الخال( كاونتر 12 ) الله يكفينا شره

انا كنت عنده يوم الثلاثاء الماضي

وكان عادي جدا وأخذوا جوازي وسددت الفيديكس والحمد لله اموري تمام

انا ما ادري ليه الناس مصعبه الموضوع

يعني أكيد شخص أوراقه ما كملت او فيه مشكله في تعبئة الأوراق

ورفض من السفاره راح يقول

المشكله من اللي قابلني ..! في الكاونتر الفلاني او العلاني


انا معي واحد راح للكاونتر 13 يقول قابلته بنت

وطلع وهو يسب ويلعن فيها ويقول المشكله منها

ولو جينا للصدق هو اوراقه ليست كامله

هلا اخوي احمد الشمري انا قابلني الخال الي بكاوونتر 12 سالني ليه بتروح امريكا قلت لان الجامعات قويه .. قال ما اقنعتني

تراه بيربك انت بييّن له انه عادي اذا تلكع على راسك وعطه جواب ثاني يقنعه الله يلعن راسه

وليه رحت سوريا ومن بيصرف عليك من هالاسئله الحمد لله انه ما اخذ الضمان البنكي لان فيه واحد من الاعضاء كان ضمانه البنكي 55 الف دولار

وقال له فلوسك ماتكفيك خخخخخخ يستهبل الخال .. اجل لو شاف ضماني كان نطله بوجهي بس ربي فكني منه ولاطلبه مني


اهم شي رتب اجوبه لكل اسئله واذا تعرف تتكلم انقليزي تكلم حتى لو كانت لغتك مو لذيك الدرجه اتمنى لك التوفيق ^_^

يعطيك العافية وبالتوفيق ان شاء الله

هلا بك يالغالي الظاهر اذا قام يستلكع بصفقه كف <<< تسمع بالفيزا اجل هههههههه
يعطيك العافية اخوي والتوفيق للجميع ان شاء الله

يآرجآل توكل على الله ..

ومثل مآقآلوآ الآخوآن اذا نقصك شيء اكييد بيستقعد ..

موفق

إن شاء الله ماطب عندهـ بما إنه يستقعد لوووووول

بس خليك صريح وواثق من نفسك وإن شاء الله أمورك بتمشي تمام

والله يوفقك يارب ويسهلك أمورك ..

ههههه والله انكم مسويين له صجه

انا سويت مقابلتي عنده عاااادي اصلا هو اللي كان خايف مني لووووول

وقالي كل شئ تمام بالعكس تراه فله وسعوا صدوركم وسولفوا معه .

الله يفكك منه


ويارب تقابل معك اللي بشباك 7 والله انها حبوبه


ومتعاونه



الله يسهل عليك

الله يعطيكم العافية كلكم ومشكورين عالدعوة والله يوفق الجميع

يابن الحلال ماعليك من كلام هل ناس

انا قبل اروح موعد السفاره خوفوني الي يشوفني يقول رايح معتقل قوانتنامو

الدعوه تراها ضحك والله من يوم دخلت لين طلعت ونا اضحك مع الموضفين مع اني ماتكلم انجليزي ابد

عربي مكسر ونضحك على بعض هههههههه تقول سبايك هههههههههه


جيت اول شي عند الممر عشان احط جوالي وخرابيطي في صندوق عندهم بعدها تدخل على باب زي تفتيش المطار ممر تمر فيه يشوف اذا معك شي حديد ولا وعلى فكره الموضفه هناك سعوديه كبيره في السن


بعدها رحت لكونتر الخال على قولتك شاف اوراقي كامله نضمها قالي ليش ماصورت الجواز قلت نسيت وبعدين انتم بتاخذونه ان شاءالله ثم قام يغني ثم طالعني وبتمست وشقت ابتسامته وجهه

ثم بعدها قابلت معي وحده دبه مغير ضحك انا وياها دلوخ ولا نفهم على بعض هههههههههه تبي تتكلم معي بس تضحك ماتعرف وش تقول هههههه ونا مثلها ههههههههههه لين جا المترجم قالي رح اجلس لين يجي دورك ثم راحت وجلست ممداني جلست نادتني وحده محجبه اسألتني كم سؤال ليش تبي هل جامعه وليش امريكا بالذات وعلى اي اساس اخترت هل جامعه ومتى تخرجت ووين سافرت
ومتى وقت السفرات ومن بيصرف عليك قلت وامي قالت ابوك وش يشتغل قلت مقر عمله قالت خلاص بعد اسبوع تستلم الفيزا ومر اسبوع ولا استلمت خخخخخخخ بس اضن السبب لان موعد دراستي متأخر شوي وهم عليهم ضغط هل فتره

مع العلم ماطلبت مني لا كشف حساب ولا خرابيط ثانيه بس اكتفت بالايتونتي والنماذج والجواز بس