مبتعث مستجد Freshman Member
الولايات المتحدة الأمريكية
ابورواف , ذكر. مبتعث مستجد Freshman Member. من الولايات المتحدة الأمريكية
, مبتعث فى الولايات المتحدة الأمريكية
, تخصصى دبلوم
, بجامعة كليه صحيه
- سياتل, الرياض
- الولايات المتحدة الأمريكية
- Nov 2009
المزيدl November 22nd, 2009, 10:30 PM
November 22nd, 2009, 10:30 PM
السلام عليكم/ الموعد الساعه 7.30صباحأ اليوم/الاحد22نوفمبر. وصلت السفاره الساعه الساعه 7صباحأ وجيت لقيت قدامي كم شخص وكذالك كم عائله وبصراحه كان الجو اليوم الصباح بارد نوعأ ماء. المهم انتظرت بالسراء حوالي 10دقائق بعدها طالع موظف ومعه ورقه فيها الاسماء ووقت الموعيد وقال الي موعدهم الساعه7.30يجون هناء وصفنا على شكل طابور ووقت ما انا واقف انتظر حصلت لوحه صغيره مكتوب فيها الرجاء ابراز1- ورقة الموعد 2-وصل تسديد الفيزه{كان قدامي عائله ولاسددو رجعهم قال روحو سددو وبعدها تعالو عشان تخشون}3-الجواز. المهم جاء دوري وقالي ايش اسمك وامتى موعدك ولما تاكد قالي سددت البنك قلت ايوه وشاف جوازي وقالي خلاص روح للشباك الي هناك رحت وقالي الهندي عطني جوالك ومفتاح سيارتك اذاكانت ريموت كنترول وعطيته الي طلب مني وحطها في ضرف وسجل على الضرف رقم وعطاني نسخه منه عشان اذاطلعت تعطيه الرقم ويعطيك اغراضك وبعدها قالي ادخل مع الباب هذا دخلت واتاريها غرفة تفتيش قالي نزل اوراقك ونزل ساعتك ومرارها بالجهاز وكانت معه سيده كبيره بالسن نوعأما اتوقع انها فلسطينيه ومحترمه جدأواخلاقها عاليه من طريقة تعاملها معي وتوجيهها لي وقالت خلاص اطلع من هنا واتجه الى المبناء المقابل ورحت هناك حصلت هندي يوزع الارقام وكان رقمي 17واجلس انتظر لغاية ماجاء دوري رحت للشباك رقم2 وكانت هناك فتاة من جنسيه عربيه واخذت مني الي توني وخذت الجواز وصوره منه وخذت صوره شخصيه مقاس5×5وقالت لي شوف خذ الي توني معك الاصل اذا بغيت تسافر لنه مطلوب هناك ضروري سواء في المطار اوالمعهد. وقالت خلاص روح للقسم الثاني وخل رقمك معك لنه هو الي راح يندون عليك به وطلعت من عندها ورحت للقسم الثاني انتظر رقمي ولما جاء دوري رحت وبصمني الموظف وقالي انتظر لغاية مايندون عليك ورحت وجلست وبعد 10دقائق طلع رقمي على الشاشه ورحت للكونتر رقم 8وقالي الموظف حط اصبع الابهام هنا زي البصمه ثانيه غير الاولى. وبعدها قالي ارفع السماعه وسالني قالي.... الموظف/وش التخصص الي بتدرسه؟ انا/لغه انجليزيه. الموظف/كم مدة البرنامج الدراسي؟ انا/18شهر. الموظف/من الي بيصرف عليك؟ انا/انا بصرف على نفسي. وبعد ماقلت له كذا رجع يفتش بين الاوراق واخذ الضمان المالي وجلس يطالعه ويتاكد منه. بعدها قالي مبروك التاشيره مقبوله وراح تجيك بعد اسبوعين وعطاني كرت احمر وقال روح سدد عند مكتب الفيدكس. رحت هناك وسددت وقتها كانت الساعه 8.52وبعدها انتهى موضعي بتوفيق من الله. {النصائح الي اقدر اقولها اذا سمحتو لي } 1-احرص ان يكون موعدك بدري من شان تتجنب الزحمه. 2-تاكدمن جميع اوراقك وخاصه وصل تسديدالفيزا وتسديد السيفس وجوزاك والصوره الشخصيه والضمان المالي. واعتذر عن الاطاله واي استفسار انا بالخدمه. واتمنى للجميع التوفيق
الله يوفقك أخوي
وإن شاء الله تستلم الفيزا قريبا
وطرح مثل هذه المواضيع حاجة مفيدة
أنا من الشباب اللي كانت المقابلة مسببة لي أزمة
مع قراء مثل هذه المواضيع رحت المقابلة وقلبي جامد
الله يوفقك أخوي مرة أخرى
--------------
حتروف November 22nd, 2009, 10:52 PM
7 " ما شاء الله عليك موضعك مفيد
كانت عندي معلومه قديمة عن أنه يعطونك آي توني مقفل مايفتحه إلا المطار
Mr Riyadh November 22nd, 2009, 11:05 PM
7 " جزآك الله خ ـير ..
لكن عندي كم سؤال : هل السفر لسوريآ يسبب آشكآليه لدى السفآره ..؟!
وآذآ كآن الشخص المتقدم كآن مضآف في جوآز هل يجب الاتيآن بالجوآز آلآول ..؟!
شآكر لك ومقدر ..~
راشدالتميمي November 22nd, 2009, 11:33 PM
7 " أنا رحت لقنصلية ما قالي إلا رحت لليمن و إيران بس أنا قلت لا
Mr Riyadh November 23rd, 2009, 12:03 AM
7 " آلف مبـــروووك وعقبال الخمس سنوآت
الله ييســـر لك يـــآآرب
Per T November 23rd, 2009, 03:33 AM
7 " الموضوع سهل مررررهـ
بس الناس تحب تكبر المواضيع
يعني انت الحين خلصت الفيزا ولله الحمد
الحين بيجيك الرعب حق المطار
بس لاتصدق احد - - الناس تقول مشاكل بالمطار ومدري ايش ونقعد 8 ساعات
واخرتها طلع زي تهويل السفارهـ كلها 3ساعات وتخلص
موفقين
((معالي الشيخ)) November 23rd, 2009, 09:48 AM
7 " اناا معك . وكان رقمي 22 يعني بعدك بخمس اشخاص
ورحت لنفس الكونتر اللي فيه عربيه اتوقع (فلسطينيه ) وكانت قمه بالاخلاق وتبتسم والله انها تريح البال عقب التوتر ..
الغريب ان الناس مكبره موضوع السفاره ، حتى اني يوم رحت صرت اتنافض عندهم وشفت العكس
مرونه بالتعامل مافي اي تعقيد خصوصا ً لا صارت اوراقك كامله ، مبتسمين كلهم بدون استثناء
المقابله ماسالني الا كم سؤال بسيط
وين رايح؟ تعرف احد هناك ؟ على حسابك ولا على البعثه ؟
وكان يتكلم بالعربي ومرررررح ومبتسم واخر شي قال تأشيرتك مقبوله رح سدد الفيدكس ..
اسهل من المقابله مافيه ، وعلى فكره اسالتهم كلها من اشياء انت كتبتها بالنموذج يعني مايجيب شي من راسه ..
الحمدلله على قبول فيزتي ، ويارب خمس سنوات
ومبروووك للجميع ،،
ابوفهد2000 November 23rd, 2009, 05:22 PM
7 " اشكرالجميع على المرور من من اخوي حتروف وmr Riyadh واخوي الغالي راشد التميمي واختي العزيزه per t وكذالك الاخ الغالي جورج واشنطن واخوي ابوفهد2000.
امابالنسبه لااستفسارك يا اخ راشد من ناحية السفرلسورياء عادي جدا جدا ومايسبب اي اشكاليه وكان معي واحد سبق وان سافر لسوريا اكثر من ثمان مرات ولاقالو له حاجه وعطوه الفيزه لاتخاف ولاتقلق.
وبالنسبه للجواز انا بصراحه ماعندي خلفيه ولا اقدر افيدك الاي اقدر اقوله اني لواني مكانك بجيب الجوازين كلها اذاطلبوها تكون موجوده واذ مطلبوها ماراح اخسر حاجه.
ابورواف November 24th, 2009, 01:37 PM
7 "
November 22nd, 2009, 10:30 PM
السلام عليكم/الموعد الساعه 7.30صباحأ
اليوم/الاحد22نوفمبر.
وصلت السفاره الساعه الساعه 7صباحأ وجيت لقيت قدامي كم شخص وكذالك كم عائله وبصراحه كان الجو اليوم الصباح بارد نوعأ ماء.
المهم انتظرت بالسراء حوالي 10دقائق بعدها طالع موظف ومعه ورقه فيها الاسماء ووقت الموعيد وقال الي موعدهم الساعه7.30يجون هناء وصفنا
على شكل طابور ووقت ما انا واقف انتظر حصلت لوحه صغيره مكتوب فيها الرجاء ابراز1- ورقة الموعد 2-وصل تسديد الفيزه{كان قدامي عائله
ولاسددو رجعهم قال روحو سددو وبعدها تعالو عشان تخشون}3-الجواز.
المهم جاء دوري وقالي ايش اسمك وامتى موعدك ولما تاكد قالي سددت البنك قلت ايوه وشاف جوازي وقالي خلاص روح للشباك الي هناك رحت
وقالي الهندي عطني جوالك ومفتاح سيارتك اذاكانت ريموت كنترول وعطيته الي طلب مني وحطها في ضرف وسجل على الضرف رقم وعطاني
نسخه منه عشان اذاطلعت تعطيه الرقم ويعطيك اغراضك وبعدها قالي ادخل مع الباب هذا دخلت واتاريها غرفة تفتيش قالي نزل اوراقك ونزل
ساعتك ومرارها بالجهاز وكانت معه سيده كبيره بالسن نوعأما اتوقع انها فلسطينيه ومحترمه جدأواخلاقها عاليه من طريقة تعاملها معي وتوجيهها لي
وقالت خلاص اطلع من هنا واتجه الى المبناء المقابل ورحت هناك حصلت هندي يوزع الارقام وكان رقمي 17واجلس انتظر لغاية ماجاء دوري
رحت للشباك رقم2 وكانت هناك فتاة من جنسيه عربيه واخذت مني الي توني وخذت الجواز وصوره منه وخذت صوره شخصيه مقاس5×5وقالت
لي شوف خذ الي توني معك الاصل اذا بغيت تسافر لنه مطلوب هناك ضروري سواء في المطار اوالمعهد.
وقالت خلاص روح للقسم الثاني وخل رقمك معك لنه هو الي راح يندون عليك به وطلعت من عندها ورحت للقسم الثاني انتظر رقمي ولما جاء
دوري رحت وبصمني الموظف وقالي انتظر لغاية مايندون عليك ورحت وجلست وبعد 10دقائق طلع رقمي على الشاشه ورحت للكونتر رقم 8وقالي
الموظف حط اصبع الابهام هنا زي البصمه ثانيه غير الاولى.
وبعدها قالي ارفع السماعه وسالني قالي....
الموظف/وش التخصص الي بتدرسه؟
انا/لغه انجليزيه.
الموظف/كم مدة البرنامج الدراسي؟
انا/18شهر.
الموظف/من الي بيصرف عليك؟
انا/انا بصرف على نفسي.
وبعد ماقلت له كذا رجع يفتش بين الاوراق واخذ الضمان المالي وجلس يطالعه ويتاكد منه.
بعدها قالي مبروك التاشيره مقبوله وراح تجيك بعد اسبوعين وعطاني كرت احمر وقال روح سدد عند مكتب الفيدكس.
رحت هناك وسددت وقتها كانت الساعه 8.52وبعدها انتهى موضعي بتوفيق من الله.
{النصائح الي اقدر اقولها اذا سمحتو لي }
1-احرص ان يكون موعدك بدري من شان تتجنب الزحمه.
2-تاكدمن جميع اوراقك وخاصه وصل تسديدالفيزا وتسديد السيفس وجوزاك والصوره الشخصيه والضمان المالي.
واعتذر عن الاطاله واي استفسار انا بالخدمه.