النموذج الجديد سهل للغاية
مشكلته طويل جلست عليه يمكن ساعتين وزيادة ..
مطلوب أشياء بسيطة وبيانات تعبيها مثلها مثل النماذج السابقة .. بس جمعوها في نموذج واحد ..
النقطة الأولى المهمة : أنو لازم تاخذ صورة لك على الجهاز بصيغة jpg عشان ترفعها لهم وأنت تعبي الإبلكيشن .
النقطة الثانية : البيانات اللي فيها حوسه مثل وين بتسكن أنت بين خيارين يا تكتب undesided يعني لم تقرر بعد .. أو تحجز لك سكن مبدئي وتسجله .. أما المدينة فأكيد نفس مدينة الدراسة والباقي مثله ..
النقطة الثالثة : معلومات عن شخصين يثبتو انك رايح للدراسة في بلدك .. شف لك اثنين من الثقات وخبرهم وخذ بياناتهم .. جوال وايميل واسمه والمدينة اللي ساكن فيها .
النقطة الرابعة : على حساب من بتدرس اكتب معلومات وزارة التعليم العالي وموقعهم .
النقطة الخامسة : إذا لك قريب في أمريكا يا ليت تاخذ عنوانه الكامل ..
النقطة السادسة : فيه أسئلة أمنية مثل المخدرات والجرائم والإرهاب وغيرها .. تجاوب أن ما لك علاقة فيها ..
النقطة السابعة : موعد السفر أنت بين خيارين .. يا انك تعرف متى تسافر فهنا تحدد موعد السفر بالتاريخ والمدينة .. أو تكتفي بالتقريبي يعني احجز حجز مبدئي للوقت المتوقع وسجل تاريخه فقط .. وهو يطلب إذا أنت تعرف بيكثر عليك بيانات وإذا ما تعرف فتحدد تقريبا متى .
أخيراً ..
الأبلكيشن فيه ميزة انك تحفظ العمل وترجع له بعدين يعني لو شيء ناقص ومو عندك ترجع بعدين تكمله .. ولما تنتهي يبدء يراجع معك الكترونياً وتشوف بياناتك صحيحة ولا فيها خطأ يعني تقدر تمخمخ عليه مثل ما تبي .. أهم شيء قبل ما توقع الكترونيا وترسله لهم تتأكد من كل شيء .. وإذا انت واثق من المعلومات فما عليك إلا أنك تسوي برنت لبياناتك وتطبع الصفحة اللي تطلع لك بعد ما ترسل البيانات الكترونيا لأنه فيها الباركود الخاص بك .
أمر آخر ..
اللي ما يعرف لغة انجليزية ما يحتاج فيه ترجمة فورية من الموقع .. تجد في زاوية الموقع في اليمين اختر اللغة عربي .. ومجرد تضع الماوس على الكلمة يتم ترجمتها تلقائياً ..
أمر آخر أيضاً ..
اللي قفل مخه ومو عارف يسوي شي .. فيروح لساحة الكندي في السفارات يخلصون لك كل شيء خلال دقائق وأهم شيء ممعك صور شخصية ..
عذرا على الحشو والحوسة بس أكتب اي شيء أتذكره عشان ما اضيعه
طبعا انا خلصت الابلكيشن الخاص بي أمس .. وتم بحمد لله ..
وعلى الرحب والسعة للأسئلة ..
دمتم بود
مستجد January 31st, 2010, 03:36 PM
7 "
January 31st, 2010, 09:15 AM
السلام عليكم ورحمة الله وبركاتهحبيت اكتب موضوع حيث كل شخص يكتب اي تساؤل عن النموذج الجديد ونحاول نجاوب
انا عندي سؤالين
اولا عن عنوانك في امريكا ؟ ايش اكتب عنوان المعهد
ثانيا شخص تعرفه بالولايات المتحده ؟ لو مااعرف احد ماذا اكتب
ثالثا شخص ستسكن عنده ؟ نفس القضيه
ولو اي شخص تسأول ثاني فليضعه لكي كلنا نستفيد