لاتشيلون هم ...الحمدلله اليوم فقط ساعة في السفارة والتأشيرة مقبولة

January 10th, 2010, 05:13 PM

مساء الخير جميعا

اولا انا كنت شايل هم السفارة من سنة, والحمدلله صارت الامرر تساهيل

موعدي كان الساعة 8:30 وبعد ماصحيت لصلاة الفجر مانمت...جهزت نفسي ومشيت لحي السفارات

وصلت لنقطة تفتيش حي السفارات تقريبا الساعة 7:20 وطبعا مادري وين السفارة ..سألت العسكري وماقصر..عموما مكان السفارة واضح

رحت للسفارة ولقيت طابور وتشوف الناس مكتمة وفيه موظف من السفارة كان يدور على الواقفين بالطابور ويشيك على السريع واللي عنده نواقص يرسله لمكتب في ساحة الكندي وهي قريبة من السفارة ويروحون لها الشباب مشي

المكتب هذا إذا كنت ماسددت رسوم سامبا يسددون لك وإذا عندك نموذج ناقص يطلعون لك نموذج ويعبون البيانات

وانصح اللي عنده اي تويني ويبي موعد قريب يروح لها المكتب وعلى طول يوفر له موعد..أنا مجربهم

المهم نرجع لموظف السفارة كان مايمشي اللي جاي بغير موعده..أنا جيت 7:30 مامشانتي إلا الساعة 8 لان موعدي 8:30

لذلك انصحكم انك تجون بالسفارة قبل الموعد بنصف ساعة حتى ما تنطقون بالطابور

مشينا وفيه قبل ماتدخل الباب الاول شباك تعطي الموظف جوالك ومفتاح السيارة إذا كان ريموت

تدخل الباب الاول وتلقى جهاز مثل اللي في المطارات تحط فيه كل اغراضك اللي في مخابيتك وحتى _أعزكم الله_ الجزمات واللي لابس جينز وسحاب الله يعينه بيفصخ السحاب..احيانا الثوب زين

تطلع منهم وبتلقى ساحة مفتوحة ثم بتلقى طابور ثاني وقدام الطابور موطفين اثنين سعوديين ويشوفون اوراقك ويرتبونهن

وإذا عندك نواقص في أي خانة في النماذج يأشر على الخانة ويقولك اكتبها ...وتقريبا العالم كلها عندهم نواقص

بعد ماتعدي اخواننا السعوديين تدخل مبنى السفارة وتلقى عند الباب موظفة تاخذ اوراقك وتشخمط عليهن

طبعا انا يوم اخذت اوراقي منها مادري وين اروح ..لقيت سكيورتي قلتله وش اسوي ؟ على طول عطاني رقم وهو اصلا عند الجهاز وقالي ادخل هالصالة

كان رقمي 56 ودخلت والرقم كان 51 .. والحمدلله ماكملت 10 دقايق وجا رقمي

رحت للشباك وكانت موظفة صامته اخذت اوراقي وطلعت اللي ماتبغاها وكانت تسجل في الكمبيوتر

ثم قالت لي ابصم بالانجليزي ....انا مافهمت وش تقول ..قلتلها نو سبيكنق انجلش

بدت تمد ايدينها وتهزها بالهواء لين فهمت وبصمت

طلعت منها وسألت السكيورتني وش اسوي قال لي اجلس شوي ..

طبعا الحين غيروا النظام ..إذا بصمت تجلس شوي ثم يقلون لك رح وبدون ارقام

جلست دقيقة بس ثم قال لي رح

رحت لرقم 8 وكان امريكي أسود.. قال لي صباح الخير قلتله صباح النور

اخذ الاوراق وكانت النماذج المطلوبة الثلاث مع صورة من الآي تويني واخذ جوازي بس

وأنا ماطلعت من السعودية وشاف جوازي نظيف قالي عندك جواز ثاني قلتله لا

شألني عن اسم مدرستي الثانوية؟ وعطيته الاسم... وقالي وينها ؟وجاوبته وطبعا انا معاي بكالريوس لكن ابقولكم ليه سألني عن الثانوي

ثم قالي إذا جيت من امريكا وين بتجلس؟ قلت له بالرياص.. قالي اهلك كلهم بالرياض ؟ قلتله ايه

ثم قال لي تأشيرتك مقبوله بس باقي الامور الادارية وستصلك خلال اربع اسابيع ..قلتله الحمدلله

وماقمت انا.... قالي ترى خلصنا

ولاتشيل هم الباقي امور ادارية ...وعطاني كرت حق الفيديكس

ولا سألني عن الشهادة البنكية ولا والوثيقة والسجل الاكاديمي ...بس ضروري تكون معكم

وطبعا هو سألني عن مدرستي الثانوية ييبي يطابق بين اللي مكتوب بالنماذج وبين اجوبتي

يعني يبي يشوف مصداقيتي

وحتى سؤاله عن مكان اهلي..هو سألني لاني كاتب ان اهلي كلهم بالرياض

اهم شي ان ماتكتبه من معلومات يكون هو الحقيقة وتجاوب بنفس المعلومات اللي كتبتها

لان عند أي اختلاف يسبب مشكلة

واساسا خل الصدق منهج في حياتك

وطبعا كان دخولي الساعة 8:30 وخروجي من السفارة الساعة 9:30

سؤالي لكم\ هل معنى كلامه ان الفيزا خلاص طالعة ان شاء الله

الشي الثاني عندي قلق بسيط من انه ماسأل عن شهادتي البكالريوس ولا جاب طاري الماستر

قلقي من مدة الفيزا.. تتوقعون يعطوني 5 سنوات

نصيحة: ناموا بدري وبتلقون انفسكم رايقين الصباح

شفت شباب واضح انهم مواصلين وتشوف التعب من عيونهم

وقبل كذا وبعده توكلوا على ربكم اللي بيده أمر كل شيء سبحانه وتعالى

• نشر عبر تويتر
• نشر عبر فيسبوك
• نشر عبر جوجل