اللهم لك الحمد قبل الرضى ولك الحمد اذا رضيت ولك الحمد بعد الرضى

السلام عليكم
ابشركم يا جماعة اليوم كان موعدي بالرياض وقبلوني ولله الحمد
وهذا بفضل الله ثم بفضل اعضاء هذا الصرح منتدى مبتعث
تفاصيل المقابلة موعدي الساعة 9 ونص وصلت للسفارة 8 ونص صفينا طابور ما دخلت السفارة الا 9 بالتمام
واخذت رقم وكان 41 وجلست والساعة 9 ونص طلع رقمي ورحت عند واحد الظاهر انه هندي شيك على اوراقي
وقالي رح انتظر رقمك بالصالة الثانية جلست 10 دقايق وطلع رقمي رحت بصمت ورجعت جلست 5 دقايق
وطلع رقمي علشان المقابلة رحت عند كاونتر 9 ولد امريكي فللللة ما غير يضحك
سألني وش بتدرس ؟ قلت محاسبة
لك احد بأمريكا ؟ قلت اختي وزوجها
بأي ولاية ؟ قلت فرجينيا
انت بتروح لنفس الولاية ؟ قلت لا بروح الينوي
بتطلع بعثة ؟ قلت لا على حساب الوالد
وش يشتغل ؟ محاسب قانوني
قال اوكي التأشيرة مقبولة والاجراءات بتاخذ 3 اسابيع بس ان شاء الله بتطلع قبل
ورحت سددت عند فيدكس والساعة 10 وربع طلعت من السفارة
وقريب ان شاء الله ابشركم بوصول الفيزا وأي استفسار انا حاضر