بااااااركوااااااااا لي صدرت الفيزا اليوم العصر ......

باركووووووووووووووووووووووا لي طلعت الفيزا ومدتها سنتين ..
الله يلعن السفاره الامريكيه ياهي تذل الطلاب ..
أنا الحمد لله طلعتها بسهوله وهذا من فضل الله وحده ..
رحت اليوم الظهر الساعه 1 الظهر علشان أستلم الفيزا ..
قام ينفخ على الهندي يقول تسليم الجوازات الساعه 3 إلى الساعه 4 العصر ..
أفففففف والحين الساعه 1 الظهر .. !
قلت موب مشكله أطق لي فره داخل السفارات مالي خلق الخطوط السريعه اللي بالرياض ...
حتى الشوارع الداخليه للحواري خطوط سريعه ..
المهم وأتمشى على رجليني .. تقهويت شاي وبعدها لقيت مسجد مهوب بعيد عن السفاره ..
حطيت راسي ونمت بس موقت الجوال ..
المهم ما جاني نوم لان فيه مراجع نايم ويشخر ( إلا قصدي حنجرته تقرقع هذا مهوب شخير )
وأصحى قبل المنبه .. وأروح لهم وألقى زحححححمه طابور مدري حق وش ..
المهم فيه واحد قبلي شكله جايب العيد وفاتح الظرف ( ملقوف ) ..
والامريكيه تلاسنه تقول إنقلع عن وجهي ولا ترى كنسلت فيزتك ..
تخيلت أننا في دولتهم يلعن أم القوة اللي عليهم .. المهم أخذته على جنب وقلت له حط رجلك ..
قسم بالله أن مسكت فيزتك إلا تكنسلها .. طلع والدمعه بعينه ..
المهم إستلمت الفيزا ولله الحمد .. ومدتها سنتين من الان ..
الحمد لله والشكر وهذا والله من فضل ربي ...

بس يا جماعه قسم بالله على أيام تعبئه الابليكيشنات يا أني حسيت بالذل !..
ياخي فورماتهم تحس أنك تطر منهم .. والله ما عمري مريت بتحقيق مثل ما شفت في الفورمات ..
وأقسم بالله العلي العظيم لولا الحاجه حدتني علي أمريكا كـ( دراسه ) ..
أني ما أطبها لا سائح ولا علاج ..
على كلن الحمد لله على النصيب ..
و والله تراودني فكرة قوية بتغييير إتجاهي لأي دوله غير أمريكا ...

والله لولا الدراسه أن فيزتهم هالمعفنه إنها ما تطب جوازي الطاهر ..

الله يوفقكم أجميعن ..
و والله أني أدعي لكل من ساهم في إفادتي بشكل مباشر أو غير مباشر ..
دعوة صادقه من القلب للرب ..


وأدعوا لي أخلص أمور القرار بدون أي تعقيد ..

أبــووو ريمــــــــــــااااس