موعد فالسفارة الان 23 نوفبر

في سفارة الرياض

انا صدته ههههههههه

8
8
مبروووووك ابو ريناد
الحمد لله انك لحقت عليه
وبالتوفيق

انا اخذته بعد الاثنين 23 نوفمبر

الله يبارك فيك اخوي جورج

ومبروك اخوي انس

بس الحين وش المطلوب نجيب معنا ؟؟؟

انا معاي زوجتي وبنتي سنه ونص لاتعطوني رابط .. انت اخوي جورج وش جبت معك بالضبط ؟؟

الخطوات يا طويل العمر

1- تحجز موعد وتطبع ورقة الحجز
2- تجيب قبول معهد وتسدد السيفيس
3- تاخذ الاي تونتي وتكتب اسمك وتوقع وتحط تاريخ التوقيع

خلصنا من الاشياء الروتينيه <- - تحس انه ينفع ببرنامج الرابح الاكبر
بعدين تحتري موعدك
جا الموعد
تجهز الاوراق اللي بكتبها
1- جوازك وصوره منه والجواز القديم
2- صوره من اخر شهاده حصلت عليها ( ثانوي - بكالريوس - ماجستير )
3- تعبي النماذج 156 - 157 - 158 (تلقاهم بموقع السفاره وفي بالمنتدى موضوع مثبت وفيه شرح )
4- تسديد رسوم السفارهـ من بنك سامبا ( وتاخذ الايصال الاصفر )
5- تسديد رسوم السيفيس
6- صوره من الاي تونتي ( قبول المعهد او الجامعه ) + الاصل
7- صورة تأكيد موعد السفاره
8- شهاده بنكيه تكون موجهه للسفاره زي كذا ( EMBASSY OF U S A)
9- صوره لك 5*5

واذا تبي تريح نفسك عندك بحي السفارات محل يعبي لك النماذج ويسدد لك السيفيس بمبلغ معين

طبعا بما انكم ثلاثه لازم كل شي من اللي كتبته لكم بأستثناء بنتك الصغيرهـ اتوقع
حتى سمعت انه كل واحد فيكم لازم يسدد رسوم السفاره من بنك سامبا

وبالتوفييييييق

طيب اخوي واذا انا عن طريق برنامج خادم الحرمين نفس المطلوب والا يختلف ؟؟

بعدين السيفس هذا مو نفسه رسوم التأشيره والا وشو بعد هذا ؟؟

انا بعد عندي نفس السؤال ..


وسؤال تاني شو هو الآي توني !!

على البعثة ما يحتاج شهادة بنكية
لكن تدفع رسوم لكل شخص 498 ريال
والسيفيس يكون للطالب فقط وليس للمرافق ورسومه 200 دولار
I-20 هو قبول المعهد والجامعة وما تقدر تقدم بدونه للسفارة على الاقل لو صورة