الأعضاء الإشتراك و التسجيل

الملتقيات
ADs

المعاناه مـع السفاره الامريكيه

المعاناه مـع السفاره الامريكيه


NOTICE

تنبيه: هذا الموضوع قديم. تم طرحه قبل 5164 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية d.5.0.n
    d.5.0.n

    مبتعث جديد New Member

    d.5.0.n الولايات المتحدة الأمريكية

    d.5.0.n , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى مــدري , بجامعة مـدري
    • مـدري
    • مــدري
    • ذكر
    • سيآتـل, واشنطن
    • السعودية
    • Feb 2010
    المزيدl

    February 7th, 2010, 06:47 PM

    السلام عليكم ورحمة الله وبركاتــه .
    أخواني عندي عدة إستفسارات ارجوا الرد عليها في أسرع وقت ..

    1. إذا انرفضت في جده أقدر أحجز موعد ثاني في الرياض علمـاً بأني حجزت في الظهران ويوم رحت قالو لي أسفين لازم تكمل من جده لانك انرفضت في جده ؟!

    2. في نظام الاستماره الجديد أقدر اغير القنصليه اذا ما حصلت فيها موعد مبكر ولا ما أقدر ؟؟

    3 . أقدر أعبي الاستماره وأخذ موعد بدون تسديد السيفيس ؟؟

    4 . لو بغيت أخذ موعد في جده عشان اراجعهم واستئنف الطلب الاول أقدر ولا ما أقدر ؟ ولو اقدر وش الطريقه ؟

    خالص تحياتي~

  2. إذا أنت انرفضت بجدة خذ لك موعد بالرياض وإن شاء الله تنقبل
    مانصحك أبد ترجع تأخذ موعد بجدة ..
    لأن اخوي ترفض بجده وقدم على طول بالرياض وقبلوه ولاسألوهـ عن الرفض مع إن الفترة اللي كانت بينهم تقريباً 6 أيام .. وفيزته بيوم طلعت ..

    بالتوفيــق

    7 "
  3. الله يسعدك يارب
    طيب ممكن تقولي لي متى كان موعده فجده ومتى موعده في الرياض؟
    لاني انا موعدي كان 31-1 جده ورفضوني ورحت الظهران 6-2 وقالوا لي روح جده لانك انرفضت فيها صح كلامهم والا اروح الرياض افضل؟
    7 "
  4. لا مو صح كلامهم .. أنت الله يهديك كان من الأساس رحت على طول للرياض

    يالله خيره لك

    لأن القنصليات زي بعض < مالت عليهم

    اخوي موعدهـ كان قبل موعدك وتقريبا زي ماقلت لك بينهم اسبوع ..
    وراح للرياض وقابلته وحدهـ وماسألته عن الرفض ولا حاجه بس سألته مين اللي حيتكفل بمصاريف دراستك ومعاك كشف حساب وورقة تعريف من العمل بالمتكفل بالحساب ووبس وقالت له روح سدد فديكس وتأشيرتك تجي بعد اسبوع
    وباليوم الثاني طلعت تأشيرته ومدتها 5 سنوات .. الحمدلله والشكر لك يارب

    مع العلم سبب رفضه كان ( خذ لك كورس باللغه وقدم مره ثانيه ) ..

    بالتوفيق ..
    7 "
  5. اخوي ممكن نعرف بس سبب الرفض
    مثلا انا اخوي رفضوه عشان معدله نازل في الثانويه طبعا الرفض كان من الرياض راح سوا موعد جديد في الظهران
    اول ما دخل المقابله اول سؤال كان ليش رفضوك من الرياض قال عشان المعدل ... قالو له النظام الامريكي يرفضك
    يعني مو معناه انك انرفضت من جده تنقبل في الرياض ..
    بس نصيحتي اصبر شوي خلي بينهم الموعدين اقل شي شهر
    وعلى كلامك انك مسوي المقابله في جده الاسبوع الماضي

    وثق تماما ُ ان الخير فما اختاره الله
    موفق وتقبل مرووري يابطل
    7 "
  6. انا شفت كذا واحد ماسددوا رسوم الفيزا مدري انت منهم ولا لا على العموم اذا هذا السبب من رأيي انك ترسل ايميل توضح كل شي بالتفصيل للقنصلية بجده خاصة مادام هم قالوا لك لمن رحت الظهران راجع قنصليه جده

    وبالله التوفيق
    7 "
  7. المشاركة الأصلية كتبت بواسطة F A B R E G A S
    اخوي ممكن نعرف بس سبب الرفض
    مثلا انا اخوي رفضوه عشان معدله نازل في الثانويه طبعا الرفض كان من الرياض راح سوا موعد جديد في الظهران
    اول ما دخل المقابله اول سؤال كان ليش رفضوك من الرياض قال عشان المعدل ... قالو له النظام الامريكي يرفضك
    يعني مو معناه انك انرفضت من جده تنقبل في الرياض ..
    بس نصيحتي اصبر شوي خلي بينهم الموعدين اقل شي شهر
    وعلى كلامك انك مسوي المقابله في جده الاسبوع الماضي

    وثق تماما ُ ان الخير فما اختاره الله
    موفق وتقبل مرووري يابطل
    السبب اعطاني ورقه مكتوب عليها سبب الرفض 214 وكان فيها اسباب كثيره بس السبب اللي اشر لي عليه كان لايوجد رابط او سبب للرجوع من الولايات المتحده (شي زي كذا)يعني خايف اني ابغى الجنسيه
    المشكله اني مرافق لاختي بس جايب كشف حساب وشهاده بنكيه بــــ100 الف
    ودراستنا تبدا فمارس وقبولوا فيزتها وانا لا اتوقع لان الشهاده البنكيه ما كانت معاي كانت مع المكتب ورحت واخذت صوره منها وان شاء الله القبول نهاية الاسبوع جاي وبحاول في الرياض وان شاء الله تمشي
    وفي شي ثاني اني طالب في الجامعه تخصص انجلش وسالتني الفتره بعد الثانوي ايش كنت تسوي قلت ادرس في الجامعه ولمن عرفت اني انجلش قالت وليه ماتعرف تتكلم شكلها كمان من اسباب الرفض
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.