هلا فيك .. إن شاء الله ربي يسهلها عليكم ..
شف وأنا أختك ..
أول ما تجي رح يتأكدون إنك جاي في الموعد مو قبله .. " تعال قبل موعدك بـ نص ساعة أو أقل " ..
بعدين تمسك سرى ..
يجيك يتأكد من الصور إنها مضبوطة ..
إذا هي مضبوطة حلو .. مو مضبوطة رح صوّر في استوديو في الساحة الكندية وتعال .. << لو صارت لا قدّر الله مو مضبوطة ورحت تصوّر .. إذا رجعت قل له يدخلك مباشرة وما تمسك سرى من جديد .. لأن الأولوية لك ..
بعد كذا .. فيه مكان لأخذ الأمانات .. لو عندك أي شي ممنوع : جوال .. أجهزة لكترونية .. مفتاح سيارة بريموت .. أشياء حادة ..
بعد كذا .. تدخل على ساحة واسعة .. وفير آخرها سرى برضو ..
امسك سرى .. ورتّب أوراقك .. لأنه إذا جاء دورك بس يرتّبونها لك .. عشان كذا خلّك جاهز .. ورتبها ..
إذا خلصت تدخل جوا .. وتجي وحدة تدقق أوراقك وتعلمك إذا فيه أخطاء ..
بعدها توقع على جوازك وتدخل جوا ..
إذا دخلت عطوك رقم ..
بعدين تدخل صالة انتظار .. بعدين المقابلة .. بعدين مكتب فيديكس ..
<< الشرح تحت لا يضيق صدرك ..
خذ معك :
أول شي جوازات السفر لكل اللي بيروحون ..
ثاني شي استمارة DS156 .. عبّها إلكترونياً عن طريق الموقع اللي قالوا لك عنه .. وبعد ما تعبها تضغط " موافق " .. وبعدين تطبعها من علامة الطابعة اللي بتطلع لك فوق .. << هذي تعبيها أنت وكل من بيروح ..
ثالث شي : استمارة DS157 .. تعبها أنت لحالك .. ولو فيه ذكور بيروحون غيرك .. << هالاستمارة خاصة للذكور فقط ..
رابع شي .. استمارة DS158 .. هذي يعبيها المبتعث أو المبتعثة .. فقط ..
خامس شي : الصور .. صورة لكل واحد فيكم .. أنت من غير شماغ ومن غير أي إضافات على راسك .. وزوجتك خلّ منابت الشعر تطلع .. والذقن من تحت .. واستدارة الوجه بعد .. والصور طبعاً 5×5 .. للجميع ..
سادس شي : الوصل اللي دفعت فيه من سامبا ..
سابع شي : استمارة الـ I20 لكل واحد فيكم .. وصورة منها .. " أنا أخّروني لأنهم صوّرها من عندهم .. عشان كذا يُفضّل تصورها من عندك " ..
ثامن شي : وصل رسوم الـ sevis ..
تاسع شي : شهادة الثانوية مترجمة لو كنت رايح بكالريوس .. أو السجل الأكاديمي لو كنت رايح ماجستير .. << يجيبها المبتعث فقط .. يعني أنت أو زوجتك ..
ولا تنسى شي مهم .. وهو ورقة الموعد .. اللي تثبت إن موعدك الساعة الفلانية .. عرفته ..؟
نصيحة وأنا أختك ..
رتّب أوراقك قبل لا تجي .. عشان تجي وتسلّم ويدخلونك مباشرة ..
بالنسبة لك .. جهّز جوازك وحط جوّاه الـ I20 حقك .. واستمارة DS157 .. والوصل الخاص فيك ..
ولزوجتك نفس الشي ..
بس إذا هي المبتعثة حط معها استمارة DS156 .. إضافة لـ استمارة DS158 ..
بياناتك في الاستمارات احرص تكون كاملة ..
ولو فيه شي ما له إجابة مثل لو كان عندك طفل .. من بين الأسئلة : الاسم السابق ..
حط none ..
المهم ..
رتّب وضعك بحيث كل جواز جوّاه الأوراق الخاصة بصاحب الجواز ..
بالنسبة للاستراحة ..
ما فيه استراحة ..
لأنك طول الوقت يا ماسك سرى .. وإلا تنتظر دورك ..
يعني بكل الأحوال بتكونون مع بعض ..
إذا صار فيه خطأ في الأبلكيشنات يعلّمونك عنها .. وتعدّلها ..
بس ممكن يتأخر دورك شوي ..
أنت سوّ اللي عليك .. وحتى لو تأخرت شوي مو مشكلة ..
إذا ضبّطت كل أوراقك بيدخلونك جوّا " لأن كل ذا اللي فوق وأنت برا .. عشان كذا إذا الجو برد احتاطوا بلبس " ..
المهم .. بيعطونك رقم وبيدخلونك غرفة انتظار .. ولوحات قدامك تبيّن الرقم اللي عند الشباك ..
إذا جيت عند ذا الشبّاك بيبصّمونك وبيبصّمون كل اللي معك ـ ما عدا المستثنين من المقابلة " .. وبيشوفون وجه زوجتك " كلهم نساء " ..
آخر شي .. المقابلة ..
هي المرحلة قبل الأخيرة اللي تسويها في ذاك اليوم ..
بيودّونك أنت وزوجتك لمجموعة شبابيك .. إذا جاء دورك نادوكم مع بعض ..
المبتعث هو اللي يسوون معه مقابلة فقط ..
إذا هي زوجتك بيطلب بصمة واحد من أصابعها للتأكيد .. وبيطلب منها تكشف " هالمرة رجال " ..
بعدين بيسألها أسئلة عادية عن طريق سماعة .. وبتكون أنت موجود ..
سألني : من أي جامعة متخرجة .. ووش بتدرسين هناك ..؟ ووش تخصصك ..؟
وإذا أنتم ما تعرفون إنجليزي يساعدكم طبعاً .. مو إجباري تحكون إنجليزي ..
آخر شي بيقول لكم وحوا لمكتب فيديكس وخذو ظرفين .. << خذ واحد أوفر لك .. لأن الواحد يفي بالغرض .. حتى صاحب مكتب فيديكس بيقول لك " أنت عندك فلوس زايدة عشان تاخذ اثنين ..؟ " ..
خذ من عند المكتب وصل التوصيل .. واجلس في الطابور .. وعبّ الوصل بمعلوماتك ..
إذا جاء دورك بياخذها منك .. وبيسألك عن طريقة التسليم وكذا ..
وبتدفع 65 ريال ..
وبسسسسسسس
يالله ..
بالتوفيق ..
علمونا وش يصير معكم ..
LinkBack URL
About LinkBacks
January 10th, 2010, 11:08 PM
أخواني .. أخواتي ..
أنا ولله الحمد رحت اليوم للسفارة الأمريكية ..
وخلصت أموري ..
وتقريباً صار عندي إلمام بكل المطلوب ..
وعشان تتلافون هالأخطاء .. اللي عنده أي سؤال قبل ما يروح يسألني ..
وإن شاء الله باكون مساعدة له في الجواب عن استعداداة المقابلة .. ووش المطلوب .. ووش يسوي .. ووش يجيب معه .. وكيف طريقة ترتيب الأوراق " عشان الواحد ما ياخذ وقت عند المكاتب " ..
يعطيكم العافية ..