الحمد لله اولاً و أخيراً : الفيزا وصلت بعد يوم واحد!!!!!!!!

December 31st, 2009, 03:16 AM

السلام عليكم
انا موعدي كان في 28 ديسمبر يوم الأثنين في سفارة الرياض
كالعادة حضراًعند السفارة من الساعة 6 صباحاً

والبرد اكلاً أكل والناس مرة قليلة يمكن ثلاثة غيرنا


ولما جت الساعة 7 وصلوا حوالي 30 شخص

وبدا مشرف من السفارة بإعطائنا تعليمات وعلمنا كيف نرتب الأبلكيشنات

ولما دخلنا سلمنا الأوراق لشخص على طاولة وهو يقوم يتأكد منها
وبعد ما رتبها خذنا الأوراق ورحنا نسلم أغراضنا الشخصية عند البوابة وعطونا كرت أحمر
اذا ضيعته سلم على أغراضك

وبعد ما تسلم أغراضك تدخل السفارة ويفتشونك تفتيش

وبعد التفتيش تأخذ رقم وتستنى لما يجي رقمك(يمكن ما تقعد خمس دقايق)
وتروح تسلم أوراقك لحرمة بينك وبينها شباك

وراح تبصمك وراح ترتب لك الأوراق

بعد ما تخلص منها تروح للصالة اللي جنبها ومعك نفس الرقم (مهم مرة لحد يضيعه)

ولما يجي رقمك تسلهم الأوراق وراح يسألونك بعض الأسئلة
قابلتني حرمة حبوبة كل ما شافتني تضحك (شكلها معجبة)>>>>> من زيني

وهذي الأسئلة :
1- ابوك يشتغل
2-متى تبدأ دراستك
3-وش المدينة اللي بنروح لها
4-مين راح يدفع لك (مهم للمبتعثين انهم يسلمون ورقة التدقيق لأنها تعتبر ضمان وماعليكم من اللي يقول ان الوزارة مرسلة اسمائكم)

وثم قالت لي مبروك حصولك على الفيزا راح تصل بعد اسبوع

وعطتني كرت لفيديكس
تاخذ طالع عمرك هذي الكرت وتمسك سرا في نفس السفارة عند المخرج في كشك صغير لفيديكس

وتسلم الكرت لموظف فيديكس اللي راح يعطيك ورقة تعبي فيها بياناتك
ومهم تكتب رقم جوالك صح لأنهم راح يتصلون عليك لما يجي الجواز

ولما تسلمه الورقة تدفع 65 ريال وراح يسألك عن أقرب فرع لفيديكس من بيتك علشان يوصلون الطرد له

وراح يعطيك نسخة من رقم الطرد احتفظ فيها لين يدقون عليك


وبعد يوم من المقابلة دقوا علي فيديكس قالوا لك طرد

انا خفت قلت رفضوها ولما استلمت الطرد ادور في الجواز ما لقيت شي
وفجأة بين الصفحات القى الفيزا (5 سنوات )حمدت ربي اول شي

مقتطفات :
1- ما راح تدخل السفارة الا بإيصال تسديد الفيزا من سامبا
2- طباعة ورقة الموعد من الانترنت أمر ضروري جداً
3-خلك اخلاق واضحك مع موظفين السفارة علشان ما يستقعدون لك
4- خل أملك بالله قوي

5- اتمنى لكم التوفيق من كل قلبي واي استفسار انا جاهز

• نشر عبر تويتر
• نشر عبر فيسبوك
• نشر عبر جوجل