استفسار بخصوص المتطلبات للمقابلة !! رجاء طمنوني

رجاء والله متوترة موعدي بعد كم يوم و فجأة اتوترت و شايلة هم لأني اكتشفت حاجات جديدة ما كنت اعرفها
كل الأمور طيبة يمديك تخلصين كل أمورك في يوم واحد

المهم: الي راحوا والي عندهم الخبرة يا ريت تساعدوني:
أول شئ : ال I20 جاهز بس امس عرفت انه في سيفيس عليه ، كيف اسويها ! و ليش ما كان من المكتب الي سلمونا القبولات
فيه رقم فوق بدأ بحرف N هذا هو رقم السيفس واللي لازم تسددينه

ثاني شئ : الدفع حق سامبا حاولت عن طريق النت ما فهمت قلت اروح بنفسي للبنك بكرة و اشوف

كلمي سامبا فون وهو بيعطيك الطريقة مرة ثانية أو سددي من البنك

ثالث شئ : الجواز القديم حقي مو موجود ! عادي بيمشون ولا حيطفشوني !

من الأفضل يكون معك برنت من الجوازات
عموما أنا ماطلبوني إلا جوازي
بس الواحد لازم يحتاط

رابع شئ : ال نماذج استخدمت القديمة لأنه يوم السبت يعني قبل التاريخ اللي حاطينه لل نموذج الجديد ، انا 156 و 158 و الوالد 156 157 و 158 ! و نوع الفيزا للوالد F2 تمام كدا !

ماادري اتوقع الوالد مايسمحون له f2 والنماذج صحيحة

خامس شئ : اطبع ورقة تأكيد للوعد ! مع اني توي قريت موضوع انه تغيرت مواعيد المبتعثين ! هذا الكلام صحيح !!! لأنه موعدي في محله و من زمان عليه و ما ابي اغيره !

ماادري أختلفت الأقوال في الموضوع هذا بس من وجهة نظري روحي لموعدك والله يسهلها

سادس شئ : و هو الضمان و الي ما استلمناه ! معاي ورقة التدقيق الي هي أول يوم استلمناها يوم سلمنا اوراقنا ! صحيح

أنا طلبوني ضمان وعطيتهم وعلى طول بس سجلت رقم الطلب

وتقدرين تأخذين رقم الأيميل من الوزارة


سابع شئ: اخذ معاي رسوم الفيديكس 125 ريال للفيزا الوحدة ولا لنا احنا الاثنين انا و الوالد ! على فكرة مقابلتي في الظهران ان شاء الله

جوازك وجواز الوالد مع بعض
هذا اللي صار لي في الرياض

طبعاً غير الصور الشخصية و صور من الوثائق كلها !

أنا أشوف ماتخلين ورقة إلا وتأخذينها وبخصوص نماذجهم لازم تكون الأصول

فيه مواضيع كثيرة تتكلم عن المتطلبات خذي جولة عليها وراح تلاقين اللي تبين

هذه كل المتطلبات ؟! في شئ ناقص ولا كذا كاملة ؟؟!


الله يوفقك

الله يوفقك اختي
اولا لازم تدفعي رسوم السيفس عن طرق النت وفيه مواضيع بالمنتدى عن طريقه التسديد المكتب دوره يجيب القبولات بس
اما بخصوص رسوم التاشيره عن طريق بنك سامبا وهي 498ريال انا رحت البنك ودفعتها (لازم يكون جوازك وجواز الوالد معك ولازم الاسم يكون مطابق للجواز)
انا بالنسبه لي جوازي جديد بس اخوي راح الجوازات وطلع برنت في خمس دقايق
لازم تطبعي ورقه الموعد عشان تاخذيها معك
مادام الاي توني معك توكلي على الله وروحي وخذي معك ورقه التدقيق او صوره منها احتياط انا اخذتها معي بس قبولي ماوصل وكتبت الموظفه على الابلكيشن حقي رقم الطلب من ورقه التدقيق اللي اعطيتها
بالنسبه لمبلغ فيديكس اتوقع انه واحد اللي هو125 ريال يعني انتي والوالد بنفس المبلغ لان المبلغ عشان يرسلون الاوراق عليه انا واخوي بنسوي نفس الحركه راح ارسل قبوله وقبولي مع بعض عشان ندفع مبلغ واحد لانهم ماخلوا في جيوبنا شيء من رسوم للفيزا ورسوم السيفس ورسوم فيديكس كل مادفعنا رسوم قالوا فيه رسوم ثانيه مادفعتوها
( اذا كنتي بالشرقيه تأكدي من رسوم فيديكس لان داخل الرياض 65 ريال بس خارج الرياض 125ريال ياليت تتأكدين من الرسوم )
والصور مثل ماقلتي وصور الوثائق والاصل
وبما ان موعدك قديم فالنماذج صحيحه هي اللي تاخذيها معك
واي استفسار انا حاضره
هذا اللي اعرفه وان شاء الله الاعضاء يفيدونك انا اكتبلك من خلال تجربتي بالمقابله في سفاره الرياض
اتمنى اني افدتك ولو بالشيء القليل
بالتوفيق اختي

جزاكم الله الف الف الف الف خير و يوفقكم يوفقنا جميعا يا رب .. والله طمنتوني ! الله يسعدكم و يطمن قلوبكم !
بس هذه هي الأوراق كاملة مافي شئ ناقص صح ؟!

لانهم ماخلوا في جيوبنا شيء من رسوم للفيزا ورسوم السيفس ورسوم فيديكس كل مادفعنا رسوم قالوا فيه رسوم ثانيه مادفعتوها [/B]

ههههههههههههه والله انك رهيبة عجبتيني في هذه لأنه صح والله ان شاء الله عاد تتيسر و اقدر اجمع حقت الطامة الكبرى يمو السفر الين تنزل الرواتب

الله يوفقك اختي ويسهلك
وتري الجمله اللي قلتها صح لانهم طفشونا كل شوي وحنا ندفع حتى اخوي كل ماشافني قال هاا في فلوس ندفعها
الله يعينا ويسهل لنا المبلغ اللي بنطلع فيه والله اني شايله هم هالمبلغ

و الله انا كمان و كتبت مذا مرة في الموضوع للناس الي راحوا متى استحقوا اول مكافأة او راتب و كم لازم يكون في ايدنا عشان نحاول من الحين نكمل المبلغ ! والله حوسه الله ييسرهاااا يا رب لانها ابتغاء في طلب العلم ان شاء الله ميسسررةةة

اخيتي ادخلي الرابط ذا واقريه تمام فيه كل التفاصيل المطلوبة بالتوفيق

http://riyadh.usembassy.gov/non-immi.../students.html

مشكور أخ وائل جزاك الله خير