونتر 3 وذهبت هناك لكي يتم هز ميزانيتك بـ 380 ريال وانت لاترى الدرب ... فدفعت واعطاني رقم (كان 17) وذهبت الى صالة الانتظار منتظرا البوق ليصدر صوتا معلناً بـ ان صاحب الرقم 17 اللي هو انا قد حان الوقت لاجراء المقابلة معه وفعلا ما هي الا دقائق وصاح الصياح (الجهاز اللي يطلع صوت (طون طين) وبجنبه رقمك يلالي ) وذهبت وكلي ثقة وكان الكاونتر رقم 6 على ما اعتقد واذ بذلك الكافر اللعين ينتظرني ليحسم الامر........ قلت قود مورننق قال وهو كذلك (بالانقلش طبعا) واعطيته الاوراق؟
************************************************** **********
(حتى تكونون بالصورة وتفهمون الموضوع كويس وتشوفون وشلون المعاناة) :
انا عندي القبول من جامعة كانسس بولاية كانسس بمدينة لورنس وكان القبول بتخصص Liberal Arts & Sciences >>>>> فنون أدبية و علوم او العلوم الانسانية او ما ادري وش معنى امه لاني ماكنت ابي هذا التخصص حيث اني قدمت على هندسة كمبيوتر وللمعلومية انا ادرس حاليا بجامعة الملك فهد (هندسة كمبيوتر) فابي احول تحويل يعني كـ Transfer student فجامعة كانسس حسبت لي المعدل بطريقتها وفقا للساعات اللي عادلوها لي وطلع المعدل اقل من 2,75 من اصل 4 وهذا ما يحقق شرط دخولي لكلية هندسة الحاسب في كانسس فـ اعطوني قبول على التخصص Liberal Arts & Sciences وقالوا اذا جبت لنا الترنسكربت الجديد حق الترم هذا وكان معدلك فوق المعدل المطلوب راح تدخل كلية هندسة الحاسب . انا قلت مهي مشكلة لاني ان شاء الله اقدر احقق هالشرط وحسبت ان الامور سهالات
********************************************
نرجع حق محور حديثنا :
قال : لاي ولاية راح تروح
قلت : كذا كذا
وسكت شوي وقعد يقلب بالاوراق ... طبعا انا من شفته كذا قلت الين اني ابي اجيب العيد
قال : وش تتبي تدرس (وهنا تكمن الطامة) وانا انسى اسم التخصص لاني ما اهتميت فيه واذكر اني قبل فترة ترجمت معناه وطلع العلوم الانسانية ومع الوقت تلاشت هذه المعلومة لكن قلت ياولد الشباب يقولون اياني واياك الكذب قلت ابي اقول لهم السالفة (سالفة القبول بهذا التخصص من كانسس)احسب انهم يتفاهمون
تدرون وش قلت يوم سالني وش تبي تدرس...... حست ام الاسم حق التخصص
قلت Litrere arts & sciences (جبت العيد رقم 1)
قال: وشلون وش قلت لي اسم تخصصك
قلت : ونطقت الاسم بشكل سريع حتى يمشي السالفة
قال : اقين اقين قلت بقلبي الله يلعنك ويلعن ساعتك الساعة
وراح وجاب له وحدة اردنية وقال لها قولي له وشو تخصصه وهو بحالة ضجر
انا قلت ممتاز الحين اشرح لهذي السالفة كلها .... لكن احسب انها عونه طلعت فرعونه (من ابيه عون طلع فرعون)
المهم قالت لي وشتبي تدرس بامريكا قلت لها - طبعا على معلومتي السابقة اللي بعد ترجمة اسم التخصص اللعين هذا اللي هو العلوم الانسانية - الحقـــــــوق الانسانية (وجبت العيد رقم 2)
قلت بس خليني اشرح لك السالفة ليه تخصصي صار كذا ... انا قدمت على كانسس على ساس هندسة كمبيوتر بس قبلوني بالتخصص هذا فترة مؤقته .... الخ .
تدرون وش قالت ....؟! قالت وهي معصبة وبصوت عالي احنا مالناش دعوة بنواياك بس قل لنا انت وش تبي تدرس بامريكا قلت وبحالة فقدان للامل الحقـــــــوق الانسانية
قالت له Human Rights يعني الحقوق الانسانية وراحت ..... هو طلعت فوق راسه علامة استفهام صفرا :gr_907: وتدور وبجنبها علامة تعجب .... قال هذا لو نبي نعطيه فيزا يبي يجيب العيد رقم 3 بامريكا ..... وانا والله ما عندك احد (برحة) يعني على نياتي .......وهو ينتفني بذيك الاسئلة وقال هل عمرك انضميت لمنظمات ارهابية قلت لا اعوذ بالله ....اخذ شوي وسالني سوال بطريقة سريعة ما قدرت افهم ولا كلمة قلت له اعد السوال واعاده وكذلك مافهمت وش قال هالحقير .. يبي يلحس مخي ... انا شكلي صار نفس هذا :gr_908: .... وراح وجاب له واحد الظاهر انه اردني او فلسطيني قال ترجم لهالعلة هذا والموظفين اللي داخل يضحكون قال انت عمرك اشتركت بجمعيات خيرية او شي زي كذا ... قلت معاذ الله ... ابي الفكة بالعربي خفت اقول ايه اطيح بدوامة ثانية .... راح الاردني ..... قال اقول قلت هاه ... قال عمرك رحت لايران قلت نو نو نو قال عمرك رحت للعراق قلت نو نو نو قال عمرك رحت لسوريا قلت نو نو نو
(يوم اندبلت تسبده قال اقول اقلب وجهك ولاتشوفك عيني توطوط على باب السفارة مرة ثانية ..انا تساوت عندي الشغلة ... قلت ماتخسي يالعاقب لا انت ولا عشرة من امثالك يطلعني من السفارة قال تهزبني يعني تحداني قلت اللي ما تطوله بيديك وصله برجليك و الوعد بالثمامة قال قدام ونروح هناك ... كل المراجعين طلعوا من السفارة ولحقونا يبون يشوفون من اللي يفلج يعني يفوز ... وانا افتح الشنطة واطلع العجرا وكاتب عليها صرخة قلت يالله اذا كان بك خير ابيك تنطق بكلمة قال يابن الحلال هونها وتهون واللي فات مات وما يصير الا اللي يرضيك والجمهور (المراجعين) يشجع .... بتحبوا مين ..القايد ... صاحب الملايين -الفقرين- ... القايد .... المهم انا يوم شفته بلع العافية تعوذت من الشيطان وقلت يالله اسبقني للسفارة وضبط اوراقي وطلع الفيزا وجبها لي للظهران انا ابي امشي الحين واياني واياك يجي الليل وما تجيبها لي ... قال ابشر ابشر ما يصير خاطرك الا طيب بس انت عين خير ) (((استطراد)))
ياجماعة اعذروني على هالسحبة الغلط هذي لاني يوم ضاقت بي يوم حسيت ان فيزا ما فيه ..... تخيلت الوضع هذا
نرجع لسالفتنا
راح وجاب ورقة بيضا وختم عليها وقال امسك فيزا ما فيه مار الحق نفسك ورح قدم من اول جديد واذا جيت مرة ثانية حدد امورك وخلك واضح .... انا من هول الصدمة قلت بكل برودة اوكي ماعندي مشكلة ...وانا كل المشاكل فوق راسي .. فيه استفسار .. قال اخلص وش تبي قلت يعني اقدم على موعد على السفارة من اول وجديد قال ايه قلت طيب وبكل براءة ... بس تاخذ ثلاث او اربع شهوووووووووور قال عاد وش اسويلك ...طيب والاوراق هاتها قال لا هذي عندنا واذا جيت مرة ثانسة جب معك الورقة البيضا .... وانسحبت من منطقة الكاونترات بكل سلاسة وهدوء مع ابتسامة خفيفة واللي يشوفني يقول يا حظه اخذ فيزا وانا الفيزات (الفيوزات ) طقت عندي وصرت كالمعتوه امشي والابتسامة ما فراقت شفتاي ... واطلع برا ولقيت كم واحد وقلت وش سويتوا قالوا الحمد لله خلصنا وقالوا تعالوا الاسبوع الجاي خوذوا الفيزا ... قلت الله يوفقكم
ووينك يالمواقف ودق سلف الفورد وللشرقية
الحمد لله على كل حال نقول عساها خيرة
اخ والله ما ادري انا اقدم من اول جديد بس والله يا انها ملل
والموعد اكيد من ثلاث شهور وانت طالع ودفع رسوم سيفز جديد و اي-تونتي جديد و دفع 380 ريال جديدة ولعنة خيّر جديدة
ياسيدي خليها على الله
وعسى ان تكرهوا شيئا وهو خير لكم
وختاما اسالك الله لكم التوفيق والسداد في دنياكم واخرتكم
واسف على الاطالة
تحياتي للجميع / القايد